وعليكم السلام أخوي زياد ,,
بس حبيت اسألك عن برنامجك بالرحلة وتعاملت مع مين من المكاتب , وكم تكلفة الرحلة .
شاكر لك ومقدر .

لايهمونك
حياك ربي أخوي ...
البرنامج كالتالي
الرياض > كاليكت ( شمال كيرلا) > كوتشن > مونار > تيكادي > كوماركم > مراري بيتش > كوتشن( مرة أخرى ) > مومباي الرياض
تم الترتيب مع مكتب قيت وآي مليبار السياحي ...
التكلفة أنت من يحددها ....وكل حال هي في ارتفاع ...!
غير أن ما يميز الهند رخص الأسعار هناك معيشة وتنقلات ورسوم وغيره ...ع خلاف بعض البلاد
وبس ...)

الحمدلله على السلامه وعسى ما اثرت عليكم التفجيرات وخربت برنامجكم؟

حياك الله أخوي زياد،،
وحمد الله على السلامة،،
الله يعينك تحملني عندي استفساراتات كثيراتات ههه
اول شي طول الله عمرك
انا ان شاء الله ناوي اروح كيرلا تقريبا في بداية اكتوبر من 10 ايام الى 15 يوم
طبعا اول مره اروح
بروح انا وواحد من الشباب سياحه يعني
للأمانه ماعرفت كيرلا والمناطق اللي فيها الا عن طريق تقارير الاعضاء واعجبتني صراحه
فابحثت كثير
وحصلت اشياء ابي اعرفها واشياء الى الان ماحصلتها
يعني مثلا ابي اعرف المناخ في اكتوبر وشهو من لحيه برد حر مطر
يعني انا كنت اول ناوي اطلع الرياض كوتشي بعدين اطلع لمونار بعدين اوتي بعدين بومباي بعدين كوتشي بعدين الرياض يوم بحثت طلعت بعض الاماكن بعيده عن بعض كثير يعني وين كوتشي عن مومباي وين اوتي عن مونار
يعني 10 ايام ماتكفي وبيكون تعب واجهاد التنقلات،
فاقلت الان اطلع الرياض كوتشي والعودة تكون من مومباي للرياض
طبعا لما اوصل لكوتشي اجلس فيها يومين
بعدين كوماركوم يومين
بعدين تكايدي يومين
بعدين مونار 4 ايام
بعدين كوتشي يوم واحد واطلع بعدها بتذكره داخليه الى مومباي طيران اجلس في مومباي 4 ايام بعدها ارجع الرياض
هل ترى انه كذا حلو المسار ؟
بعدين كوتشي وكوماركوم وتكايدي ومونار كم مسافة كل منطقه عن الثانيه ؟ بالكيلو والساعات اذا بالسيارة
كمان أبي أسأل هل انه لازم اضطر اروح عن طريق مكتب سياحي من ناحية انه يسوي باكيج كامل من ناحية مواصلات وفنادق ؟
لأنه انا ودي احجز الفنادق على مزاجي وعلى ميزانيتي مش على مزاج اوم المكتب يعني ابي احجز من هنا كل الفنادق عن طريق مواقع الحجز مثل اقودا والبوكينق
فاذا حجزت من هنا الفنادق كيف بحصل سواق هناك لطول الرحله يعني احتاج انا فقط هناك سائق بالسياره وكم بتكون يوميته كامله يعني ماابي اظطر اروح لمكتب سياحي ويحط لي برامج من عنده ممكن تضيع علي وقت ومااكون مستمتع فيها وممكن اطلب منه فندق بالاسم ومايحجزه لي ممكن يقول غير متوفر !!
ودي ابربر زياده بس احس انك بتطلب من مشرف هالبوابه تقفيل الموضوع ههه
بس بنتظرك تجاوب وبنشب لك بعد
بعدين باقي اسئله كثير غير هذي ههه
انت بس عطني وجه وبتشوف البثاره ههه
طبعا اذا احد من الاخوان الاعضاء يقدر يفيدني كمان اكون شاكر له ومانستغني عنهم طبعا من بعد اذن اخوي زياد صاحب الموضوع
وبس
والله ان ودي اسال بس خلونا على هذي اليوم ولاحقين ههه

الحمدلله على السلامة
كيف رحلتكم ان شاء الله كانت حلوة وانبسطتو ؟؟
بسألك بما أنك تو جاي كيف الجو في كوتشي ومونار ؟؟ فيه مطر ؟؟

أبغى اوتيل زين في مونار
؟؟.
وشكرا.

مسافره 27
ربي يسلمك ...
التفجيرات في مومباي حصلت في الليلة السابقة لوصولنا ....وتخوفنا بسببها ....لكن لم نر أي أمر يعكر صفو بقائنا فيها بحمد الله ...
جزاك الله خيراً

مُنتهى
ربي يسلمك ...وحياك الله أخوي ...آمر أنت بس
..
شهر أكتوبر ....شهر تقل فيه الأمطار ...مما يفقدك المتعة برؤية الشلالات ...فموسم المطر ينتهي في شهر اغسطس ....
إذا ترغب بزيارة مومباي فليكن طريقك الجوي هكذا .... الرياض > كوتشي > مومباي > الرياض
بمعنى تحجز طريق واحد من كوتشي إلى مومباي ... وهي بعيدة فعلا ( ساعتين بالطائرة )
تفضل المسافات بين مدنك :
كوتشي > مونار 150 كلم ...وهي أطول المسافات > 5 ساعات !
مونار > تيكادي ( نفس جهة مونار ) 110 كلم > 3 ساعات ..!
بعدها إلى كوماركم > 120 كلم > 4 ساعات !
المائة كيلو هناك تأخذ وقتا طويلاً ....غير أنه ممتع وجميل ولن تحس بالوقت فيه .....
ليس شرطاً أن تتفق مع مكتب سياحي ...بل تذهب هكذا ...
والوقت مبكر معك الآن احجز بنفسك ..ثم تواصل مع احد المكاتب واعرض عليهم فنادقك ....وقارن بين السعرين ....!
السائق بإمكانك الاتفاق معه من هنا ...حتى لا تتعب هناك ويتضربوا فيك ...وحتى تحصل ع سيارة مريحة ..الا في مومباي فلا يلزمك ذلك ...والاجرة هناك متوفرة ورخيصة ...الا من المطار الى الفندق ذهابا وايايا ...احجز سائقك من الآن ...وليكن بواسطة الفندق ( سيارة الفندق ) ..وبالمجان ..!
ربي يسهل دربك
اخوك
.

شكرا ياأخوي على حبك للمساعده
وانا عندي سؤال: هل عانيتوا من سوء المواصلات وطول الطرق بسبب سوء وسيلة النقل او سوء الطرق ؟

لوللا ..
كيف رحلتكم ان شاء الله كانت حلوة وانبسطتو ؟؟
بسألك بما أنك تو جاي كيف الجو في كوتشي ومونار ؟؟ فيه مطر ؟؟

أبغى اوتيل زين في مونار
؟؟.
وشكرا.

ربي يسلمك ...
الجو في كوتشي معتدل ...
وفي مونار ....بارد ليلا معتدل نهاراً ....وفي هذا الشهر تكثر عندهم الأمطار ويصبح الجو جميلا للغاية ...
في مونار ...سكنت في منتجع كلوب مهيندار ...وهو جميل ومرتب وموقعه ع سفح جبل ...لكن اطلب من الشاليهات العلوبة
ربي يسهل دربك ...