ابو ليان
06-01-2022 - 09:34 am
السلام عليكم ورحمة الله وبركاته
اعزائي خبراء ورواد منتدى العرب المسافرين
ارغب هذه السنة في السفر الى تركيا وللاسف انربطت مع شركة قيدتني في فنادق في اسطنبول. :112:
اعلم ان تركيا تحتوي على العديد من الاماكن الجميله غير مدينة اسطنبول بس عاد الشكوى لله
اطلب من الخبراء ان يخبروني باجمل الاماكن التي ممكن ازورها في اسطنبول خلال العشرة ايام وايضاء الاماكن والمدن والقرى القريبه التي ممكن ان ازورها خلال اليوم وتستحق الزياره.
ما هي افضل طرق المواصلات المتبعه في اسطنبول ؟؟؟
افضل خطوط ممكن اروح عليها وتكون رخيصه ؟؟؟
متى الديره تشتغل ومتى تطفي ؟؟؟
منطقة المطاعم والتسوق ؟؟؟
هل الديره امان بالليل ؟؟؟
الفنادق هي
Holiday Inn City
Holiday Inn
Hotel Grand Star
Gloden Age_1
Eresin Taksim Hotel
Istanbul Crystal Hotel
Antik Hotel
Lion Hotel
انا متأكد انكم ما راح تخيبون ضني في رحلتي هذي السنة ... خبرائنا ابدعوا معاي السنه اللي راحت في سويسرا
وانا متأكد ان خبراء تركيا ما راح يقصرون بعد
بالنسبه اخوي ابو ليان( لبورصه ويلوا)
تقدر تروح لبورصه في يوم واحد وترجع لاسطنبول ..
وكذلك يلوا,, وكمان تقدر تروح ليلوا وبورصه بنفس اليوم ..
بس انصحك تخلي لكل وحده يوم عشان تستفيد وترتاح اكثر ..
بورصه
اهم الاماكن فيها الجبل الي تصعد له بالتلفريك مره روعه وهو
منطقه بارده وفيها الكثير من المطاعم تختار الاكل الي تبي وتشوي بنفسك
وتقدر بعد تركب تلفريك ثاني مكشوف او تركب الخيل وانت هناك ..
وفي الشجره التاريخيه الكبيره تروح وتشرب الشاي تحتها ..
وكذلك في الشلالات مره روعه في مطاعم على جوانبها وبعض طاولات المطاعم تطل على الماء
وبعضها بوسطه يعني رجولك وانت تاكل بالماء (بس رجولك لاتخاف ههه) ..
الأسوق (اس مركز) وهذا اول ماتدخل بورصه تشوفه..
وسوق زفر (وهو سوق كبير من قسمين وراقي وبه ماركات ومطاعم متنوعه) ..
وبالقرب منه السوق المغطى وهو سوق شعبي ..
يلوا
فبامكانك زيارة المياه المعدنيه في قرية تيرمال بيلوا ..
وكذلك الذهاب لكورنيش يلوافهو يرد الروح مساحات خضراء كبيره على البحر
به مطاعم ومقاهي والعاب للاطفال وكذلك تنتشر على جنباته المحلات التجاريه
ويوجد بجانه مركز تجاري صغير ..
اتمنى مااكون طولت عليك واعطيتك بالاختصار المفيد
وان شاء الله اسطنبول يفيدزنك الاخوان عنها
تمنياتي لكم بسفره ميسره وموفقه وترجعو للوطن بسلام ..