الجو معتدل ، يعني الحرارة ماتقل عن 16 وماتزيد عن 34
بعض الاحيان في الليل تصل إلى 13 خاصة نهاية شهر 8

انا من ناحيتي تكلمت عن هالموضوع عشر طعش مره ,,, هذا و أنا متأكد إن ال cnn و ال bbc تكلموا عن الجو قبلي
من 6 الاف السنين و هم يقولون و هذا الشيء معروف ان الجو في اوربا يتغير في يوم و ليله ,,
و قد قالوها في ال nn لحد يسأل عن أجواء اوربا لأنها متقلبه بشكل مستمر ,, اليوم يكون برد و مطر بعد بكره تكون درجة الحراره 20 و حر و شمس

جاسم البدر
يعطيك العافيه أخوي جاسم ... شااكره تعاونك
تقديري لك

ابو خالد ..
ههه طيب أعصابك ابو خالد ...
بس كلامك متعب ...يعني كيف أجهز صيفي وشتوي
عموما يعطيك العافيه أخوي وشااكره تعاونك ...
تقديري لك

مسافر بلا عفش
قصده 85% من الملابس صيفيه
و15% شتويه ، بس لاتقل واجد ..
بس حرص على الاطفال شوي .. لأنهم يتأثرون اكثر مني ومنك ..
وماعليهم مكروه ان شاء الله
والجو بالفعل متقلب جداً ..
مرة حر ، مرة برد ، خصوصاً في فصل الصيف

مع ان سفرنا باقي له عشر ايام لكني جهزت الشنط تقريبا ...
اولا ...
ولدي المصون ... عمره سنه ونص
خذت له قمصان قطن اكمامها طويله ... ولكنها مب غليظه .. يعني قطن عادي ... عشان وقت البرد لا يموت برد واذا صادف جو مشمس بعد ما بتفرق
وخذت له 3 سويترات أحتياط ... اذا صادف جو برد شديد البسه سويتر
بالنسبه للبناطلين خذت بناطلين جنز تصلح صيف وشتا ,,, وخذت بنطلونين شتويات احتياط اذا يانا برد شديد
يازين الاولاد.... والله على ما تقول امي خفيفين العباله ... كانت دايم تدعي لي الله يرزقج خفيف العباله يعني الولد ... الي يسمع يقول عندي 10 بنات ويدعون لي بولد
البنات ( خطر ) ( صورة جمجمه )
البنات ,, لبسهن من كل شكل ولون صيفي وشتوي خفيف .. والمهم السويترات ,,, كل وحده خذت لها 3 سويترات وان شاءالله يناسبن مع كل لبس ...
الحين بالنسبه للأحذيه .. اعزج الله
بحط لكل وحده جوتي في الشنطه + صندل الي بيلبسونه في المطار ...
والله ملابس البنات أزمه في السفر ... كنت مفكره اكون عمليه واخلي السالفه كلها بناطلين جنز وقمصان وارتاح لكن فكرت في التصوير وغيرت رايي وخذت لهم ملابس الكبت كامله
والحين باقي لي ازمة ربطات الشعر و التوكات ,,, هذي بروحها يريد لها يوم تنسيق ******** يازين اللاستيك الاسود بس
يعني القميص الي عليه ستروبري شورت كيك لازم معاه ربطة شعر ستروبري شورت كيك...
القميص الي عليه لولوكاتي لازم معاه ربطات شعر لولو كاتي ... ياهي بلوه
وياشين ربطات لولوكاتي على قميص ستروبري شورت كيك ******** يمدحون العنقاش في السفر
ولاتنسين اهم شي يكون معاج قبعات شتويه خفيفه .. لأن المرض يبدأ من الاذن ... اذا دخل الاذن البرد بدت الالتهابات كفاكم الله شر الامراض ...
رحلة موفقه

ملاحظه :
بالنسبه للملابس الصيفيه .. مافي داعي تكون ملابس صيفيه على اصولها ,,,,
يعني مافي داعي لبلوزات حفر او بلوزه بحمالات و البطن طالع ,, وشورت وهالسوالف ,,,,
خليج على البلايز الصيفيه واكمام طويله واذا حبيتيها صيفيه اكثر خليها نص كم ...

جاسم البدر
إن شاء الله آخذ بنصيحتك أخوي جاسم ..
وربي أحرجتني بكرم تعاونك .... يعطيك العافيه وجعلها في موازين حسناتك
كل الشكر والتقدير لك

هلا بك الأخت سفريات .. هلا وغلا والله ...
وانتي صادقه البنات غثا مع أنا عيالي اثنين بس الله يحفظهم ولد وبنت ... بس دائما أتعب بعفوشهم بالسفر ههه
وخاصه البنت ...مسويه كبيره ذي المفعوصه وتبي تمشي رايها :112:
ومشكلتها لما تبكي وتزعل الدلع أبوها يقول خلي بنتي براحتها :112: >> شوري أخليه هو يتولى حط ملابسها بالشنط عشان يحرم يتدخل :36_1_3:
تخيلي السفر باقي له كم يوم وماقفلت الشنط الشي الوحيد اللي ماتدخلوا فيه البيجامات
طفشوني ... لكن بوريك فيهم بكره أقفل شنطتي وشنطة ولدي واقهرهم هو وبنته
ماشاء الله عليك الأخت سفريات منظمه وجهزتي شنطك بدري ليتني أقدر مثلك
خالص شكري وتقديري لتعاونك الدائم ....:36_3_11: