1. السلام عليكم ورحمة الله وبركاته

السلام عليكم ورحمة الله وبركاته

أخواني واخواتي الاعضاء اخوكم شايل هموم الدنيا فوق راسه للاسف .. باقي شهر على السفر تقريبا وبصراحه ما عمري طبيت مصر او شفت مصر غير في الافلام والمسلسلات .. وشايل هم هالسفره لانها بصراحه مو بس فتره الصيف يعني مطول في ارض الكنانه ان شاء الله.. ولا اعرف احد في مصر حاليا علشان يرتب اموري .. كلمت ابو محمد اخذت رقمه من مواضيع بعض الاعضاء مدحوه في اكثر من موضوع بصراحه الرجال ما فيه شيء بالعكس واضح وصريح .. المهم مالكم بالطويله الرجال قال لي راح استقبلك بالمطار وفي شقه مدحها لي في شارع انس بن مالك وهو متفرع من شارع شهاب بس للاسف دور ارضي وبصراحه ما بجكم اني ما شفت مصر ولا اعرف شوارعها ما ادري هل الشارع حلو او لا انا اخاف احجزها مبدئيا وفي الاخير تطلع الشقه ازعاج بحكم انها دور ارضي اخاف ما اقدر انام من اصوات السيارات وازعاج السيارات والزحمه خاصه اني راح اجلس في مصر مو بهدف السياحه يعني مضطر انام الساعه 12 الليل واقوم بدري كل يوم وزي ما قلت لكم اخاف تطلع الشقه مزعجه بحكم انها دور ارضي ابي ايكم يا اخوان هل شارع انس بن مالك شارع رئيسي ومزدحم ومزعج او لا انا عارف شارع شهاب شارع الخليجيين والسياح وانا ابي مكان هادي صراحه وبنفس الوقت ابي يكون قريب من شارع حيوي فيه محلات من مقاهي وغيره من المحلات
ارجوكم ساعدوني ولو في احد في مصر حاليا ويقدر يساعدني ويرسل رقمه لي رساله خاصه علشان انسق معاه يمر يشوف الشقه اكون له شاكر ومقدر
تعبت من هم هالسفره والله خوف وتردد مو طبيعي كانه اول مره اسافر مع اني مسافر دول كثير بس اول مره دوله عربيه غير خليجيه ولا اعرف فيها شيء صراحه الا مجرد معلومات من هالمنتدى الشامخ صراحه.
ابي شوركم يا اخوان