السلام عليكم ..
وعليكم السلام
انا جايه جده بإذن الله على بداية الترم الثاني
حياك الله ..
وحابه اسأل عن كم حاجه ..
كاسبير آند قامبينيز فين موقعه بجده ؟؟
ومتى يفتح الصباح ؟؟
وعندهم معسلات ولا لا ؟؟
ايوة يفتح الصباح ... موقعه شارع الاندلس تقاطع فلسطين يسار
وتوتي كافيه فين موقعه ؟؟
اول مره اسمع فيه
و الاخت وصايف الحجاز مدحتلي حياة بارك
بسألكم الكافيهات اللي عنده ممكن يسوولي جلسة حفلة نجاح يعني كيكه وكذا ولا لا ..؟
واذا عندكم رقمهم ادوني الرقم اكلمهم
وايش احلى جلسة كافي عندهم ؟؟
هاتف الفندق 022639666
احلى جلسة للكوفي ( كوفي شوب لاونج ) هذا مطل على البحر عندهم اقل سعر لطلبات الشخص 100 ريال .. وممكن يعملوا لكي كيكة ..
بس احجزي عندهم
ومكتب الخطوط الماليزيه والاماراتيه فين موقعها؟؟
اغلب الخطوط الاجنبية تلقيها على امتداد طريق المدينة ... لكن خذي ارقامهم واتصلي .. واستفسري عن مواقعهم بالتفصيل
و ميداس و ديموس فين موقعها ..؟
سألت عنه كثير وبحث في النت للاسف ما وجدت اجابة ... شوفي الاستعلامات خذي الرقم منهم .. لعل وعسى ,,
وابغى سكن حلو غرفه وحمام
سواء شقق مفروشه او غرف فندقيه مو مشكله
اهم شي انها نظيفه وسعرها مايزيد عن 200
غرف فندقية صعب تلاقى بها السعر .. لكن بتلاقي شقق نظيفة لانك جاية بداية الترم الثاني ومافي زحمه ..
شوفي موضوع اخونا شاعري المثبت عن الشقق المفروشة ..
كثرت عليكم الاسئله ..
بس طمعانه بمساعدتكم
عادي يالغلا .. خذي ارحتك على الااخر ..

وعليكم السلام
حياك الله أختي عطر في بوابة الغربية
ما شاء الله عليها مشرفتنا وصايف الحجاز ، ما قصّرت
سأجاوبك على بقية النقاط :

• كاسبر آند غامبينيز : قفل من فترة وجيزة ، سيفتح فرع جديد عن طريق وكيل آخر ، أتوقع أن يكون قريبا إن شاء الله
• توتي كافيه : يقع على شارع الأمير سلطان - جوار روائع المكتبات
• مكتب الخطوط الجوية الماليزية : شارع فلسطين - مركز الجمجوم التجاري - الدور الأرضي - بوابة (10) - هاتف : 667011
• مكتب طيران الإمارات : شارع التحلية - صيرفي ميقا مول - الدور الأرضي - هاتف : 920000176
• ميداس : لا يوجد لهم فرع جدة ، لهم فرع بالرياض وآخر بالخبر
• ديموس : شارع الروضة - بعد النزول من الكوبري المربع باتجاه الخالدية (على اليسار) - جوار محل الجديعي - هاتف : 2830302
• لا توجد شقق فندقية بجدة بالسعر المحدد ، لكن توجد شقق مفروشة ، حددي الموقع المناسب لنرشح لك شقة مفروشة مناسبة

متمنيا لك إقامة سعيدة وممتعة في جدة

وصايف الحجاز
يسعدك ربي ماقصرتي ،
رحال عاشق
يسعدك ربي ما قصرت
السكن بحراء / التحليه / فلسطين
اي واحد منهم مو مشكله
سؤال بعد إذنكم
سيتي دبليو له فرع بجده؟
لأني رايحه أثث ..
واذا فيه محلات حلوه وديكورها مودرن وكلاسيك دلوني عليها
شكراً لكم ربي يوفقكم

السكن بحراء / فلسطين / التحليه / الاندلس / الحمراء
ماعندنا مشكله
اهم شي مو بعيد

عِطِر
نعم ، يقع على شارع الأمير سلطان - مقابل إكسترا (سلطان مول)