أبو سلمان
10-10-2022 - 09:41 pm
السلام عليكم ورحمة الله وبركاته
ياجماعة الخير انا متوهق ومتورط واكلها مشعلله مره
بسافر اربع ايام مصر وبخلص فيهم شغل الزامي
السفرة جات ربكة وبعجله
ماني قادر احك راسي ومدري شسوي توهقت والله
السفرة يوم السبت الموافق 25/3 يعني مابقى الى كم يوم
الأماكن والمنتزهات ماقصرتوا فيها
ابي رقم سواق بسيارة على كورلا هواندي مش مشكلة ابغاه 24 ساعة معاي ويكون ابن حلال
وابي كمان الحسبة كم حدفع له باليوم ذا وياليت يكون على قولة المصريين (حدق)
كم سعر الصرف وماهو الافضل لي اصرف دولار ولا اخذ ريالاتي معاي
واذا رحت هناك وين اصرف جنيهات مع العلم اني بتوهق والله من اول مانزل للمطار داري
مامعاي عملتهم يعني بيستغلني استغلال مو طبيعي ابي مكان يصرف لي جنيهات وسعر الصرف كويس يالدولار عاد يابالريال حسب نصيحتكم لي
الشقق انا بروح لحالي لكني ماحب الفنادق احس ماخذ راحتي فيها يعني احس العيون راصدة لي طالع نازل وخصوصاً اني شخص اتحرك كثير ماحب اجلس يعني ماحب اكون موضع النظر فأبي شقة تكون بالمهندسين ياليت ياليت بشارع دمشق تكون شقة نظيفة وعليها القيمة وقيمتها كويسة مابي رثة لانه كثير اشتكوا من هالموضوع في مصر
اخواني ادري كثرتها عليكم لكن والله ماعندي غيركم ومتووهق مرره وخصوصا اول مره بحياتي اسافر لوحدي والله يعيني ويبعدني عن كل مكروه
فاياخواني ابي نصحكم لي ودعواتكم ومساعدتكم
اخوكم ابو سلمان
