بعد التحية والاحترام
نعم اقولها
واقولها
واقولها
من لم يذهب الى خاو سوك
لم يذهب الى تايلند البتة
تعرفون البتة نعم البتة
المشكلة اني ما صورت ولا احب التصوير
واللي ما يحب الكلام
يقولي يصير خير
خاو سوك في بوكيت
شدني الكلام عنها ولم يذهب اليها احد
فجربت التجربة وباذن الله العودة لها اجلا ام اجلا ام اجلا ام اجلا
مدري اتوقع
- 2010
اول 17-7-2010
الوكاد
الرحلة هذي عدد الرحلة فقط 20
انا حجزت لها قبل ثلاثة ايام يالله يالله لقيت حجز لها
فقط 20 شخص يذهبون لها
للحجز اكثر من شركة بس غير المترجم
يعني على سبيل المثال
انا رحت مع سواح استراليين مع مترجم انقليزي
فية رحلة مع سواح روسيين والمترجم روسي
يعني لازم تسال الكشك اللي تحجز منة
انقلش ولا روسيين
خاو سوك تعتبر جزيرة داخل جزيرة بوكيت فيها فندق يعني باختصار
تعرفون كوخ فلونة وابوها والله العظيم انها بالظبط
فية كوخ على النهر وفية كوخ داخل الغابة تختار على كيفك طبعا
تبعد عن بوكيت 100 كيلو
الطريق ساعتان ونصف
الانطلاق الساعة 7 ص والعودة الساعة 8 م
طبعا كل نص ساعة نوقف
نص ساعة للبنزين وتطلق رجلينك
نص ساعة تمر على البلدة اللي دمرها تسونامي وتشوف اشرطة والبلد هذا مات فيهم 7 الاف شخص
وتشوف في البلدة هذي قارب حربي
مقذوف عن البحر 2 كيلو
وامر ملك تايلند بجعله تذكار ونصب تذكاري ذكرى للاسر
وهناك عندة سيدتان يبيعون اشرطة وصور الضحايا وطبعا المترجم قعدنا منهم
يقولون السيدتان ان يوم تسونامي كانن يشيلن الضحايا وهن مغطيات خشومهن بمنديل من الريحة
اللهم ارحمنا واغفر لنا ذنوبنا
بعد نص ساعة تمر على شلال وسط غابة وتصور وياه وبجنبة اعلى نقطة في منطقة قريبة من خاو سوك نسيت اسمها
انت لحد الحين ما وصلت
كمل
كمل
بعد نص ساعة قبل دخولك لخاو سوك
توقف عند شجرة كبيرة فيها دجاج وقرودة سبحان اللي جمعهم وتشتري لهم حب 20 بات ويجونك ركض قمة الوناسة طبعا
بعدين نوصل لمدخل خاو سوك
ومجهزين لك داخل الغابة كراسي عدد 20 شخص لتناول وجبة الغدا
طبعا الغداء اسلامي كلة
المترجم يقول العائلة اللي تسوي الطعام مسلمة
طبعا طمنا
ويقول المترجم انتم اول عرب تجون خاو سوك
يس
وحفظ اسمنا ما راح اعلم باسمي
بس هو حفظة اسالوة وهو يجاوب
بعدين ننزل على على فيلة لمدة ساعة كاملة وانت بظهر الفيل
قمة المتعة ورب البيت
وسط غابة وطين ونهر يمشي الفيل
وبعدين نروح نركب قارب مطاطي عدد شخصين تفتر على نهر خاو سوك ساعتين وكل شوي نوقف
تشوف ديبان ثعبان فوق الشجرة سبحان الله
وانت بالقارب فوقك جذع شجرة تشوف حية واقفة فوقة قمة المتعة
وبعدين بعد ساعة نقف
ونتسبح
بعدين نرد بوكيت
بس لا رديت بوكيت
الوقوف فقط بعد ساعة
وساعة ونصف مشوار لبوكيت
الملاحظات ///
لا تروح باطفال لانها فيها مخاطرة كبيرة جدا
خاصة بالنهر والفيلة خطر جدا
لا طلعت من بوكيت بعد ساعة تمر على نفطة تفتيش خارج بوكيت
يقول المترجم هذي خاو سوك لها نقطة حدودية
تكلفة الرحلة 1700 بات
يا اخوان والله عجيبة
وتستاهل من يروح لها
ان كنت في بوكيت احجز اول ما توصل لان عليها ضغط غير طبيعي
ملاحظات////
لازم تاخذ شنطة لك فيها
ملابس تبديل وكريم حق الشمس
لا ينصح باصطحاب الاطفال
اي سؤال انا حاضر
يمكن فاتني شي بالاسئلة انوركم وتنوروني
انوركم وتنوروني
انوركم وتنوروني
الله والله كلامي درر
سلامي
على العموم بارك الله فيك و تقبل تحياتي .