والله اخوى انا اشوفه سعر حليو من خلال متابعاتى انفس الموضوع هالايام بس هل العداد بدون لمت يعنى كيلو مترات مفتوحه بعدين وين عنوانهم بالكويت بمر عليهم لانى ابى اجرها من شتوتغارت على فكره شيكيت على الاسعار فى موقعهم ولا لا يمكن ارخص( واشلون ماخذوا منك فيزا ولا ماستر كالرد كتامين لما ترجع السياره يمكن فيها شى لاقدر الله ) وصج على فكره دير بالك اخذ فل انشورنس والسلام ختام

العداد مفتوح وعنوانهم متفرع من شارع كندادراي اذا خليت الميلم للتواير ( فرع كبير وعلى زاوية ) اذا خليته على يسارك فيه لفة يمين وبعد ماتدش فيه تقاطع كمل سيده تلقى مركز بهبهاني خدمة سريعة على يسارك.
راح تلقى داخل بالمكاتب فرع sixt .. ملاحظة : على الشارع مو مكتوب لوحة فيها sixt فقط بهبهاني.
الفيزا راح ياخذونها في مطار هامبورج.
بالتوفيق ..
واتمنى احد من الاعضاء يقولي شنو اختار من السيارات اعلاه خصوصا من ناحية الجي بي اس

اخي الكريم ،، انصحك بالمرسيدس ،، انا راكبة مرسيدس نفس الموديل بالظبط ومرتاحة معها تمام الحمد لله ومن محاسن الصدف في هامبورغ كمان ههه
النافيغيشن تبعها سريع جدا وسهل الاستخدام وان غلطت ودخلت في شارع غير الشارع الصحيح تغير لك المسار في وقت سريع جداً على عكس الاودي ..
توصل بالسلامة ان شاء الله وترا الجو في هامبورغ الآن رائع جداً بعد ما كان حرّ جداً في اليومين الماضيين ... اتمنى انكم تنبسطوا هنا

ايموايز
جزاج الله الف خير
ووراح اعتمد على كلامج وآخذ مرسيدس
وان شاءالله يستمر الجو الحلو :rain:
لكن عندي سؤال
النفيقيشن اللي في المرسيدس اوروبي ولا بس داخل حدود المانيا
لأني ناوي اروح بلجيكا وهولندا

يمشي في اوروبا كلها ياخوي ،، توكل على الله

ايموايز
الف شكر على الافاده والمساعده
وين تنصحونا بأحلى المناطق في المانيا من ناحية الطبيعة

زين واللى ماعنده كريديت ما يقدر يستلم سيارته بالمانيا ( بطاقه البنك العاديه يصير ولا لا او بطاقه واحد ثانى غير اللى مستاجر السياره )

أنا جربت المرسيدس من 26/7 إلى 6/8 سيارة رائعة بصراحة
خصوصا في الطرق
سرعتها قوية رغم أنها ديزل
النفقيشن اللي فيها لدول أوروبا ويعمل بالسي ديز
يعني كل دولة تعمل بحث فيها يطلب منك تدخل السي دي الخاص بها
سهل الاستخدام
تدخل اسم الدولة ثم تدخل اسم المدينة ثم اسم الشارع
دقيق جدا في المدن
لكن في الطرق بين الدول ما ارتحت له لأنه أخذ بي لفه طويلة في إحدى المرات
فاستعملت القارمن اللي معي
السعر حلو وإن كان مرتفع نوعا ما
لأني أخذتها من شركة إيفيس بالرياض ب 39 يورو يوميا