أخى الفاضل ما أنصحك تجلس فى شارع نايف خصوصا انه معاك عائلة .. المكان غير نظيف و زحمة .. فى إمكانك أخذ شقة فندقية مثل البستان رزيدنس و فيه مركز تسوق تابع له بقيمة 2520 درهم للأسبوع .. فى دبى كل الأماكن قريبة من بعض .. ان شاء الله برجعلك بجدول أعمال مميز لمدة اسبوع تستمتع فيه انت و العايلة الكريمة .. و حياك الله

مشكورة ولج مني اجمل الأمنيات و دوام التوفيق

الى الاخ الفاضل
بالنسبه للسكن فأنا انصحك بالضيافه 2 حلو ونظيف وراقي ويصلح للعائلات
وعندك ديباج الخبيصي بلازا وهذا مقابل حمر عين مباشرتا وفيه مطعم وهو ايضا نظيف ويصلح للعائلات
اما بالنسبه للاماكن السياحيه اذا كنت تبي تزور دبي بالمهرجان شهر يناير راح تلاقي الكثير والعديد من الفعاليات الحلوه وايضا راح تلقى كتيبات خاصه بالمهرجان وفعاليات المهرجان وهذه الكتيبات ببلاش راح تلقاها بالفنق او بالمجمعات التجاريه
اما الاماكن الاخرى التي يمكن زيارتها بدبي في اي وقت وهي كالتالي:-
الحدائق والمنتزهات السياحيه
حديقه خور دبي
حديقه الممزر
حديقه الصفا
حديقه وايلد وادي المائيه
حديقه الحيوان بالجميرا
قريه التراث (وهي رائعه جدا جدا بالمهرجان)
وقريه الغوص
وبيت الشيخ سعيد
قريه البوم السياحيه
المراكب والسفن:
سفينه دانه الدنيا
سفينه البوم
الباص العجيب (وهو روعه لازم تزوره)
اما بالنسبه للتسوق والمراكز التجاريه وهي كالتالي :-
سيتس سنتر
ميركاتو
حمر عين
الغرير
الوافي سيتي
برجمان
المنال
وسوق نايف ومرشد وابو الهيل
واتمنى اني اكون افدتك بهذه المعلومات واذا تذكرت شي بعدين انشالله بخبر

مشكورة مشكورة وايد وايد وايد لكن حبيت أعرف اسعار هذا الشقق وأنا افضل ان تكون مابين 90- 100 درهم لليلة الواحدة ونتظر جوابكم وإن شاء الله نشوفكم هناك

اهلا اخوي fun
فيه فندق اسمه فكتوريا موقعه ممتاز ونظيف وغرفته واسعه وسعر الليلة 200 درهم اذا بتتصل عليهم تلفون اما اذا اخذته من اهناك فسعر الليله 250 درهم وهذا الفندق مقابل فندق الخليج
وبتلاقي في المنطقة اللي فيها سوق نايف ( ديرة ) فنادق صغيرة واسعارها تتراوح من 150 - 250 درهم لليلة