مرحبا .. انا حاليا في بروكسل ... اذا تريدين شقق في الماريوت ..
صراحه عجبتني وايد ونظيفه ويعتمد كم غرفه انتي تريدين ...
وخبريني لان عن تجربتي دورت وايد بس .... عجبني نظام الماريوت ممكن اساعدج بالسعر
تريدين ام غرفه ام غرفتين ... وبعد في نظام شقق تون عدال الماريوت ... اذا تحبين اسالج عنها بعد حاضر بس حددي المده وكم غرفه لانه يفرق السعر
شوفي اللي تبينه وانا حاضر في الخدمه

شكرا اختي لردك
المده بسيطه 4 -7 ايام
غرفه واحده بمطبخ وصاله وحمام

السلام عليكم
هذا موضوعي من فتره حطيت بعض العناوين ان شاءالله تكون مفيدة
https://artravelers.com/p/re/226617

هلا اختي ... بصراحه انا ماخذه شقه بغرفه وصاله لمدة شهر وعطوني السعر باليوم بي 109 يورو
بس بالاسبوع يختلف اعتقد اكثر ..
وبعد ترا بالنسبه للشقق تختلف في التصميم من الداخل اللي على الشارع غير
واللي على الحديقه احلى ,,, وبعدين ما قصرت اختي ,,, LREEM@ بس بالنسبه لثون هو مش مقابل الماريوت هو على جنب تقريبا مقابل اليوروفيلج
اذا تحبين اسالج عن الشقه لمدة اسبوع كم تطلع ومن اي تاريخ
لان يختلف بعد السعر اذا حددت التاريخ
والسموحه

oriental lady
هلا أختيه
مشكوره أختيه على التصحيح ,, ترى أنا أحدد المواقع عن طريق
القوقل إيرث و بالتقريب طلع مقابل الماريوت
شكرا على التصحيح و ان شاءالله الكل يستفيد

مرحبا
في أحد يعرف فندق هوليدي ان في بروكسل
من ناحيه الخدمة والنظافه

1. أعضاء من المنتدى سكنوا فيه و أبدا ما يمدحونه لا نظافة و لا تعامل جيد


2. هذا رد الاخت miss_ana جربت الفندق وهاذا كان انطباعها

نور على الدرب

أعضاء من المنتدى سكنوا فيه و أبدا ما يمدحونه لا نظافة و لا تعامل جيد

هذا رد الاخت miss_ana جربت الفندق وهاذا كان انطباعها

وغيرت الفندق للسفوتيل كنا ساكنين في الهوليدي ان عزكم الله كان زبالة اتحملت الوسخ فيه وغير انه هب نظيف ومعاملة زفته وازيدكم من الشعر البيت البطاقة الي كانت تفتح لنا الغرفة بس حدها ساعة وكنا كل ساعة انروح الرسبشن ايعدلونها في السستم ومن ما عندهم اهتمام في العرب وكل من نسالهم عن شي ما يعروفون كنت اموت من القهر يوم اشوف الباص ياخذ السياح وكل ما اسالهم من رتب لكم الرحلة يقولون الفندق واخر يوم طف الكيل الغرفة الي احنا فيها كان صقفها مشقوق وانا نايمه كنت اسمع ماي اينقط في الغرفة قمت وسحبت الكاميرا كانت على الكرسي الي جني خفت لا تخترب
بس لما صحيت الصبح كنت بصيح :110لقيت شنطتي وثيابي كلهم ماي لانه كنا نتشاور انغير الفندق او لا عشان جذيه ما فضت شنطتي نزلت وعصبت وهم و لا هامنهم يقولون لي اونه بنصلح لج الغرفة ليش زعلانه قتلهم ما اريد اريد غرفة ثانيه قالولي عندج ربع ساعه لمي اغراضج واحنا بنوديهم غرفة ثانيه اصلا اغراضي جاهزة كانت وعطونا غرفة الكرت مالها لازم يتعدل كل ساعه واخر شي رحنا لفينا فنادق بروكسل كلها عشان اشوف واختار فندق
وهذا انطباعي عن كل فندق
هيلتون بروكسل 5 نجوم راقي و18 طابق بس للاسف كان فول في شارع افينو لويس مقابل فندق السوفتيل
السوفتيل فيه يديد وفيه قديم احنا سكنا في اليديد صراحة روعه لو ما تذكرت دكتورة دلوعه وموضوعها جان الحين انا الهولدي ان اعاني ههه تسلمين يا دكتورة دلوعه حلوة
الهيلتون بروكسل ستي جيد ولاباس فيه بس ريحته هب حلوة قريب من الستي تو
الشيرتون 19 طابق على ما اظن جيد لابس فيه
ستفاني بروكسل روعه في مستوى السوفتيل بعد في شارع افنيو لويس بس وراء الهوليدي ان
https://artravelers.com/p/re/185942

خبيرة بلجيكا
مشكورة
الحين أنا حجزت فيه 5 أيام ودفعت المبلغ
مافي طريقه ألغي الحجز؟

نور على الدرب
في اعتقادي المبلغ اللي أنسحب يكون سعر أول ليلة,,
راسلوهم و اذا في امكانية يتكنسل الحجز و يرجع المبلغ فهاذا جيد
أما اذا ما في امكانية باسترجاع المبلغ ,, فأسكنوا في الفندق هاذي الليلة و بعدين غيروا لفندق ثاني
و حتى لو دفعتوا المبلغ كامل للخمس أيام ,, راسلوهم بعد اذا في امكانية بالغاء الحجز و استرجاع المبلغ
في فنادق آخرى جيده مثل الشيرتون و الهلتون و كراون بلازا و NH
الكثير من أعضاء المنتدى جربوا هاذي الفنادق ويمدحونها
بالتوفيق