عندكم 24 ليله ومخططك ملخبط بالمسارات
سؤالي الاول هل حجزتوا التذاكر خلاص؟؟ لانه اذا حجزتوها معناته لازم نلغي فيينا لانها بعيده عن المخطط ولينز مافيها شي تروحون لها
ممكن اعطيك مخطط
ميونخ وصول فقط - زيلامسي - قارمش - كونستانس - رست - ميونخ
احنا عددنا 9 زيكم وهذا مخططنا قبل العام مره حلو ومنوع طبعا احنا كنا بدون قارمش ورحنا مباشره من زيلامسي الى كونستانس 5-6 ساعات بس انتوا مدتكم اطول ويمديكم تضيفون قارمش بالوسط
سالزبورغ تزورونها من زيلامسي
رست فيها العاب اليورب بارك روعه لاتفوتكم
من كونستانس تزروون شلالات الراين وزيورخ وجزيره الزهور

لآ الى الحين مآ حجزنآ التذآكر حجزنآه بالنت يعني الى الحين ما دفعنآ فيمدي لو نغير يعنييعني من رآيكم نلغي لينز !
والله ودنا ب فينآ بس انا قريت ان المسآفه بين فينآ و لنز 150 كيلو بس يعني مو كثيره

اذا لسه ماحجزتوا
4ليالي فيينا - 8ليالي زيلامسي - 4ليالي كونستانس - 4ليالي رست - 4ليالي ميونخ
انتي قراتي عن لينز وعاجبتك ؟؟ لانه مافيها شي يستاهل هي مدينه صناعيه
من فيينا الى سالزبورغ تروحون مع سواق اجيب لك واحد جربته عائله 9 اشخاص وداهم من فيينا الى القريه الالمانيه القريبه من سالزبورغ عشان يستلمون منها السياره وتسلمونها بميونخ دفعوا له 500 يورو وهو مناسب بدل التعب بالقطار وخصوصا انتوا عائله ومعاكم شنط اول تقولون ناخذ السياره من فيينا ونسلمها بميونخ بس تدفعون ضريبه وكمان سعر ايجار السياره من فيينا اغلى من المانيا

لازم الذهآب والعوده ميونخ لآن الخطوط اللي بنحجز فيهآ مافيه الى فينآ للآسف
انا كتبت المسافات بينهم ..
من ميونخ الى زيلآميسي 200
ومن زيلآميسي الى لينز 200 كم
ومن لينز الى فينآ 150
ومن فينآ الى سالزبورغ 300
ومن سالزبورغ الى ميونخ 150
والله امي قرت عنهآ مدري بتاكد و بشوف لانهآ تقول حجزت كوخ او شي زي كذآ يعني طبيعه

شكلكم حاجزين على الاتحاد
ياغاليه من زيلامسي الى لينز راح تمرون على سالزبورغ بعدين من فيينا راح تمرون على لينز كمان يعني تكررون الطريق اكثر من مره رايي اذا تبغون تشوفون لينز رغم اني متاكده انه مافيها شي يستاهل وانها صناعيه تروحون لها يوم من فيينا او انكم بالطريق من سالزبورغ الى فيينا توقفون فيها وتتمشون فيها شوي
وش رايك يكون مخططكم اذا تبغون فيينا
4ليله
ميونخ وصول فقط - 10 ليالي زيلامسي - 4ليالي سالزبورغ - 5ليالي فيينا - 5ليالي ميونخ
تختارون يوم يكون الوصول بدري الى ميونخ ومباشره الى زيلامسي
اطول مسافه عندكم 5 ساعات من فيينا الى ميونخ
المشكله بالسياره في فيينا ماتقدرون تسوقون فيها عند السنتر صعبه جدا ولو سلمتوها كيف ترجعون بعدين ميونخ ممكن تروحون مع سواق ارخص لكم واوفر لكم

لازم تنزلون على ميونيخ وترجعون من ميونيخ؟
انا اشوف انه 24 يوم في 3 مدن كثير وممل ..
عن اذن اختي دموع الوجد .. عندي مخطط ثاني انكم تنزلون ميلان 4 ايام وانترلاكن 4 ايام وبعدين رست 4 ايام ومنها قارمش يومين وبعد ذلك زيلامسي 5 ايام وميونيخ 4 ايام
المسافات بين اغلب المدن 3 ساعات ماعدا من رست الى قارمش تقريبا 4 ساعات ونصف
صح انه تنقلات كثيرة لكن بالسيارة مابتحسون بالعكس بتستمتعون و بتزورون كذا دولة .. في نظري انه 10 ايام في مكان واحد ممل وما شاء الله عندكم 24 يوم
بالاخير لكم حرية الاختيار موفقين

دموع الوجد كثير 10 ايام بمكان وآحد احس ملل بيصير
سيف الامارات لا نقدر ننزل ب ميلآن و نرجع من ميونخ
يعني برآيك قارمش ورست افضل من فينآ و سالزبورغ !
ويعطيكم العافيه كلكم :$

طيب الحين المشكله لو نزلنا من ميلآن و رجعنا من ميونخ
وش نسوي بالسياره لاننا بناخذها بيوم الوصول من المطار و نرجعها بالعوده

انتي قلت لي لازم فيينا وبصراحه هي اللي مصعبه الموضوع لانها بعيده
ياغاليه 10 ليالي في زيلامسي تشمل زيلامسي وماجاورها احنا نروح نقعد اسبوع في زيلامسي ومانشبع ونصيحتي لاتخلون لزيلامسي اقل من 7ايام لانها تستاهل
ممكن نخلي المخطط
ميونخ وصول فقط - 4 ليالي قارمش اوفوشن او شوانغو- 7 ليالي زيلامسي - 3ليالي سالزبورغ - 5ليالي فيينا - 5ليالي ميونخ
من ميونخ الى قارمش 90 كيلو
وممكن ندخل رست اليورب بارك لوحبيتي ويكون مخططكم
فرانكفورت وصول فقط - 3ليالي رست - 4ليالي كونستانس - 7ليالي زيلامسي - 5ليالي فيينا - 5ليالي ميونخ