اختي الطيران الماليزي فوق الممتاز ومصنف 5 نجوم عكس الامارات 4 نجوم
راح توقفون ترانزيت في كوالا حسب المده وبعدها كملوا على مطار برسبن ..
الامارات ماتوقف في كوالا فقط سنغافوره او بانكوك واذا بانكوك لازم سيدني
لذلك الحل الوحيد يا سنغافوره على الامارات او الماليزيه ماليزيا ترانزيت

يعطيك العافية خبيرنا ... كفيت و وفيت ...

اضيف ايضا على الاخوة
ممكن يكون اي طيران الى ماليزيا وبعدين من كوالالمبور الى قولد كوست وهذا يختصر مشوار الطريق من المطار الى جولد كوست الى 30 دقيقة فقط لان المطار قريب وطيران اير اسيا هو الوحيد اللي ينزل عليه
شيء آخر بما انك ذكرت بيزنس كلاس فطيران اير اسيا عندهم درجة البريميوم المقاعد حولوها الى اسرة وبأسعار رخيصة جدا
http://www.airasia.com

ايضا ممكن على طيران الامارات من دبي - بانكوك وبعدها على طيران الكوانتاس بانكوك - برسبن او قولد كوست
http://www.qantas.com.au/travel/airlines/home/au/en

وردت التوليب بصراحة انتي عاملة فزورة والشاطر يحلها
وعلى فكرة طريقة حلها مكلف في سعر التذاكر لكونك سوف تستخدمين شركتي طيران
على العموم اعطينا نقطة انطلاقك من اي مدينة وان شاء الله الكل سوف يساهم في وضع حل للفزورة
مع تحياتي

هلا أخواني والله سامحوني دوختكم بس
اخواني ريو دي جنيرو و hml شكرا وايد لأنكم دائما السباقين في الرد والمساعدة
إحنا بننطلق من دبي إلى استراليا ومثل ما قلت انا فضلت الإمارات لأن الرحلة طويلة وفيها قنوات عربية الواحد ممكن يتسلي فيها والعاب أطفال
فهل درحة البسنس الماليزية أفضل وبها قنوات عربية ؟؟
وهل امر ماليزيا للتسوق ولا بانكوك ؟؟
وما هي أفضل طيران من بعد الإمارات ؟؟ فهل فعلا أخي دو دي جنيرو طيران الماليزي أفضل من الإمارات ؟؟كيف
انا اللي أعرفة ان السنغافورية اوكي بس الماليزية يا ريت تنورني؟؟
وشكرا جزيلا مرة أخرى والله يساعدكم وتحلون الفزورة وفي لكم جائزة كبيرة
وهي دعاء عن ظهر غيب بالتوفيق ؟؟ هاه شو رايكم في الجائزة

جائزه ممتازه ............
اذا مفضله الامارات وماتبين سنغافوره مافي حل غير تروحين لسيدني ومن سيدني تروحين على طياره ثانيه للقولد كوست
وتقريبا اسعار التذاكر على الطيران الاقتصادي في استراليا 50-88$ على الجت ستار وممكن توصل لبعض الاحيان فوق 100$
للشخص الواحد...
الماليزيه ممتازه بس وفي برامج ترفيه و ما اعتقد وجود قنوات عربيه .. ومعروف للكل ان بزنس ودرجه اولى الامارات تاخذ دايما المراكز الاولى .. لكن الماليزيه واحده من 6 شركات مصنفه تصنيف 5 نجوم
والاسواق ارخص في تايلند عن ماليزيا و بالاغلب اذا رحتوا على الماليزيه الطياره اللي راح تاخذكم من الامارات الى كوالا راح تكون قديمه شوي واللي راح توديكم استراليا طياره جديده واوسع ..
اذا تبين راي توكلوا على الامارات وخذوها 15 ساعه بالنوم ولعب او انزلوا في سيدني كم يوم وبعدها لقولد كوست
مافيها تعب

بسيطة اذا بتطيرين من دار الحي ترى الحلول وايد هذه بالعاميه
عنك الامارات الي بانكوك ومن ثم الي سيدني مثل ما تفضل ريو
وكذلك الماليزيه من دبي الي كوالالمبور وبعدها بريزبن او اي وجه في استراليا
وانا ارشح التايلنديه دبي بانكوك سيدني بريزبن
ويعتبروا درجة الاعمال جيده فيهم والتايلنديه تعتبر الأرخص في السعر
وبهم وسائل الترفيه جيده
عندك وجهتين كوالالمبور وبانكوك وطبعا خلي مشترياتك من بانكوك او كوالالمبور لان استراليا كل التصنيع اللي فيها صيني
وشكرا على الدعوة الجميله