أخي النمر
هذا حال الخطوط السعودية ووضعها المتردي ، خدماتها تسوء يوما بعد يوم
لو قرأت آراء وتعليقات الناس في النت ، قلّما تجد أحد يثني عليها
الله يرحم الحال ، ولا تشكي لنا نبكي لك
وإذا وراك دوام وما لقيت حجوزات ، الله يعينك على طريق البر
عيدك سعيد ، وكل عام وانت بخير

حبيبي..
غيرك حاجز من قبل رمضان ولا تأكد!!
والحين يبي يكدها بر..لا ..وبعائله بعد.!!
ما أقول إلا الحمدلله على كل حال ..
والله يجازي المتسبب..
كل عام وإنت بخير...

اي والله اني فرحان ان سيارتي معي والا كان صدق بلشت

تدري وش هو اسوأ شيء يسونه ؟؟ يعطونك امل في الانتظار وهم عارفين اصلا ان ما في مجال تطلع ،،
بس يعلقون البشر لان هالشي ما يخسرهم شي
طيب يا ظلمة ليه تعطون الواحد امل وانتم عارفين الوضع اساساً ؟؟؟ هذا غير حتى لو فرضنا تيسر مكان في الوقت الاخير راح يكون لاصحاب الواسطات
اقسم بالله ما يستحون
اول مرة حجزت من الرياض لجدة اعطوني انتظار ،، بعدين سألت الموظف قلت له في امل اني اطلع ؟؟؟ قال لي ترى رقم انتظارك 198 ؟ يعني قدامك 198 لازم يطلعون بعدين انت ...
المشكلة كانت اول مرة لي ورحت المطار قلت يمكن الموظف يستعبط معي
وجلست انتظر من رحلة لرحلة جلست من الفجر الين العصر والله ما انسى ذاك اليوم وكل ساعتين فيه رحلة ويعطوني امل عليها كلها وفي الاخير تركتهم ورحت بر
والمشكلة يخلون العالم طوابيير انتظار وهم عارفين انهم ما راح يطلعون
يا اخي قسسم شي يقهر

انا ابي افهم ووين عيونهم مايشوفون الشكاوي
انا اهون علي يصير حجز انتظار ولا اروح المطار وتتاخر الرحله واجلس انتظر بالساعات عشان تطير
المفروض يقدرون انه في حريم واطفال .. مو كل وحده ظروفها تسمح انه معها زوجها ولا اخوها
ايش تسوي بالمطار ؟؟؟؟
بس ايش حادك على المر قال اللي امر منه