- وهالاضرار كبيره لايمكن اصلاحها الحين يعني تم تأجيل الرحله.
أولا قولو لي الحمد لله على السلامه
ثانيا تفاصيل الخبر
كنا راكبين بأمان الله في الطيارة اللي اضم عوايل خليجيه كثيره الطياره قادمه من ميونخ متجه لدبي
الطياره كانت تمشي على المدرج "اتسخن " وأول ما وصلت المدرج الرئيسي واستعدت للإقلاع
وبدا الطيار يزيد السرعه سمعنا صوت انفجاار (بوم) ووقفت الطيارة ونزل الجنب اليميين يعني مالة لليمين اشوي
المسافرين سكتو كلهم وعم هدووء قاتل الطيارة كل واحد يطالع الثاني وساكت المضيفه اللي بجنبنا حاولت اطمنا قالت يمكن التاير انفجر وهذا شي عادي بيصلحونه بس بياخذ وقت
اشوي اتكلم الكابتن قال ان في خلل بيشوفو وبيحاولون اصلاحه
هني بدو الناس يتجمعون عدال الدرايش يشوفون شو اللي صار
طبعا هرعت سيارات المطافي والاسعاف والشرطه :11sted_co واحنا مب عارفين شو اللي صاير
اشوي واتكلم الطيار وقال كلام عن العطل بس انا مالي خبره في ميكانيكا الطيارات بس اللي فهمته ان التاير صار فيه شي والهيدروليك انكسر وانصب على الارض وابريك الطياره صار فيه اضرار
وهالاضرار كبيره لايمكن اصلاحها الحين يعني تم تأجيل الرحله.
"أنا كنت مستعده للإ قلاع وفاصخه الجوتي :36_1_24: واتمنيت انهم ما يأجلون الرحله لاني ما اقدر البسه كنت امريحه خلاص وابا أنام :thumb_ico "
المهم الطيار قال يجب اخلاء الطائر وفتحو الابواب ويت الباصات طبعا من نزلنا من الطياره الكل اللي مجهز كاميرته واللي امجهز موبايل والتصوير اتقول مؤتمر صحفي أنا صورت بكاميراة الموبايل شوي كنت مشغوله ويا العايله فما قدرت اصور
" شوفو أنا عمري ما نزلت صور في موضوع يعني بالعربي ما أعرف أنزل صور لازم حد يشرحلي وانا ان شاء الله بحط لكم الصور"
وخدونا صاله كئيبه ذكرتني بمطار خليجي دايم يتعبني بس ما بذكر اسمه لكنه مشهور بعدم وجود مرافق أوخدمات بالرغم من الضغط الكبير اللي عليه
المهم أغلب اللي في الطياره وخصوصا الخليجيين كانو من العوايل يعني شوحاله الاهل ويا الاطفال واحنا كان عدنا طفلين وتعبنا في قاعه الانتظار هاي وايد وزعولنا ماي وعصير بس حتى ما شي كراسي الكراسي كانت أقل من العدد تمينا متعطلين مده طويله وبعدين رتبو وضعهم وقالو بيودونا فندق الكمبنسكي اللي في المطار
وهذا موقعهمhttp://www.kempinski.com/ar/hotel/in...d=19&tab=360""جاهزيتهم للتعامل مع الحلات الطارئه تعيسه خل يشوفون مطار دبي ويتعلمون "" المهم بعد ما خلصنا سالفة الاختام وبنروح المطار ماشي سيارات ويعني يا ننتظر مده لا بأس بها أو نمشي مسافه تقريبا 5 دقايق المهم احنا فضلنا المشي عشان نوصل بسرعه ونرتاح الصراحه السفر ويا الاطفال وكبار السن شي متعب خصوصا في هالحاله بالاضافه الى كون الاطفال امسويين عماليات هذا يصعب الموضوع زياده
المهم وصالنا الفندق وانصدمنا :bounce8: بطابور له بدايه وليس له نهايه وتمينا قرابه الساعتين بعد في الطابور المهم احنا قلنا بنيلس في الكافيه لحد ما يوصل دورنا بالطابور بدل ما انتعب اليهال المهم يلسنا في الكافيه بغينا أكل أو شوربه لليهال ما حصلنا عنده قال لنا الجرسون انت تبع طائرة الامارات قالناله اي قال في بوفيه لكم قمنا ورحنا البوفيه يوم وصالنا قال لنا اللي واقف هناك لازم انييب ورقه ان احنا ساكنين قلنا له احنا بعدنا انسوي الاجراءات والطابور طويل قال أنا عارف الموضوع بس اول انسوي شك ان انا عاد وصلت حدي :112: :112: من الألمان وتتنيحهم علينا العرب وبيروقراطيتهم اتقول ساير دول من العالم الثالث المهم عطيته كلمتين وروحت :36_1_29: وبعد ما خلصنا الاجراءات وصار الليل رحنا البوفيه بعد تقريبا 3 ساعات من أول مره شوف تعقيد الاجراءات كيف المهم اتصدقون ان في واحد ثاني حتى ما طلب لا ورقه ولاشي ورحب بنا ودخلنا البوفيه وكلنا يعني اجراءاتهم على المزاج اذا رايق اوكي واذا امتنح لا المهم انا ما فوت هالموضايع بالراحه في شكوى طويله عريضه ضده اكيد
ويوم رحنا الحجره على طول حطيت الجزيره قلت اكيد احنا خبر عاجل لأن المطار اتسكر واتأجلت رحلات كثره بس محد ياب طاري ما ادري ليش
ويوم السبت18 /82007طارت طيارتنا الساعه 12 بعد تاخير ساعه والمسافرين كلهم كانو على أعصابهم وأول ما وصلت الطياره المطار بالسلامه قاممو يصفقون من الفرحه
وانتظرو تفاصيل رحلتي العلاجيه الى المانيه مع الصور
