أوتـ(الحزن)ـار
10-09-2022 - 04:24 am
السلام عليكم ورحمة الله وبركاته
شحالكم وعساكم بخير
اقبل علينا الصيف ووقت الفراغ الكبير يلازمنا كلنا
صغير وعود كلن متملل وماعنده شي
انا والربع قلنا نبي نروح حديقة الحيوان اللي عندنا في قطر
رحنا انا والربع وصارت مغامرات وبالتأكيد نجم المغامرات هذي هو اخوكم أوتار
هع هع هع
يالله حياكم في موضوعنا
اول من كان في استقبالنا
حيالله الطوال
مادري لين متى بتم تاكل انت :21:
الطول طول نخله والعقل ............. :ak:
يازينها لين تطير ********> بويوسف يتخيل ان الزرافه تطير :16:
تصدقون انها طارت ويانا .... ********> عيار
هذا نوع ثاني من النعام على ماعتقد افريقي او امريكي ماذكر
احلى شي الغزلان
اللي ابي اعرفه ...
شلون يحطون الغزلان والنعام مع بعض في مكان واحد
هع هع هع
الغزال مزيون والنعامه شكلها غلط :16:
اما الطاووس هذا سالفته سالفه
يطير ويشرد لين اقرب صوبه
لاجيت اصوره دش عند الغزلان والنعام
زين اني صدته وهو في هالوضع
سبحان الله ... شكله عجيب
شوفوا شلون شوي شوي يرد لوضعه الطبيعي
خلاص انتهى العرض ... :af:
عقب مرينا صوب الطيور
صج صج اشكالهم عجيبه من قلب
V
V
V
تابع
ترى هذا الشبك مال القفص
اتطر اني اقرب الكاميرا من الشبك واصور من خلاله لأن التصوير من خلف الشبك مايجيب نتيجه كلش :20:
عجبني شكل البطه هذي وصورتها صور وايد
يازينهم وهم يسبحون مع بعض
وهذي وحده ثانيه بعد عجبني شكلها
وصلنا صوب الفيل
ههه
هني كان المدرب يخلي الفيل يسوي حركات لزوار الحديقه
الفيل والمدرب بينهم لغه خاصه يتفاهمون فيها
وصوت الرجال اللي يدرب الفيل مميز بالنسبه للفيل
الفيل قام يسوي حركات ويسلم ويطلع اصوات
المهم عقب الرجال اللي يدربه حرك عنه تميت انا والربع
قلت لهم تحدوني اقول حق الفيل كلام ويطيعني فيه
هع هع هع
قمت اصارخ عليها واقلد صوت المدرب ماله قام الفيل ومد خرطومه وقرب صوبي
ههه
زين ماتلني من رقبتي
وهذا هو يسلم عليكم والحركه هذي بالنسبه له معناها
( التحيه ) للناس او الجمهور
اما الغزال هذا صج صج صج عجيب ماشاءالله عليه
وعقب الله يسلمكم دشينا داخل المغاره