السلام عليكم ياالطيبين والطيبات
بارك الله فيكم ...الله يسعدكم ويرضى عليكم
بقول لكم خطة سفرتنا حق بريطانيا وانتوا جزاكم الله خير لاتبخلون على بالنصيحة
أولا بنروح لندن نقعد فيها يومين فقط ( للاستراحة من بعد السفر ) ******** بعدين بنرجع لها آخر أسبوع للتسوق
بعد لندن سنتوجه إلى منطقة البحيرات lake district بنقعد فيها ( 6 أيام - 5 ليالي ) بتقولون وايد عليها 6 أيام > ********>صبروا على شوي
أنا الله يسلمكم مفكرة نقعد فيها ومنها نتوجه للأماكن الترفيهية والسياحية خارج لندن
1 - بلاك بول
2 - قلعة ليدز وايد عجبتني يوم شفت موضوع الأخت الغالية ( wishful (
3 - سفاري وبورن بارك
4 - بيكستر فيلج
ويمكن تطلع لنا أماكن ثانية
أنا ألحين ضايعة لأن ماعندي خريطة بريطانيا اللي تبين لي الأماكن السياحية والترفيهية فيها والمدن القريبة منها
لو تكرمتوا أحد يزودني بالخريطة اللي فيها المقاطعات واللي فيها الأماكن السياحية والترفيهية والتاريخية وموقعها بالنسبة للندن
من بعد البحيرات سنتوجه بإذن الله إلى اسكتلندا
ونقضي فيها أيضا 5 ليالي ( للحين مادخلت على بوابة اسكتلندا ) يعني ماأعرف الأماكن
السياحية والأسواق والأماكن التاريخية ) > ********> الخبير في اسكتلندا يوفر علي الفرفرة في المنتدى
ويعطيني برنامج حلو لزيارتها وطبعا ياريت يكون معاها خريطة وله مني خوش دعوة !!!
بعدها سنرجع من اسكتلندا إلى لندن ونقضي فيها باقي أيامنا ....حوالي 8 أيام
المطلوب ياالطيبين :
1 - الخرايط مثل ماذكرت بالسابق
2 - الأماكن الترفيهية والسياحية والأسواق في المناطق التي ذكرتها والقريبة منها
3 - أسماء محطات القطارات التي نستطيع التنقل منها من مقاطعة إلى أخرى
أدري ثقلت عليكم ...بس أدري انكم كريمين وخدومين بارك الله فيكم
لو ممكن أسعار التذاكر للأماكن الترفيهية ( 3 كبار و2 صغار ) ( سواء متاحف أو قصور أو قلاع )كذلك مواعيد الدخول
وودنا نزور ملاعب نادي الارسنال و ملاعب نادي تشيلسي عشان ولدي الصغير حاب يشوفهم ( أين أقرب مكان نتجه منه لهذه الملاعب من لندن أو من خارجها )
وآخر طلب ********> أدري مصختها .....سمعت عن التذاكر العائلية وقرأت عنها في المنتدى ....من وين أحصلها وكيف تفيدني بالقطارات أو الاندر جراوند أو الأماكن السياحية
ومشكورين ماقصرتوا ياالطيبين .....الله لايحرمني منكم
( ترا هذه العلامات يعني أسهم ....) بس ماأدري ليش مايطلعون !!
وفي انتظار ردودكم المفيدة