سنين العمر
13-06-2022 - 01:25 am
السلام عليكم ورحمة الله وبركاته
ابغى اسافر تركيا هذا السنه على الاجازه الصيفيه في شهر شعبان لو المده قصيره
وحبيت اسئل كم سؤال ياليت تتكرمون وتردون على اسئلتي
ابغى احجز خلال الاشهر هذي لاني اسمع عن ان التذاكر في هذا الوقت رخيصه
بس تتوقون كم السعر في الوقت هذا ل3اشخاص كبار و3في عمر 12و11 و9 سنوات
لان الميزانيه 40الف مع التذاكر المده المحدده 14 يوم
المدن /اسطنبول وازنقول وايدر وطرابزون وريزا اذا ماكنت غلطانه يعني الشمال ابغى اجلس اسبوع والباقي في اسطنبول وماجاورها مثل بورصه بحيرة سابنجا وترمال وبحيرة ابانت ةجزر الاميرات وتل العرائس والمتاحف كيف اوزع المده لاني اعرف انه النهار عندهم طويل فحبيت اروحه بورصه والقرى الي قريبه منها لاني اهم شي عندي الطبيعه
وكمان الطيران الداخلي لطرابزون كم سعر ه ياليت تكتب السعر بالريال السعودي هل يختلف لوحجزنا لما نوصل ولالازم الحجز من قبل المبلغ هل هو كافي لاني احب اسكن شقه او بيت يكون صغير وحبيت اعرف اسعاره بالذات في الصيف اكيد اغلى عشان احسب حساب المبلغ ازيده ولا اكتفي بكذا اكون شاكره من يرد عليه
بالنسبة للتذاكر على حسب الخطوط وكذلك على حسب وقت شرائكم للتذاكر لان اسعارها غير ثابته .. لكن السعر المعقول لها بحدود ال 2200 في فصل الصيف على الخطوط التركيه درجة سياحيه .. وهي الانسب تقريبا .. وممكن تكون اقل او اكثر بفارق بسيط ..
اما بالنسبة لترتيب رحلتكم .. اسمحي لي بيكون جدا مضغوط
يعني انتي ذكرتي المدن ( اسطنبول - اوزنجول - ايدر - طرابزون - ريزا - بورصه - سابنجا - ابانت - وترمال ) !!!!
وانا بنصحك .. اما انكم تخلون جدولكم :
طرابزون - اوزنجول - ايدر - ريزا - اسطنبول
او :
اسطنبول - بورصه - ترمال - سابنجا - ابانت
لان الجدول الاول اقل مده له اسبوعين .. وكذلك الجدول الثاني
وانا انصحك بالاول
طبعا انصحك ايضا بالاطلاع عالتقارير .. لان الوقت بدري وعندكم متسع من الوقت للترتيب واخذ القرار ,,
وطبعا الحجز الداخل لافضل تحجزونه من بدري .. وممكن من خلال الخطوط التركيه ترتبون خط سير رحلتكم ( الداخلي والدولي ) افضل وتطلع لكم الاسعار انسب .. تقريبا يحسبون عالشخص حدود 500 ريال داخلي ,,
بالتوفيق عزيزتي ,,,