كان ودي اساعدك يااخوي لكن لست من سكان الدار البيضاء ان شاء الله الاخوان ماراح يبخلون عليك وسفرة موفقة يااخوي

تروح وتجي بالسلامه ان شاءالله

1. وين نتمشى بالداتر البيضاء


2. بختصار كم التكلفه بدون التذاكر مده 5 ايام

السكن وين يكون طبعا توضحون لي سعر الشقه بالريال او الفندق المكونه من غرفتين باليوم كم ووين العنوان طبعا المكان يكون قريب من جميع الخدمات مطاعم و
طريقه المواصلات والاسعار باليوم ولا بالمشوار

وين نتمشى بالداتر البيضاء

بختصار كم التكلفه بدون التذاكر مده 5 ايام

عزيزي بالنسبة للسكن لو هي فنادق عندك فندق كنزي بسمه ب 750 درهم يعني 320 ريال تقريبا حسب الصرف وهو لاباس به والافضل انك تسكن في افضل مكان في كازا في حبيبتنا عين الذياب وأفضل فنادقها فال دي أنفا كلوب 4ل نجوم ب 950 -1100 درهم حسب المواسم 550 ريال تقريبا وايضا فندق السويس وفندق الحوض الجميل وبامكانك التمشية على الكورنيش والاستمتاع بالمقاهي وبشاطئ ميامي وبعين الذياب الراقية الفارهه لكن ربما لايعجبك اكل مطاعم كازا ( انا مااعجبني
بخلاف مطاعم أغادير حيث تتوافر مطاعم تقدم طعام خليجي شهي جدا ) ولن تستطيع الاكل والاعتماد دوما على مطاعم الوجبات السريعة كماكدولاند وبيتزا لايمكن تناول طعام الغداء والعشاء (ماراح يحوج) لازم رز ولحم أوسمك لذلك خيار الشقة افضل وخذ لك من بلدك عزبة صغيرة رز وبهارات ومعلبات مفضلة لديك واللحم تاخذه لك الشغالة من جزار هي تعرفه وبالهنا والعافية أهم شي بطنك حبيبي
اذا شبعت زان كل شي أما ماكدولاند أوبيتزا فممكن عشاء أو تصبيرة أو بامكانك التسوق للوازم الشقة من اسيما زي بنده عندنا .... على فكرة هذا لايعني أن الأكل المغربي ليس طيب بالعكس ولكن ياليت تأكله في بيت مغربي ( الطاجن ، الكسكسي ، الحريرة ) زي طبيخ البيت عندنا يفرق عن أكل المطاعم
التمشية راح تستمتع جدا جدا بعين الذياب ومقاهيها ومناظرها وأجوائها وبامكانك زيارة مسجد الحسن الثاني وساحة محمد الخامس وبوبة مراكش والحبوس ومشاهدة مسجد وقصر أبو متعب حفظه الله
بخصوص المواصلات استخدم التاكسي أفضل واريح اي مشوار داخل كازا مايزيد عن 10 - 20 درهم وتتضاعف التسعيرة ليلا ؟؟!! لو اسأجرت سيارة اقل شي ب 250 درهم بدون سائق وانت ماتدل الاماكن .. ليش وجع الراس ومن المطار والى المطار تااكسي ب 250 درهم
راح تكلفك ال 5 أيام تقريبا 6000 ريال وخذ زيادة احتياط ووزعها نصف سيولة معك تصرف من المطار في كازا أول ماتوصل 1000 ريال والباقي بعدين في بنوك كازا وما أكثرها والنصف خله بالحساب وبأي صراف بنك تسحب دراهم حسب ماتحتاج وبامكانك الصرف اقل من هذا المبلغ حسب نظامك ( ايش نظامك ؟؟؟!!!!) نسيت أقوللك ان الشقق في شارع بوركون والزرقطوني وأنفا وتحياتي وسفرة سعيدة

تروح وتجي بالسلامه ان شاءالله