كلهم حلوين
بس الهوليدي ان يتميز على الميلينيوم انه موقعه على الشاطيء مباشرة

bahrain121
اولا :- الف الف الف مبروك علي الزواج .
ثانيا :- انا اقول لك خلك علي فندق الهوليدي ان احسن وافخم وانظف وعلي كيف كيفك ويصلح حق شهر العسل يا اخوي اسمع النصيحة وانشالله ما راح اتخسر وانت شخص تبي فندق يشرفك جدام المره واغلب الاعضاء جربوا الهوليدي ان لانه يصلح حيل حق العوايل .
واتمني لك التوفيق في هذه الرحلة .
اخوك / عبدالله الكويتي .

شكرا لكم اخواني على التوضيح
هل الموقع الي انا مخليه حق لهولي دي ان في بداية الموضوع صحيح ؟ يعني احجز منه ؟؟
وشكرا

أخي العزيز ألف ألف مبروك و عقبال الذرية الصالحة و ترى أنا و إياك في نفس السالفة يعني لا تتكبر علينا انك متزوج الله يبارك لكم، إسمع يا غالي نصيحة مجرب (قفى تعرفه ولا وجه ما تعرفه)...
بالنسبة لهوليدي إن موقعه ممتاز و هو قريب من الشاطيء مو على الشاطيء زي ما قال أحد الأخوان بس في النهاية 100 متر و انت عالشاطيء، الفندق خمس نجوم و عنده تشكيلة واسعة من الغرف الفخمة إذا انت من رواد الفخامة بس أبيك تفكر بشي واحد، لا تصرف مبلغ كبير على الفخامة لأنك ماراح تقعد فيها و بيكون كل يومك برى و الفندق للنوم بس، وهذا من تجربتي الشخصية الإعتدال زين، شيء آخر يميز هوليدي إنه المالك شركة أمريكية إسمها أي سي قروب و لها موقع اذا حاب أعطيك إياه، ميزة الموقع يعطيك أفضل سعر و لو حصل و لقيت سعر أقل في مكان ثاني يعوضونك بنفس السعر، و أيضا لو حصل إنه سعر الغرفة تغير لك الصلاحية إنك تكنسل و تاخذ السعر الارخص من نفس الموقع بشرط إنك تكون ماخذ Flexiable rate و إنتبه تاخذ Advance purchase لانه هذا النوع لوحاب تغير التواريخ ماتقدر و تروح فلوسك للتفاصيل رد علي عالموقع و اعلمك، بالنسبة لملينيوم و على قولتهم (من قال لا أعرف فقد أفتى) بس الي شفته عالخريطة إنه بعيد عن الشاطئ يعني بدل دقيقتين في الهوليدي إن بتسير 10 الى 15 دقيقة و ماظن هذا شي مريح و شغلانه تاخذ تكتك كل ماجيت تروح الشاطئ اذا ضربت في راسك تروح، أيضا إسمع الأعضاء كل من راح يمدح في هوليدي إن و حتى في التصويت إلي سووه عالموقع أخذ المركز الأول، يعني توكل على الله و لاتدوش راسك و اذا بغيت أي خدمة أنا حاضر و أعلمك عالموقع بالتفصيل و لو مثلا تبي صور أكثر للأوتيل علمني و حكون سعيد بخدمتك
لا تتردد في طلب المساعدة و توكل على الحي القيوم أخوك محمد

شكرا لك اخي محمد و فعلا شجعتني
ياريت تعطيني موقعهم للحجز .. و لو عندك صور يكون رائع
وشكرا لك اخي

يعطيك العافية يا محمد والاخوة ما يهونون,,,, شكرا

السلام عليكم
اذا تبي نصيحه شخص لديه خبره في تايلند وجايها اكثر من 6 مرات
واخرها شهر عسل
وسكنت في فندق 4 نجوم ليلته كانت 5500 بات
الصراحه تحسفت على المبلغ هذا لو ساكن في فنادق 3 نجوم الي سعرها 2000 باتنو كان افضل
لانه الفندق بس حق النوم
وبعدين فنادق شرق اسيا ابو 3 نجوم يعادل خمس نجوم عندنا من فخامته
انصحك في فندق اسمه بان لا ماي 3 نجوم وعلى الشاطي وسعره معقول ونظيف