مافي اي رد !!!!!

السلام عليكم ورحمة الله وبركاته ::
حياك الله اخوي ..والله يعطيك العافية ..المعذرة للتأخر بالرد .
والله مدري وش اقولك ..بس ما ادري ..هل تشوف 8 ايام في ميونخ كثيرة ولا كيف ؟
هل عندك مخطط الانشطة لكل يوم فيها ؟
انترلكن لو تقعد عشرة ايام ..اقولك ما عندك مشكلة .
فكن ود ان ميونخ تقسمها ..اربعة ..وزيلاميسي اربعة .
او خمسة في ميونخ ..وثلاثة في كونستانس .
يعني مجرد اقتراح .
واذا كنت حجزت خلاص ..فالله يعينك ..يبغالك تشتغل على الانشطة اليومية وتشوف كل يوم فين راح تروحو .
اما من ناحية التعب ..التعب هذا تنساه ...لاحق على التعب في السعودية
ومن واقع تجربة ..اول الايام راح تحس بحماس وما راح تحس بطول الطريق ...مناظر طبيعة خضار استراحات توقفات انهار سهول جبال ..الخ .
لكن في اخر الايام..افضلها تكون سريعة واغير اماكن الاقامة بشكل معقول ...لأن الحماس راح يقل شوية .
وكل ما كثرت الانشطة راح يرتفع الحماس عندك ...فعشان كذا قلت لك قسم ايام ميونخ .
مثلا ..بالقرب من كونستانس ..جزيرة الورود ..هي الوحيدة على ما اعتقد على مستوى اوروبا ..بالاضافة الى قرب شلال الراين اكبر شلال في اوروبا .
وبإمكانك عمل رحلة ليوم كامل الى مدينة الالعاب اليوروب بارك اللي بمثابة ديزني ..اذا كان ودك (تبعد ساعتين تقريبا عن كونستانس..تمر من خلالها على الغابات السوداء)
واصلا اذا ريحت في كونستانس تكسر عليك طول الطريق من ميونخ الى ايفيان (من ميونخ الى ايفيان خمسة ساعات ونصف)
والامر راجع لك اخوي...والله يكتب لك اللي فيه الخير.
وبالتوفيق.

التخطيط متعب والتقسيم برضة
اذا الفرق باسعار الشقق بتفرق معك الله يعينك
بس برضة 8ليالى بميونخ ماتستاهل ممكن تسكن بكابرون

Medo 77
مشكور الله يعطيك العهاية أنا السنة اللي راحت كنت في زيلامسي وحبيتها وفعلا فكرت اني اقسم الأيام بين ميونيخ وكابرون او زيل ام سي وطولت الايام في ميونيخ علشان الشوبنق ونخفف شوي من التنقلات علشان زوجي والاطفال
لكن شكلي راح اخذ بإقتراحك

ابو طلال*
اهلين اخوي انا ماتطرقت للاسعار ومافهمت القصد ان اسعار الشقق بتفرق ممكن توضح لي أكثر ؟
وياليت تتكرم وتعطيني تقسيم أفضل وأريح مع الأخذ بالاعتبار أن وسيلة التنقل السيارة