المحترم / طلال أبو نايف
حياك الله والله يبارك فيك
بأفيدك على الإستفسار الثالث والرابع
بخصوص سوق واقف / يحتوي على محلات لبيع المقتنيات الآثرية والمشغولات اليدوية ويحتوي على بعض المحلات التقليدية المختلفة والمطاعم والكافيهات فقط.
بخصوص المجمعات التجارية / إليك المجمعات التجارية بالدوحة

• * قم بالدخول على مواقع المجمعات الإلكترونية لمعرفة الماركات والمسميات الموجودة فيها ثم إختيار المجمع المناسب لكم

السيتي سنتر ( هنا http://www.ccdworldwide.com/ )
اللاندمارك ( هنا http://www.landmarkdoha.com/en/home.html )
لاجونا مول
السلام ( ذي جيت ) ( هنا ) و ( هنا http://www.thegate-qatar.com/default.asp )
حياة بلازا ( هنا http://www.hyattplaza.com/Shopping-Mall-Doha/Homepage )
رويال بلازا ( هنا http://www.royalplazadoha.com/ )
المول ( هنا http://www.themalldoha.com/ )
مركز وذنان ( هنا http://www.wathnanmall.com/ )
وإليك رابط مواقع المجمعات المذكورة أعلاه على الخارطة ( هنا https://maps.google.com.sa/maps/ms?msid=203266113680209801348.0004c6028a8f5267a5b1c&msa=0&ll=25.281644,51.50219&spn=0.202096,0.392761 )
ودعواتك لي وتروح وترجع بالسلامة

مشكور يالغالي ماقصرت على المساعده الطيبه

مرحبا اخوي طلال بخصوص الفنادق خلك على رتاج الريان او ريتاج رويال كلهم ممتازين الفرق بس بالمكان حيث يقع رتاج الريان بمنطقة الابراج وبالقرب من السيتي سنتر اما بالنسبة لريتاج رويال فيقع بالطرف الاخر من الكورنيش وهو قريب للمتحف الاسلامي وسوق واقف.

مشكور اخوي المهندس للايضاح ان شاء الله بريتاج رويال
اليوم بعد الدوام راح امشي بان الله
الله يسعدكم يااهل قطر

ياشباب لو حبيت احف الموضوع شلون ؟

أخوي / طلال ( أبو نايف )
(( لك رسالة على الخاص ))

معليش ع التأخر بالرد اشغلتنا الدنيا الله لا يشغلنا الا بطاعته
انا حبيت اشكركم وكل اللي شاركو معاي
قطر رائعه فوق الوصف ولا تخيلتها كذا
اهم الاماكن اللي حبيتها
سوق واقف لو كل يوم تمره ماتمل منه ومطاعمه
شاطئ كتارا شي راقي وبالعاده مليء بالاحتفالات
جزيرة اللولوه كوفي شوبات ومجمعات ع البحر ممتازه
المجمعات حبيت فلاجيو مول والسيتي سنتر مع ان السيتي قديم نوعا ما
وفي مطعم ع الكورنيش ممتاز وكلاس بس غالي

الحمد الله على السلامة ي ابو نايف والحقيقة إدراج الإنطباع عن الرحلة بعد العودة تهمنا سواءً كانت إيجابية أو سلبية لكي نستفيد منها وودي ولا عليك أمر تعطينا انطباعك عن الفندق اللي سكنت فيه وسعر التكلفة .. للاستفادة ودمت على أحسن حال