1. يعطيك العافيه اخوي

يعطيك العافيه اخوي

بصراحه ماعندي خبره في استراليا بس انا جربت العائلات النيوزيلندية وانا افضل الاشياء التاليه :
1- انهم يكونوا كبار في السن يعني متقاعدين ( لان العيله اللى كنت عندها كانوا كبار فالحرمه دايما موجوده في البيت فراح تلاقي ملابسك تتغسل اول باول ، الاكل كل يوم جديد وطازه ماهو مثلج في الفريزر ، دايما مروقه وتقدر لما ترجع تتكلم معاها في اي موضوع ) والعكس بالنسبه لمايكونوا العائله بيشتغلوا ماراح يكونوا مره فاضين لك و الملابس انت راح تغسلها ، والاكل من الليل يتعمل ، ويرجعوا هلكانين ماعندهم مزاح يفتحوا اي موضوع معاك ، صحيح ان العيله لما يكونوا كبار في السن مايخرجوا حتى في الويك اند ، بس انت لاتفكر تتمشي معاهم لانهم مايخرجوا الا نادر ، يعني حاول الخرجات تنسفق مع زملائك اللى في المعهد او الكليه ، كمان لما تكون العيله كبار في السن ماراح يشربوا خمور ، لان خلاص صحتهم ماصارت تتحمل ، بعكس العيله لما يكونوا شباب راح تلاقي صاحب البيت كل يوم سكران .
2- طبعا لو راح تختار عائله كبار في السن فاكيد ماراح يكون عندهم اولاد صغار ، لكن انا من حظي ان العيله كانوا كبار وعايشين معاهم احفادهم وكانوا توأم اعمارهم 15 سنه ، يعني لو لقيت زي كده كويس يعني فيه مجال تتعرف على الاشياء الموجوده في سيدني ويدلوك على اشياء كثيره ، لان العجايز مايعرفوا الاشياء حقت الشباب ، وغير كده مع الوقت تصيروا اصحاب وممكن يعرفوك على اصحابهم ، وهنا الاحتكاك المزبوط في اللغه ، صحيح في الاول راح تتعب معاهم لان الشباب عاده يتكلموا بسرعه لكن مع الوقت راح تفهم عليهم .
3- ماتكون العيله مدخنين ، لان بصراحه العيله اللى كنت معاهم يشربوا دخان بشراهه ولاني انا ما ادخن فكان الشي هذا مزعج ليا ، لكن لو كنت مدخن ماراح يفرق معاك .
4- طبعا مايكون عندهم حيوانات ، حتى لو كانت اليفه زي القطط .
5- طبعا انت ماراح تقدر تمنعهم انهم ياكلوا لحم خنزير ، يعني راح تلاقي على نفس السفره عاملين لحم خنزير وعاملين نوع ثاني من اللحم عشانك ، يعني ضروري تفهمهم انك ماتأكل لحم خنزير .
اعتقد هذي اهم الاشياء ، واتمنالك التوفيق

شكرا لك اخي العندليب..
نصائح مهمة جدا جدا
ننتظر المزيد من التجارب..

هناك بعض العوائل تجد لهم ابناء بنفس مجال تخصصك
هذا سيساعدك كثيرا من ناحية الدراسة بالاضافة الى صحبته وصحبة اصحابه التي ستزيد من حصيلتك المعرفية (انجليزي+مجالك العلمي)