الموضوع له 24 ساعة مااحد رد عليه

انا ماعمري رحت المانيا
بس شفت موضوعك
وحبيت اساعدك حطيت اسم الفندق في قوقل وماطلع لي شي
اتمنى من خبراء المانيا يفيدونك

اخي الغالي ..
بداية اتمنى ان تعذرني انا وجميع الاعضاء .. فجميعنا نعمل تطوعا ولدينا عمل واشغالنا الخاصه .. فلو تاخرنا او ماردينا على
اي موضوع اتمنى ان لانجد تسخط ولوم .. كل ما نرجوه الدعوات الصادقه .. اتوقع انك تتفهم هالشيء
الفندق يعتبر من احدث فنادق ميونيخ حيث تم افتتاحه عام 2006
وهو اختيار جدا مناسب ضربة معلم ..
مقابل له وقريب جدا محطة القطار " الهاوبت بان هوف "
ومنطقةالتسوق في شوارع المشاة كارل بلاتز ومارين بلاتز .. مشي حدود 4 دقايق وانت في وسطها
الفندق 4 نجوم ومن صوره في النت يبدو رائع
هذا موقع الفندق
http://www.flemings-hotels.com/en/muenchen_flemings_hotel
وسفره سعيده

شكراً لك
لانقصد التسخط انما فقط لرفع الموضوع
نقدر لكم تطوعكم
وشكراً

أخي الكريم
فيه فندقين
الأول اللي في مشاركة مشرفنا "بوبي"
Fleming’s Hotel München-City
وهذا مقابل المريديان و السوفتيل
موقعه ممتاز جدا .. وتصميمه رايق ورومانسي
سعره تقريبا 950 ريال
تم افتتاحه بعام 2006
وهذي صور من الفندق ...
غرفة النوم


الاستقبال

وهذا يمكن يكون عيب .. أو ميزة حلوة ... ههه
الشور مكشوف ..... :109::109:

صورة أوضح


الفندق الثاني
Fleming's Hotel München-Schwabing
وهذا اللي لقيته انت بسعر 660 ريال تقريبا
وتم افتتاحه بعام 2005
وهذا أبعد من الفندق الآخر ...
أتمنى لك سفرة سعيدة ...
دمت بكل يود

شكراً لك
ملاحظتك جداً مهمه
وجعلتني اعيد النظر

طيب شرايكم في هالفندق :
InterCity Muenchen
تقريبا حصلته بسعر 756 ريال س لليلة
وشكراً

مساء الخير. بالنسبه للفندق موقعه ممتاز حيث انه قريب حدا عن محطة القطار وشارع العرب.وقريب ايضا جدا عن شارع المشه وشتاخوس

شرايكم في هالفندق : أأكد الحجز والله احترت
NH Deutscher Kaiser
الفندق الموقع من حيث
الفخامة
الخدمات
قربه من محطة القطار
من مراكز التسوق