أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
اخي الكريم اذا ساير لستر سياحه انصحك ما له داعي لانه ما فيها شيء ذو اهميه ، اما اذا انت سجلت للدراسه فالله يعينك على الملل والايام الطويله ، والمحلاتاللي من الساعه 5 مغلقه .
شدعوه يالبروفيسور ... والله تحطيم !
انا رايح دراسه والله .. فحدثني عن الإجابيات والسلبيات ..
وين الاماكن السياحيه الجميله القريبه منها اللي نقدر نروح لها أثناء الويك إند
أبوتميم
انا بجاوب بس جبر خاطر
مدينة لستر تقع شمال لندن على طريق ال M1 بالسيارة وهي تبعد بالسيارة ساعه ونص عن وسط لندن وبالقطار ساعه وربع
مدينة لستر مدينة صغيره ماعمري دخلتها بس دايم اشطفها رايح جاي من لندن شفيلد والعودة نفس الإتجاه
طبعاً انا من سكان لندن وحبيت افيدك باللي عندي بس كل مره اشطفها احسها كئيبه مره
بس الله يعينك عليها ويوفقك بدراستك
على فكره بعد شوي انا رايح شفيلد مع واحد من اخوياي بنروح نتسوق من شفيلد ونرجع استعداد لسفرتنا الكبيرة ان شاء الله لأن شفيلد ارخص بكثير من لندن
وتقبل تحياتي
اخوك
عبدالله
أنا أخوي يدرس في مدينة ليستر من ثلاث سنوات تقريباً ::
على كلامه مدينة صغيرة ، يوجد فيها مجموعة كبيرة من الطلاب الخليجيين ، الجالية الهندية والباكستانية كبيرة في هذه المدينة ...
يوجد فيها عدد طيب من المساجد ...
ماظنيت أن فيها أماكن سياحية ....
إذا لم يخب ظني مستأجر بيت بقيمة 500 جنيه بالشهر ...
طبعاً أغلب جيرانه من أخوانا الخليجيين ...
هذا اللي أعرفه بإختصار عن هذه المدينة ...
إذا توفر عندي أي معلومات أخرى ذكرتها لكم ان شاء الله ..
طيب ياغالي ياعبدالله .. شكلك ماشاء الله ضابط بريطانيا تماما ..
مو مشكله خل لستر ... وين الاماكن اللي ممكن نروح لها في الويك إند , وكيف ؟ وهل يكلفني كثير , لو أروح مثلا الصباح وارجع المغرب لمكان سياحي جميل يكون قريب من لستر او يعني ساعه ساعه ونصف , او لابد اني امكث يوم او يومين , يعني هل ممكن احصل رحلات سياحيه جميله خلال الويك إند تكون نصف يوم ؟ وهل هي مكلفه ؟؟
ايضا ياغالي ( واعذرني على إزعاجك ) , هل فيه إمكانيه اني أمارس لعب الكره مثلا في بريطانيا , اللي اقصده ياغالي أين يمكن ان أجد فرصه للعب هناك , اقصد اللعب كنوع من الترفيه ..
وشاكر لك مقدما ....
أبوتميم تدري وش اللي يخوفني من لستر دايم؟ في كاميرات صيد سرعة في مدخل لستر وناس كثير اكلت خابور حرمان نهائي من السواقه بسببها فهي مشؤومه عند بعض الشباب اللي تورطوا فيها بس ماعليك اخوك ذيب حافظ مكان الكاميرا نرجع لمحور حديثنا بالنسبه للويك اند عندك مدينة شفيلد تبعد ساعه عن لستر وهي تقع شمال لستر ولندن طبعاً تبعد عنك ساعه وربع بالقطار دايركت علطول ما يوقفك إلا كنت ال kings Cross Sp pacers ترى هل محطه جنب بيتي انت دق بيجر وانا اجيك علطول في عندك في الشمال يورك بس للحين مازرتها وعندك اسكتلندا انا رحت لها من 7 شهور بس تعتبر بعيدة شوي يعني يبغالك اقل شي فيها 3 ايام ( الويك اند كامل ) طبعاً مدينة يورك تقدر تروح لها وترجع بنفس اليوم لأنها تبعد عن شفيلد 45 دقيقه بالقطار على كلام الشباب ومانشستر تبعد عن شفيلد 45 دقيقه بالسيارة ونفس الوقت بالقطار في مكان انصحك بقوة تزورة منطقة اسمها ماتلوك هذي روعة مدينة صغيره مره مره فيها تلفريك يطلعك من تحت المدينة الى اعلاها وتشوف البحيرات تحتك والمناظر الحلوة وهذي صورة من المناظر حقتها وانصحك لو تقدر تروح لها بسيارة بتشوف الغزلان والخرفان هذي صورتين لماتلوك صورتها قبل شهرين وبصراحة عندي صور كثيرة بس متحفظ عليها وهذي صورة للنافورة في مدينة شفيلد صورتها في رمضان اللي راح وهي تقع في وسط شفيلد بالنسبه للعب كورة القدم في اماكن كثيرة الناس تلعب فيها كورة واكيد بتلقى ناس معك بالمعهد يتفقون على يوم معين ويلعبون وتقدر تنضم لهم واي خدمه انا حاضر انت آمر وانا اطامر اخوك عبدالله
أخوي عبالله واخوي سلوم
الله يرحم والديكم والله يجزاكم خير على جبر الخواطر
ولاأنسى اشكر كاتب الموضوع اخوي ابو تميم لأني دخلت على الموضوع عرض
بارك الله فيك ويسر أمرك
