السلام عليكم ورحمة الله وبركاته
احبتي،،،
انا الآن في لندن وقابلت واحد اعرفه علمني عن طريقة مرة حلووة من فودافون...
مدري اذا احد قد كتب عنها من قبل او لا...
يمكن بعضكم سمع عنها...
بعطيكم الفكرة وبعدين راح أشرحها
غالبنا نسافر لندن عوائل او اصدقاء او بالأصح اثنين أو كثر..!!
يعني نادر ما تشووف احد يسافر لحاله خاصة بالصيف..!!
طيب وبعدين..؟؟!!
الفكرة تقول انكم تقدرون تدفعون 5 باوند و4 جوالات تكلم بعضها مجانا..!!
ايه مجانا..!!!!!
عارف انك منصدم..
طيب يعني وشلون..!!؟؟ يعني 4 جوالات وتدفع 5 باوند رسوم خدمة اسمها family group وتكلمون بعض في أي وقت ولأي مدة .. يعني اي واحد من الجوالات الأربعة يكلم الثاني مجانا..!!!
طيب كيف أدفعها..؟؟
واحد بس اللي يدفعها.. يعني اذا شرى الشريحة يسوي توب اب( اللي هو شحن لها) بمبلغ مثلا 5 باوند ويدق على الرقم 34444 ويسمع التعليمات ويسوي القروب اللي يبيه.. وبس
يعني الباقين ما يحتاجون يشحنون جوالاتهم
م... طيب اذا بغيت أكلم رقم غير الأربعة هذول وش أسوي..؟؟!!
انا بقول لك وش تسوي..
ابد.. ما يحتاجلها اختراع... كل اللي تسويه انك تشحن وتكلم.. بمعنى آخر.. اذا دقيت على أحد أرقام القروب.. تكلم مجانا واذا دقيت على رقم برا يبدا ينقص من رصيدك..!!
روعة ولالا؟؟؟
طيب سؤال.. بس أربعة يعني ما أقدر أكثر؟؟؟
فيه أربعة أشخاص وفيه ستة أشخاص..
الأربعة ب 5 باوند وال6 ب 7 باوند..
طيب أكثر؟؟... للأسف ماعندهم أكثر..
طيب ممكن تشرحها بطريقة عملية؟؟
تامر أمر...
الشريحة تنباع في فودافوون ب 5 باوند وهي فاضية يعني ما فيها أي رصيد.. اذا قلنا انتم عددكم 6 أشخاص..
يعني 6 × 5= 30 باوند
اوكيه وبعدين؟؟؟
وبعدين اشتر كرت شحن من عنده ب 10 باوند..
واشحن واحد من الجوالات الأربعة...
طيب وبعدين..؟؟
اذا شحنت واحد من الجوالات الأربعة.. دق على الرقم اللي قلناه قبل شوي 34444 واتبع التعليمات وبس..
طبعا راح ينخصم من العشرة اللي شحنت فيها جوالك 7 باوند لأنك سويت قروب من 6 أشخاص..
وراح يبقا لك 3 باوند... تنخصم منك اذا دقيت على رقم ثاني غير اللي في القرووب حقك..
طيب هل انت متأكد؟؟ ايه متأكد وانا مسويها الحين بيني وبين أهلي..
طيب كم مدة الخدمة هذي..؟؟
هذي مدتها سلمك الله شهر كامل.. يعني اذا خلص شهر لازم تدفع 5 باوند ثانية
اتمنى اني افدتكم...
دمتم بود،،،