السلام عليكم ورحمه الله و بركاته ..
من زمان وأنا في خاطري أكتب هالموضوع
لكن الحمد لله اللي جت الفرصه بسبب موضوع أخوي / naefm11
في موضوعه : https://artravelers.com/p/re/133966 ...
بصراحه أخوي naefm11 مرتب برنامج حلو .. ويتناسب مع الرياض ..
بس للأسف لقيت أن ( حديقه الحيوان ) من ضمن الخطه ..
ما حبيت أكثر الجدال بموضوع أخوي naefm11 على شان ما أطلع من فكرته ..
المراد ..
قبل أسافر لأمريكا .. أخذت المعزبه وبنتي ريماس ( مشتاق لهم موت ) ..
إلى الرياض منها سياحيه ومنها تسوق .. قبل السفر لوحدي إلى أمريكا ..
إقترحت علي المعزبه نروح لحديقه الحيوان .. أنا رحبت بالفكرة ..
خاصتا وأن خبري في حديقه الحيوان في الكويت لما كان عمري 9 سنوات ..
رحنا ويا ليتنا ما رحنا لقينا الدخول للنساء والاطفال فقط ( وجه مستفهم ! ) ..
تناقشت مع العاملين .. قالوا لي هذي سياسه الحديقه !
قلت وش الحل .. قالوا لي أهلك يدخلون وأنت لك أيام محدده
( أنا هنا جتني الضحكه مع حومت كبد )
قلت يعني تبوني أروح أجلس مع السواقين..
أو أتكى بالشقه أحلل فلوسها لين تدق على المعزبه ( مسوي ذهين )
قلت للمعزبه .. مشينا لابوها من حديقه قمه التخلف والغباء ..
والله لولا بنتي ريماس تنبسط على الحيوانات ما كان لقيتهم وجهي
الحين عندي أستفسارات مخي موب راضي يحلهن لي ..
كيف أحصل على رحله عائليه مع هذه القوانين الغبيه !
خاصتا وأن اللي يعملون بالحديقه عمال في وقت دخول النساء ...
وأسند على كلامي إقتباس الاخت : Mrs_albrahim
. ياحرام,,, البزارين يحبون الحيوانات وصعب الام تروح معهم لحالها ما معها زوجها او اخوها بين ذا العمال حقين الحديقة....وصعب الاب ياخذ بزارينها من دون امهم.. والله بيتبهذل
أنا ما أدري ليه كل هالغباء المستفحل ..
يمنعون الزوج أو الاخ ... و العماله ذكور أجنبيه ( اللي حاط القوانين هذي شكله محشش ) ..
مع العلم أن فساد هالبلد من ورى روسهم جعلها الفضخ ..
ما راح أسمح لأهلي أنهم يدخلون مكان أنا موب قادر أدخله معاهم ..
إلا إذا كان بالفعل مكان مغلق على الحريم ..
مع العلم أن هذا القرار الغبي ينطبق على حديقه حيوان مدينه الرياض ( العاصمه ) فقط..
دون غيرها لأن أقرب مدينه للرياض وهي الخرج يوجد بها حديقه حيوان ..
لكن لا يوجد بها قرار مثل هذا القرار .. بإمكانك الدخول مع زوجنك ...
والاستمتاع أنت وأبناءك بالحيوانات وأخذ بعص الصور للحيوانات النادره .. مع الاطفال ..
أتمنى واحد يجي يحل لي هالشفرة اللي حايستني فوق تحت ...
ليه فيه أيام مخصصه لدخول الشباب ....!!
وأيام أخرى مخصصه لدخول النساء والاطفال تحت ال10 .....!
إلى هالدرجه شبابنا وحوش في نظر المسؤولين !!!!!