1. اكون شاكر لكم

السلام عليكم ورحمة الله وبركاته
اولاً أخوكم جديد وأول مشاركه لي معاكم
واطمع بتوجيهاتكم ونصايحكم
اناحجزت بدري كثير على عشان استفيد من السعر المخفض للاوقات المبكره لاني باخذ عيالي 5 وانا والمدام والخدامه ( راح ابين سبب وجود الخادمه بالرحله)
اولاً : كلفتني 7تذاكر+ رضيع 1348 ديناركويتي عالاماراتيه, مع العلم التذاكر مسترجعه مع خصم 10 دنانير لكل تذكر اذا حدث طارئ لا قدر الله
السياره : حصلت فان مورسيدس 9 ركاب 499 دينار تامين شامل+ عداد مفتوح
(( الاستشاره الاولى))
تنصحون احجزها او ادور غيرها علما بان الرحله لمدة 19 يوملكن حجزي للسياره 16 يوم
الاستشاره الثانيه:
انا حاط ابالي اول يوم 10/8نوصل 9 مساءاً راح ابات بميونخ ويكون استلامي للسياره من المطار
بعدها بيكون جدولي كابرون 7 ايام , انتر لاكن 7 ايام ميونخ 4 ايام
هل التقسيم حلو؟؟
احد ينصحني اعدل فيه؟
كابرون جيتها 4 مرات خلال 4 سنوات
هل تنصحون اخلي سويسرا اول وبعدها كابرون ام العكس؟
واتقبل اي اقتراح بتغيير الجدول بالكامل ما عدا فرنسا ما اقدر اجيها بسبب منعهم للنقاب
السفره مبدئيا بتكلف
1348دينار تذاكر
8فيز
0سياره
السؤال
السكن كم بيكلف؟؟ لقيت بعدت مواقع للحجوزات بس كلها غاليه نوعاً ما
ومو مشكله بس احصل اكواخ مو شقق؟؟
حاط في بالي السكن بيتجاوز 1000 دينار كويتي بقليل
بخصوص سويسرا ما عمري جيتها وبما ان الرحله فيها وقت قلت اجيها هالسنه
كم يوم تنصحون فيها؟؟
(( بخصوص الخادمه))
قلت اذا خليتها
بوفر تذكرتها 215 دينار
لكن العواقب؟؟
1- مالايقل عن 200 دولار باليوم ارخص شي , غدا وعشا نضربهم ب200 يوم يطلع 4000 يورو,
لكن اذا معاي الخادمه بجيب كل ادوات الطبخ حق الوجبات الثلاث
ويبقى المصرق عالكافيهات واللالعاب والمنتزهات
2- بما ان معاي 4 اطفال يعني كل 4 ايام نص يوم غسيل ملابس (( لان المغاسل حيل غاليه)) واحنا عددنا كبير ونص يوم كوي
طيب نخصم 4 ايام من 19 يوم يطلع 15 يوم للسياحه و4 ايام غسيل وكوي وتنظيف
واليوم يكون مكلف علي مو اقل من 200 دينار
يعني 800 دينار للغسيل والكوي + تعبهم= 2100 يور
يعني تكلفة بقاء الخاده بالكويت 6100 يورو
بينما اخذتها 215 دينار فقط+ اكون مستفيد اني اخذ ولدي الرضيع
يعني الخادمه مع مو بذخ انما توفير واستغلال الوقت للسياحه
اي اقتراح من اشخاصكم الكريمه من حجز الفنادق او السيارات او تغيير الاجدول

اكون شاكر لكم

وعلى فكره كذا شخص قال الغي فكرة انترلاكن لان كل اللي بتشوفه من طبيعه بتلقاه بالنمسا واحسن لا وارخص بكثير عن سويسرا وخاصه ان العايله كبيره واغلبها اطفال والمسافه 600 كيلوا,, فابي رايكم بهالكلام , واذا كنسلت سويسرا 20 يوم كثيره حيل على زلمسي وكابرون , وخاصه ان فيينا مافيها شي يسوا عشان اروح لها
ابي رايكم بكل امانه
وكم تعتقدون يكفيني مصرف يومي
بانتظار ردودكم