بسم الله الرحمن الرحيم
والصلاة ولاسلام على أشف الانبياء والمرسلين نبينا محمد وعلى آله وصحبه أفضل الصلاة واتم التسليم
مبروك عليكم الشهر يا أخوان
هذا هو التقرير الأول لرحلة بلاد الاندومي
طبعا اول سفره لي بعيده للدرجه هذي
قبل كل شي الصور كثيرة لذلك قررت انزل كل يوم في تقرير منفصل
حتى لا تذهب المتعه ولا يمل التقرير

فهرس الموضوع
1- الخطوط وقيمة التذاكر وخط سير الرحلة
2- مخطط الرحلة والسكن
3- أغراض الرحلة
4- العملة وطريقة التعامل بالشراء
5- بعض الأخطاء التي اريد التنبيه عليها
6- بعض النصائح
7- صور التقرير لليوم الأول
الخطوط الناقلة
طيران الاتحاد
مميزاته
مريح - توفر كيابل كهرباء في الطائره يعني تقدر تجيب لا بتوبك معك وتفل امها
مواعيدهم تمام التمام وعدم التاخر في الرحلات
قيمة التذكره للشخص شريناها 3200 ريال
طبعا كنا متأخرين جدا لو كان أبكر من كذا نبي نحصل عروض أفضل بكثير
خط سير الرحلة من الرياض - ابو ظبي انتظار 6 ساعات - جاكرتا
مدة الرحلة 9 ساعات
والعودة نفس الكلام
مخطط الرحلة
جبل بونشاك 7 ايام - سكنا في بيت ( فله
بالي 3 ايام ( سكنا في فندق
باندونق 1 واحد كان المخطط لها 3 ايام وكنسلنا يومين لأنها ما تسوا ( بيت ( فله
جاكرتا 4 ايام ( فندق نظام شقق
السكن
بالنسبه للسكن ما كنا متوقعين كذا
حجزنا عن طريق الشيخ بوكينق ويوم وصلنا كنسلنا كل الحجوزات ما عدا بالي
لأن السكن متوفر بكثره ورخيص وخصوصا السواق حقنا سنعنا بكل شيء
ملاحظه مهمه من الجيد ان تتفق مع سواق خاص
السواق يكون معك في كل مكان ويعلمك كل شيء تبيه ويترجملك ويستقبلك بالمطار
اما عن سواقنا فالشهاده لله انه ذيب بما تعنيه الكلمة
اذا شاف احد يبي يغشنا يقول تراه يكذب والعكس صحيح
أغراض الرحلة
من الطبيعي جدا بما انني رايح اصور اخذت عدتي كامله ولله الحمد
الكاميرا والعدسات والترايبود
اللابتوب ضروري مع كاميرا فيديو
توصيلة كهرب ضرورية جدا من اجل الشواحن الكثيره
العزبة وفيها كامل أغراض الطبخ مع القهوة والشاهي
من الأفكار الإبداعية التي خرجت بها
أخذت معي ترامز قهوة وشاهي صدقوني تبي تحتاجونها
رز - قهوة - شاهي - قدر كاتم - لوازم الطبخ
ملاحظة
لازم تاخذ معك جبن سايل وتونة ونواشف لآنها هناك غاليه جدا
تخيل جبن مثلث 27 ريال والجبن السايل الصغير 30 ريال
لازم تاخذونها معكم
وطبعا شنط الملابس
العملة وطريقة التعامل معها
أولا
1 ريال = 2500 روبية
0ريال = 100000 مئة الف روبية
هناك مئة الف لا يسمونها مئة الف بل يسمونها ميه
اسعار البقالات معقولة نوعا ما زينا تقريبا ما عدا الاشياء السعودية غاليه جدا كما اسلفت
التبضع وشراء االأغراض
يجب عليك المكاسر لأنهم يدبلون السعر 3 اضعاف
يعني لو قالك مئه الف قل لا بعشره
الصراحة كنت مصدوم جدا لما فعلا كاسرنا اشياء كثيرة جدا
انتبهوا اشد الانتباه وحتا لو عيا يبيعون عليكم فيه زيه كثير
وعلشان تسهل على نفسك المكاسر اقسم المبلغ اللي يقولك على 3
والناتج اخصم منها الربع او اي مبلغ تراه مناسب
بعض المحلات الكبيرة اسعارهم ثابته ولا مانع من طلب بعض الخصم
اخطاء وقعنا فيها وتنبيهات
1- ما حسبنا وزننا الزايد بالرجعه ودفعنا مبلغ 600 دولار وزن زايد
يجب الانتباه لذلك وحساب مشترياتكم زين
2- لا تتاخر على المطار علشان ما يحوسكم شيء
3- في الطائرة يعطونك نموذج تعبيه من الجواز طبعا بالانجليزي

الجزء اليمين من هذا الكرت يعطونك اياه في المطار يجب المحافظة عليه لأنه كرت الخروج
4- يجب الانتباه في الخروج يأخذون ضريبه 150 الف روبيه ما يقارب 60 ريال
5- السفر الى بالي عليه ضريبه 40 الف روبيه وكذلك العودة منها
نصائح
1- الجواز يجب ان يكون معاك في كل وقت
2- الفلوس يفضل اخذها كلها كاش علشان ما يخصم فرق العملة بالبنك ولا الفيزة
3- الاتفاق مع السواق من بدري
4- السبت والاحد الاجازة الرسمية لا تحاول تخلي برنامجك بعيد عن السكن