في اي منطقة من الرياض.....الرياض كبير

وعليكم السلام
ياهلا والله والف ألف مبروك عليكم وان شاءالله يتممها بخير عليكم يارب ...
وماشاءالله أخو إماراتي بيتزوج من اهلنا والله هذي الساعه المباركة والفرحه فرحتين ...
أخوي عندك قصور الأفراح كثيره ... وكل منطقة تختلف عن الثانيه ... يعني وين اهل العروس ساكنين بنقدر نفيدك ... اما بخصوص الفنادق فعندك الفهد كراون ... الفيصلية .... المملكة ...
وعلى قولتك هي ليله تدفعها وانسى الباقي ...
ولنا عودة لهذا الموضوع ..
بالتوفيق يارب

(( Navigator ))
(( ya - mas ))
جزاكم الله ألف خير على ردودكم السريعة ،،،
الحي الي ساكنين فيه اهل العروس اسمه حي العزيزية ،،
ما في أي مشكلة لو كان القصر خارج الحي ،،
بس المهم يكون قصر جميل ،، واسع ،، خدمة ممتازة من جميع النواحي (الضيافة ،النظافة ...الخ)
وسؤالي الاخير وين أحسن من ناحية
الفخامة والجمال وروعة الاثاث والخدمة
( الفيصلية ولا المملكة )
وجزاكم الله ألف خير ،،،،
دار زايد

حياك الله أخوي دار زايد , والله يوفقك ان شالله ...
ارشح قصر الفيصل في طريق الدائري , بجوار شارع عائشة ...
وبالنسبة للفنادق أرشح فندق الفيصلية ...
تحياتي

الأخ معجب
جزاك الله خير على الاختيار ،، بس عندي استفسار بسيط ؟؟؟
قصر الفيصل ايجاره كم ؟؟؟
وايش المزايا إلي فيه ؟؟؟
وبخصوص الأطفال يسمح لهم بالدخول أو لا ؟؟
سمعت إن بعض القصور تمنع حضور الأطفال
والله يعطيك الصحة والعافية ،،،
وتحياتي لك
دار زايد

بارك الله لك وبارك عليك وجمع بينكما بخير
أخوي ما ودي أحطمك بس من جد القصور الآن أغلبها محجوز حق ثلاث شهور قدام يعني لو لقيت حجز بتلقى غالي،،،
وبالنسبة للمبلغ اللي بتصرفه الحين عندنا أستراحات خمس نجوم ممكن تستعيض عنها وتكون مخصصة للزواجات ،،، آجارها من 6000 وفيها ما تتعدى مع الذبايح والطباخ والقهوجية بتوصل 20 الف كحد أقصى واذا تبي طقاقات فهذي حسبتها ثانية ،،،
واذا أنت جاي للرياض قريب أنا ممكن أتعاون معاك في البحث بس تنسق معي قبل ما تجي ،،،
أخوك كبيان

اخوي اول شي الف الف مبروك يالغالي
وبالنسبه لقاعات الآفراح هناك قاعة افراح رائعه جدأ وديكور وتصميم جدأ عالي من الداخل وهي قاعة المرسلات للاحتفالات , تقع في شمال الرياض في حي المرسلات
طبعأ اجارها 21 الف ريال تشمل مايلي
قهوجيين رجال ومباشرين قهوه وشاي ونعناع وزنجبيل واكواب ماء)
وقهوجية نساء, وسكريات
وتنفرد صالة النساء بأضاه(فايبر اوبتك) وفيه مميزات عديده
وصالة النساء على كل طاوله شاي وقهوه ونعناع
وبامكانك تطلب المزيد من الحلويات
وبالنسبه للاطفال فهو حسب طلبك انت, اذا تبي اطفال او لا
وبالنسبه للمأكولات التييشملها العقد هي / تبوله _فتوش _متبل _فطائر _ ورق عنب_ بيتزا_جبن_
والحلويات/ بسبوسه _ كنافه _ بلح الشام _ كريم كرامل
كما ان هناك تورته مكونه من 6 أدوار
ورقم القاعه هو / 4549060 _ 4565488
وبأمكانك طلب اي شي زياده ,والعقد يشمل اشياء كثيره طبعأ, وبامكانك الاستفسار عنها انت من خلال اتصالك
تقبل خالص تحياتي/سلطان الشرقية

مرحبتين اخوي اولا الف مبروك
ثانيا.اذا تبي شي حلو وفخم عنك قصر السليمانيه هذا مره حلو بس غالي واجد
وعندك قصر دره اليالي هذا مره حلو وجديد الايجار ب40 الف ريال شامله الخدمات
وعندك قصر الحمرا هذا حلو واكبر من الي قبله الايجار ب30 الف ريال شامل كل شي
وعندك قصر الشموع هذا برضو حلو وسعره30 الف ريال
وعنك الفيصل مثل ما قالو لك الاخوان
وبا النسبه للاطفال انت الي تحكم اذا تبي اطفال او لا.
اما با النسبه للفنادق اذا تبي تاخذ لليله بفندق عنك المملكه او الفيصليه
انا بصراحه مجربه الفيصليه قمه في الروعه وغرفه واسعه وجو هادي وخدمه شي
مره كان حلو ادخل على موقع الفندق وتاتقي الصور
اما المملكه ما عندي فكره عنه
والله يوفقك ان شاء الله

الأخوة الغاليين (( كبيان ، سلطان الشرقية ،البرنسيسة ))
جزاكم الله ألف ألف ألف خير على تعاونكم معي ،،،
وجزاك الله خير يا كبيان على المعلومة والصراحة المفروض أتحرك من إلحين
وخلاص إن شاء الله برتب مع اهل العروس وبخبرهم عن القاعات إلي خبرتوني عنها ،،،
أما بخصوص الفنادق خلاص توكلت وقررت احجز في الفيصلية
وثاني مرة جزاكم الله خير ،،،
وانا حاضر في أي خدمة لكم في دار زايد (( الإمارات ))
ودمت بصحة وعافية
وتحياتي لكم
دار زايد