- 5اكتوبر / 2008 قلت حلو طيب ابي افضل خطوط وسعرها مناسب لحضرتي
السلام عليكم ورحمة الله وبركاته
اليوم انا كاتب موضوع على شان ابي احد يفيدني على شان الحجز وافضل خطوط
المهم طلعت رقم الطيار للسفر والسياحه فرع الخبر
دقيت عليهم على شان ابي استفسر من سعر التذاكر من الشرقيه الي اوكلاند
عطاني السعر 9020 على خطوط كاثي بافسيك المهم قلت طيب اي مسار الرحله
الدمام - دبي - اوكلاندا ؟ قلت طيب كم الانتظار في دبي قال 8 ساعات قلت اوكي وحجز الفندق ووجبة الفطور عليهم قال لا مالهم دخل قلت بقلبي والله لو انتي مجنون ههه المهم
قلت عطني خطوط غيرها حتي لو عن طريق البحرين قال مافيه غير الامارتيه وسعرها 7986 ريال شكله يبي يوهقني وانا قايل له بدون المرور بأستراليا نهائي المهم قفلت المكالمة
وقلت خلني اروح لمكتب الحجوزات الي عندنا والله اني رايح وانا ماني متطمن لانه الوحيد عندنا بالمدينه اذا الطيار فيه منافسين له بالشرقيه والرياض هذي اسعاره شلون الي عندنا مافيه غيره اكيد يبي يعمي عيوني بالسعر
المهم يطويلين الاعمار رحت الوكاله ونزلت جوازي معي قلت حاجز حاجز الله لايعوق بشر
سلمت على الشيخ الهندي الي خلف المكتب وقلت ياطويل العمر انا رجال ابي اروح نيوزيلاندا بتاريخ
5/ 10 / 1429 يالله انت احسبها ميلادي انا مالي بالسوالف هذي المهم حسبها طلع التاريخ
5اكتوبر / 2008 قلت حلو طيب ابي افضل خطوط وسعرها مناسب لحضرتي
طقطق على الكيبورد خمس دقايق قال فيه الماليزيه 6200ريال حوالي المهم قال بس فيها مشكله قلت يالله سترك وش المشكله الي فيها لايكون ماعندهم طيار اصير بداله قال المشكله ان تاريخ العوده محدد ثلاث شهور قلت اذا هذي اولها ينعاف تاليها مانبيها لو بريال يعني تروح على التذكره اذا مارجعت بعد ثلاث شهور بالتمام قلت يالله عطنا غيرها بس كويسه ونزودهم كم ريال المهم قال
عندك السنغافوريه قلت مافيه مشكله بس عطني خط السير والسعر
خط السير جدة ام الرخاء والشده - سنغافور الي مادري وش - اوكلاند الي نبي نتعلم عندهم
المهم كم السعر السعر فيه مشكله قال :112: لاحول ولا قوة الا بالله انت وش سالفتك انت والمشاكل وش المشكله الي الحين طلعت قال العوده اوكي بس الذهاب مو اوكي ههه
قالت طيب شلون ارجع وانا مارحت ههه قال شوف احجز لك الذهاب على درجه فوق السياحيه قلت لا لا الا الدرجه الاول ابعدها عنا ههه انا ماركبها هنا تبي اركبها دوليه ههه
المهم قال لا مو درجه اولى درجه فوق السياحيه يرمز لها بحرف M والدرجه السياحيه يرمز لها بحرف Q
المهم قلت كم يطلع الملبغ على الدرجه الي لزيتنا عليها قال 7251 ريال (ريال ينطح ريال)
وقلت طيب وكم اذا كانت سياحيه كلها قال 6187 ريال يعني فرق 1064 ريال
المهم قلت خلاص احجز لي بس بسئالك كم اجلس في دبي قال 5 ساعات قلت اجلس في المطار ولا تشوفون لي صرفه قال ماعليك تروح بفندق على حساب الشركه قلت والله انك ذيب مو مثل موظف
الطيار يبي يلطعني في دبي 8 ساعات بدون فندق
حجز لي على السعر 7251 ريال وقال اذا صار فيه امكانيه اخليها لك سياحيه بس مو الحين قبل تأخذ التذاكر
تاريخ استلام التذاكر ودفع ثمنهم 10/9/1429
المهم بعد طول السالفه وش رايكم بالسعر مناسب ولا لا
الوكاله وكالة اشعاع الشمال بعرعر رقمهم الي يبي يحجز عن طريقهم ولا شي
920005525
وعلى فكره ترا دبي عندهم سوق بالمطار رهيب لايفوتك .. يعني ماراح تحس بالملل ومايحتاج فندق
عموماً الله يوفقك