وعليكم السلام
ارشح مطعم اسمه Gelik وهو حول فندق كراون بلازا بالقرب من مول القلاريا ويجي بعد محطة البنزين على اليمين
وافضل شي الجلوس على الطاولات التي توجد بالاسفل وهو مطعم كبير وجلساته كثيره
اما الذهاب لجزر الاميرات ب50 دولار احس انه سعر مبالغ فيه جدا
وانصحك بالذهاب لتل العرائس وخصوصا يوم الاحد من بعد العصر الى وقت الغروب عشان ماتتندمين وتقولين ليتي رايحه زيارتها لمدة ساعتين ماهي ضارتك ان شاء الله
اما الخروج بعد التاسعة ليلا ليس فيه خطورة بأذن الله وخصوصا اذا كنتم في شوارع معروفه ومزدحمه بالمارة
ارجو اني افدتك

ارشح مطعم اسمه Gelik وهو حول فندق كراون بلازا بالقرب من مول القلاريا ويجي بعد محطة البنزين على اليمين
في أي منطقه هالمطعم؟؟
جزر الأميرات ب50دولار غالي جداً.. اصلاً التذكره بالقارب بخمس ليرات وهناك بتلقى مالذ وطاب من المطاعم..
وش معنى مابين العصر للمغرب وبيوم الأحد خاصةً؟ وش السر بهاليوم وهالوقت؟؟!! وعلى فكرة وش انسب طريقة للذهاب هناك لأني رحت لأسطنبول ولامريت تل العرائس وناوي اروح مره ثانيه وبزور هالمكان..

سعر الجروب دائما مبالغ فيه ، ممكن تحجز من كابتاش على العبارة السريعة ، الجروبات تنطلق من أمين انو لأنها أرخص و تمر بجزر قبلها وغالبا تكون مزدحمة ، لكن العبارة السريعة كانت دايركت الى بيوك أدا
انتبهي أختي المطاعم المطلة على البحر بجزر الأميرات غالية شوي بالنسبة لمستواها لكن موقعها رهيب
أنصحك بتل العرائس وبشدة خاصة السبت والأحد بالرغم من ازدحامه بهذي اليومين
بعد الساعة عشر تشوفين أشكال غريبة بميدان تقسيم ؟؟؟؟؟؟؟ لكن الأمن مسيطر على الوضع
تحياتي

لا يفوتك مطعم الملك قريب من اكسراي !!
مطعم مشهور واكلة رايق
عندهم دجاج محشي مغطى بالملح لذيذ وكذلك لحم مقلقل داخل جرة ام بس بشرط انك تطلب هالطلبات قبل تجي اقل شي بثلاث ساعات علشان يجهزونها لك ....
بحاول أدور لك على رقم المطعم وتراهم يتكلمون عربي وخدمتهم ممتازة وغالين شوي!!
على فكرة الخروج بعد الساعة 9 عادي جدا والعوائل محد يتعرضها بس لا تطلعين لحالك !!!
وإذا محتاجين مساعدة هناك انا جاهز
تحياتي

الف شكر انا بعد بكرة بنطلع على ازونجول زبعدها بنرجع الى استنطبول الان ساكنين في برسلوا ارسن
وحابة اذا رجعنا نسكن في تقسيم الان نبغى بس تكون الباقي للتسوق انصحوني في فندق قي قلب تقسيم مثل قولدن ايج 1 ويكون سعرها في حدود 130 للمزدوج بس يكون مرتب ونظيف

تروحون وتردون بسلامه
اختي للعلم قولودن ايج 1 مافيه استشوار ولاكي ملابس اويطول يوم يمكن يتعاملون من الخارج -والسفتي بوكس بتأمين بمبلغ 50 دولار بس بصراحه بوفيه الفطور ممتاز واحذري انهم يسكونكم بالدور السابع او دور الحمام السباحه عند العوده لهم
لاانهم سكنوني عند حمام السباحه عندما عدت لهم بالمره الثانيه وقالو لي باكر صباحا نغير لك الغرفه ذكروني باخواننا المصريين فوق السطوح
عند خروجك من بوابة الفندق بجهة اليسار توجد مصبغة ملابس
بس الفندق قريب من تقسيم

اختكم2008
مرحبا أختي
سمينال بتقسيم ، 130$ هالسنة للدبل روم ، ما جربته لكن على بعد خطوات من جولدن ايج وهو أقرب لشارع الاستقلال

happy face
أخى العزيز أشكرك على معلوماتك القيمة ولكن هل الحجز من كابتاش يكون فى نفس اليوم أم يكون قبلها بيوم وهل تكون الذكرة ذهابا وايابا ام نحتاج الى حجز رحلة العودة من بيوك أطة وملعش سؤال أخير هل يكفى نصف يوم لزيارة هذه الجزيرة أم أنها تحتاج الى يوم كامل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أقدم لك اعتذارى على كثرة أسئلتى ولكنى مسافرة يوم الخميس القادم واحتاج هذه المعلومات بشدة وشكرا لك على سعة صدرك. :smile001:

وبالنسبة لمطعم جلك شهادتي فية مجروحة لأني من رواد هالمطعم ... ولا يفوتك عندهم رز بس بالفرن رهيب (رز في صحن فخار داخل الفرن) أم لذيذ
أما الفنادق في حدود 130$ إذا ممكن تزيدينها شوي تقدرين تاخذين رمادا بلازا مو بعيد عن التقسيم 10 دقايق مشي يمكن بحدود 200$ خمس نجوم ومع الفطور !!
وفيه مكتب سياحي بصراحة أثق فية إذا محتاجينة أقدر أعطيك رقمة وصاحب المكتب شخص محترم للغاية ...
تحياتي لك ،،