مرحبا يا اخ سما نجد ..
انا نسيت فين فندق ريالتو ... والله عجزت ..
انا اخذت اوتيل ماركوني رخيص و حلو وعلى النهر مباشرة وتقدر تروح مشي لساحة سان ماركو ..
فينيسيا صغيرة .. يعني لا تخاف ..
عموما المواصلات بالباص المائي ما عندك غيره التاكسي المائي غالي ..
تشتري تذكرة اتوقع بيورو وتجلس معاك مدة مثلا 24 ساعة ..
وكل ما جيت تروح مكان تسأل عن اسم المحطة اللي انت رايح لها ولو معاك خريطة رح ترتاح ..
مثلا خرجت من اوتيل ريالتو .. روح لأقرب باص مائي شوف اسم المحطة حقتك عشان وانت راجع تبغى ترجع لها ...
اسأل هذا الباص رايح لسان ماركو وبس ..
الجندول هذا تركبه وقت المسا مو تتنقل فيه .. شي صغير جدا تتمشى فيه وبعدين غالي الجندول .. لما تروح ايطاليا بالسلامة وتركب الجندول .. بالله تقولي شعورك وانت متخيل الجندول وسيلة المواصلات .. مرة غالي ..
يالله بالتوفيق وان شا الله تنبسط
يمكن غيري رح يفيدك اكثر .. انت مريت على موضوعي مر مرة ثانية وشوف الجزء تبع فينيسا

اتذكرت ..
ريالتو كان قدام ماركوني ...
من الجهة الثانية .. وكان سعره احسن ..
ريالتو مرة قريب من ساحة سان ماركو .. كنت اشوفه وانا ماشية .. يارب ما اكون غلطانة ..
يعني اذا تبغى تتمشى اركب الباص المائي ..
بس اذا تبغا توفر وتكتشف المنطقة روح ساحة سان ماركو مشي .. ترى فيينسيا صغيرة جدا ..
الحين اتذكرت لأن الاوتيل على جسر الريالتو وكنت اطلع الجسر عشان اروح الباص المائي وقلت ايش الاوتيل الممتاز هذا اللي قدام الباص ياريتني حجزت فيه طلع فندق الريالتو ..
يالله ايش اسوي جاني الزهايمر ..
بس كويس اتذكرت .. يالله جربه وقولي ..

عاشقة الترحال انا اخت ما تشوفيني خوافه فيه اخ خواف وش ذا
على كثر سفراتي وتنوع البلدان لازم اقلق واخاف

سوري سما نجد .. معليش العتب على النظر تشرفنا اختي الكريمة ..
شوفي فندق ريالتو اختيار موفق ..
وماركوني كمان حلو ..
لا تخافي اول يوم رح تحسي انك منتي فاهمة .. اقري كم تقرير .. ورح تفهمي السالفة ..
عموما اذا محتاجة مرشدة سياحية انا مستعدة اجي معاكي بس على حسابك خ
يالله ان شا الله تنبسطي وتهيصي ..
انا كنت مثلك وبعدين فهمت القصة ..
شوفي تقدري تسألي الاوتيل عن البرامج السياحية ورح يقدرك الرجال في الريسبشن لأنهم يكسبوا من وراكي ويكون السعر رخيص .. مثلا رحلة بالجندول .. مثلا رحلة الى مصنع الزجاج ..
انا نفسي اروح فرنسا وبصراحة مني فاهمة شي مع اني قرأت كم تقرير .. يالله ان شا الله خير ..
سوري يا احلى سما نجد ..

حياك الله اختي عاشقة الترحال
ماتصدقين مرمطونا السفاره الايطاليه على غير سنع مابقي ورقه ما ترجمناها لهم حتى ورقة مقاضي البيت
ولا صوره ما حطيناها في الملف عشان نسلم
وراح لهم زوجي بنفسه على باله افضل من المكتب ويوم دخل يدور الطوابير زي العام عند النمساويه ما لقى زحمه قال زين- ما درى - ويلقى سعودي مراجع ويسأله قال خذ رقم التليفون ودق عليهم لتحديد موعد ومايبدون يستقبلون المكالمات الا من 10 ويدقدق عليهم ما مسك الخط الا11 ويكلمه لبناني ويعلمه عن الاوراق المطلوبه ويحدد له موعد للمقابله في تاريخ 23/7 تخيلي لا والساعه 11 الا ربع تماما ( حشا والله لو رايحين نطر ما سوو فينا كذا )
بالنسبه لفرنسا العام الماضي رحت لها بالقطار من ميونخ لباريس
جلست في باريس 3 ايام وديزني لاند 5 ايام
ديزني لاند تجربه رائعه جدا جدا لا تفوتك خصوصا السكن داخل القريه
مع اني سبق وزرت ديزني كالفورنيا وديزني فلوريدا الا اني ما مليت منها
شكل في داخلي طفل .
ننتظر تقريرك عنها اذا زرتيها ان شاء الله
تحياتي

مرحبا اختي سما ..
تصدقي احنا اليوم بس خلاص تمينا نبغى نروح فرنسا ان شا الله .. قلت لهم يا جماعة الفيز صعبة واتذكرت مشاكل الفيزا ..
يالله ان شاالله تتيسر ..
صدقيني رح تنسي مشاكل الفيزا لما تروحي ايطاليا رح تعجبك ..

من افضل الفنادق في فينيسيا .. عن تجربه .. لاني ما جربت غيره لكنه مطل اطلاله ساحره جدا على القنال .. وقريب جدا من سان ماركو
بالنسبه لساحه سان ماركو فهي خلف الفندق تطلعي من الفندق يسار في يسار وتتجهي مباشره الى الساحه حوالي خمس او سبع دقائق فقط
الرائع في الموضوع ان هناك لافتات ستدلك على الساحه اتبعي الاشارات فقط
تحياتي

مشكوره عاشقة الترحال
مشكور من القلب
الله يهني الجميع
تحياتي لكم

السلام
كم سعر الليله في ريالتو