حبيت اضيف لكم......
يوجد مطعم باكستاني يقدم الشورما والفلافل وسعرة مناسب واكله لذيذ
موقعه في شارع الرامبلا وانت رايح الي ساحه بلازا كتالونيا يجيك كارفور علي يدك اليسار هو بعد كارفور بكم محل
اتمني اني فدتكم

حبيب قلبي من وين طلعت اخوي هاوي...
أول شي انشالله ان رايح برشلونة باذن الله لمدة 3 ايام.. بالطبع هناك مدن أخرى بزورها , ولكن برشلونة خصصت لها 4 أيام..
أول أسألتي يا الغالي اهي :
1- كم تبلغ تكلفة التاكسي من المطار الى الفندق في شارع الرامبالا؟؟
2- هل هناك وسيلة مواصلات ارخص من التاكسي للوصول من المطار الى الفندق؟؟؟
3- المواصلات في برشلونة هل هي معقدة أم لا؟؟
4- هل برشلونة فيها أماكن سياحية ( شبابية) ينصح فيها غير الرامبالا وبلازا كاتالونيا وملعب الكامب نو؟؟؟
وقواك الله .. عندي أسئلة ثانية بعد. بس مابي أغثك ..
وقواك الله

الله يقويك وحياك الله....
بالنسبه للتكلفه من المطار الي الرمبلا تقريبا 20 يوور واذ فيه ارخص ماعندي علم والله
المواصلات عديدة ومش معقدة سهله للغايه احرص عند وصولك للفندق الحصول علي خريطه الباص السياحي و المترو
بالنسبه للتاكسي فتحه الباب ب 2 يورو
الاماكن السياحيه متعددة لاتخاف مافيه شي اسمه مخصص للعوائل
الله يقويك وحياك باي وقت

يعطيك العافية اخوي ميونخاوي صج ما قصرت...
زين قلتلي 20 يورو, لأن فيه دايخين قالولي ب60 يورو؟؟؟؟
وتنصح بالباص السياحي ولا لا؟؟؟
وجم سعره؟؟
3- أسعار المأكولات مثل الفلافل والشاورما ( الحلال طبعا) والبيتزا جم تقريبا؟؟
4- مجمعات التسوق في برشلونة شلونها؟؟ وهل البضائع المعروضة ( الأصلية ) أغلى من الكويت ولا لا؟؟؟
لأن بصراحة بالكويت عندي عقدة من بضائعهم,, أشتري بضاعة مكتوب عليها صناعة في بنغلاديش ويروح لونها بعد الغسيل ب6 أشهر؟؟
فبصراحة ما قمت اثق ببضائع المحلات خاصة لم اكتشفوا مؤخرا بأن بضائع قوتشي وغيرها طلعت كلها تقليد درجة أولى وليست أصلية,
بالتالي هل تنصح باني أتسوق في برشلونة؟؟ ولا أخلي الفنايل والتي شيرتات كلها مشترى من برشلونة؟؟؟
وقواك الله مرة ثانية

الله يعافيك
اذا اول مرة تزور برشلونه انصحك بالباص السياحي وبشدة سعر التذكرة لليوم الواحد 19 يورو واذ بتاخذ يومين ب 30 يورو انصحك اخذ يومين واذ شريتهم بيعطونك كابونات لك خصومات علي الاماكن السياحيه مثلا اذ بتدخل نصب كريستوفر كولومبس لما وريتهم تذكرة الباص السياحي عطوني خصم نص القيممه
انا طلبت واحد شورما واحد فلافل واثنين فانتا طلع حسابي 13 يورو
المجمعات حلوة انا شريت بلوزة برشلونه من النادي ب 73 يورو تقريبا 33 دينار كويتي
بالنسبه للبضايع اصليه او لا لانشتري ال من الوكيل
بالنسبه انك تشتري من الكويت او برشلونه اذ انت راهي وميزانيتك ممتازة اشتر من برشلونه

حبيب قلبي والله
عليك بالعافية الفلافل والشاورما...
لا خيي ان قصدي ان البضايع ( الماركات 9 منو ارخص حسب وجهة نظرك الكويت ولا برشلونة؟؟؟
والتيشيرتات ما اقصد فيها فنيلة برشلونة .. لأنها فنيلة قذرة مع احترامي طبعا لمشجعي النادي..
ولكن اقصد عن التشيشيرتات بشكل عام شلونها غالية ولا رخيصة وهل هي ارخص من الكويت ولا اغلى ..
لأن السفرة بعد 8 أيام تقريبا فبضبط أموري ...
ويعطيك الف ألف عافية على ردودك الرائعة

ان شاء الله رحلة سعيدة وترجع بالسلامة
بس حبيت اسالك اخوي كيف الجو عندك صحيح حار بالنهار واذا مافيها كلفة عليك ممكن تنزلنا خريطة المترو وعسى طريقة استخدامة سهلة ,,وبس وسلامتك

عزيزي الحمدلله ع السلامه وسلامه الاسفار
بسالك الله يحفظك من وين استاجرت السياره عن طريق المطار ولا النت يومك بالكويت
وكم سعر اجارها اليومي سواء هنا ولاهناك
ياليت تعطيني تفصيل كامل الله يحفظك
والله يوفقك

kevin
الله يعافيك والله بالنسبه للماركات مافتريت عليهم وكان بودي افيدك انت لما تجي برشلونه شوف الاسعار
ودمت بود