::عابد الرحمن::
17-11-2022 - 11:21 pm
السلام عليكم ورحمة الله وبركاته
حياكم الله ياهل قطر، وأنا سعيد لتواجدي بينكم.
سأحل ضيفاً عليكم في قطر ولأول مرة
السالفه وما فيها اني وبعد متابعة طويلة لكل ما يطرح في بوابة قطر الرائعة، استفدت كثيراً من مشرفيها وخبرائها، وتحمست اني أزورها.
وهذا ما سيتم بمشيئة الله، حيث أني حجزت في فندق (دبليو) من يوم الخميس القادم إلى يوم الأحد.
وأبغى خدمة من أهل قطر الكرماء، اللي ما راح يقصرون -إن شاء الله-.
أنا قررت أزور (سيتي سنتر)، و(فيلاجو)، و(سوق واقف).
وسؤالي هو .. ..
وش رايكم وش هي الأماكن الأخرى اللي تستحق أني أمرها أنا وزوجتي طبعاً، خلال هالأربع أيام؟
وهل جزيرة اللؤلؤة تستاهل أروح لها؟ وإذا نعم، فما الطريقة.
وأيضاً -مع إحساسي بأني أثقلت عليكم- الصراحة احترت جداً بالمطاعم، وبودي ترشحون لي أفضلها للوجبات الثلاث خلال أربع أيام.
وحبيت أسأل عن مسجد عمر بن الخطاب وين مكانه، وهل تنصحوني أصلي فيه الجمعة، أو بغيره؟
وأخيراً .. إذا ممكن توصفون لي مكان وزارة الأوقاف، لأني أبغى أخذ من عندهم كتب.
آآآسف للإطالة، وأتمنى اني ما أكون أثقلت عليكم، ومالي بعد الله إلا فزعتكم معي.
مرحبا اخوي عبدالرحمن
واتنور الدوحه بوجودك
وانت امر وتدلل واي استفسارعندك لاتتردد فيه
وفندق دبليوم من ارقى الفنادق بدوحه وموقعه حلو وقريب من كل شي
بنسبة لستفساراتك
بنسبة للاماكن الثانية ممكن اتزور مجمع الحياة بلازا وهو جنب فيلايو وممكن اتزورهم مع بعظ
وعندك مجمع الاند مارك ممكن اتزورهوهو حلوة ويستحق الزيارة
عندك مجمع الرويال بلازا في السد ممكن اتزوره مع السنتر بوينت لانهم تقريبا بنفس المنطقة
ومثل ما انت قلت تقدر اتزور الستي سنتر
وممكن اتزور مجمع المول وهو حلو ومجمع هادي
وممكن اتزور متحف الفن الاسلامي وهو ترا يصكر الساعه 5 العصر يعني لازم اتزوره قبل
ممكن تتمشى على كورنيش الدوحه وممكن تاخذلك قارب وياخلك لفة هناك
وممكن اتزور اللؤلؤة قطر وهي جزيرة اسطناعية وتستحق الزياره وفيها محلات ومطاعم
وهي سهل تقدر اتروح لها عاديوهناكيستقبلونك بسيارة كولف ويمشونك في الجزيرة
بنسبة للمطاعم تختلف اسعارهم وممكن اعرف انت شنو طلبك عشان انحددلك
بس بكتبلك افضلهم واسعارهم اشوي مرتفعه لان سمعتهم عالية
عندك مطعم المرجان في الكورنيش وهو وايد حلو وهو مطعم لبناني
عندكمطعم الصياد وهو لبناني وفي النادي الدبلوماسي
عندك مطعم ليالي في طريق سلوى وهو رايق جدا وحلو
عندك مطعم النبلاء في طريق سلو وهو مطعم سوري
وعندك مطعم سراي في فيلاجيو وهو لبناني
عندك مطعم بخارة عند ملعب السكواتشوهو هندي
عندك مطعم اشاز وهو هندي في فيلاجيو
عندك مطعم رويال تندوري وهو هندي وفي السد
عندك مطعم شيليز وهو امريكي وله فرع بسد وبمجمع المول
عندك مطعم ابل بيز وهو امريكي وله فرع في السد وفي الستي سنتر
عندك مطعم فرايديز وهو امريكي وله فرع في فيلاجيو والاند مارك
عندك مطعم بنيجز وهو امريكي وهو عند نادي السكواتش
عندك مطعم ناندوز وهو برتغالي وله فرع في الستيسنتر وطريق سلوى
وعندك بوفية فندق شرق وهو من افضل البوفيهات وخاصه العشى
وعندك بوفية فندق الشرتون وبوفية فندق الفورسيزنت
عندك مطعم ايطالي في فندق الماريوت
عندك مطعم وكوفي شوب لينوتر وهوفرنسي وله فرعين واحد في فيلاجيو والثاني بسد
عندك كوفيشوب فوشون وهوفرنسي في طريق سلوى
عندك كوفي شوب الهديار وهو في طريق سلوى
عندك مطعم وكوفي شوب البتيل هو في طريق سلوى
عندك مطعم اوتار لبناني وهو في السد
بنسبة للفاست فودف عندك ( برجركينغ & ماكدونالدز & ماري براون & كودو& الطازج &شرمبي & تيك اوي & هارديز & كنتاكي &بيتزا هت & بيتزا ان & دومنوز بيتزا & صب واي ) وكلهم منتشرين بدوحه في مجمعاتها او محطات البترولومن غير عندك مطاعم سوق واقف وهي
البندر وهو لبناني & طاجين وهو مغربي وله فرع بسد بعد & لوجرميوهو لبناني & العظمة وهو عراقي & الطواش وهو قطري & رويال تندوري وهو هندي & الركن اليمني وهو يمني تقريبا هاي المطاعم الي في بالي ومن غير في كوفي شوبات ثانيةطبعا ذكرت لك افضل المطاعم
وفي مطاعم لبنانية اقل مستوا من الي ذكرتهم مثل فينيسيا والاوتوماتيك والخيمة وكلهم حلوين بس ارخص
وعندك مطعم البيت الشامي وهو حلو وعندك مطعم جراند كود كافيهوهو لبناني بعد وكلهم مطاعم ومقاهي ويقدمون الشيشة
وبنسبة لمسجد عمر بن الخطاب فهو في منطقة اللقطة قريب من سوق العلي
بس مانصح اتصلي فيه لان زحمه وهو بعيد عن فندقكم
انصح اتصلي فيمسجد ابوبكر الصديق وهو قريب من عندكم ويقع بعد نهاية الكورنيش وانت رايح المطار
وكل المساجد خير وبركه
ووزارت الاوقاف هي بلكورنيش
وممكن تاخذ كتب من دار الكتب القطرية لاني مادريهل وزارت الاوقاف عندهم او لا
واتمنى بهشي يفيدونك الاعضاء
واي اي اي اي اي استفسار لا يردك الا الكيبورد
واحنا اعيونا لزوار قطر
تحياتي لك