mo'3amer
23-09-2022 - 06:43 am
السلام عليكم جميعا
انا مقرر اقضي 5 ايام في سويسرا ان شاء الله على النحو التالي ( يومين في جنيف + 3 في انترلاكن)
وعندي كم استفسار منكم لو سمحتوا
1- ايش الاماكن المهمه في جنيف اللي الواحد لازم يشوفها ؟؟ علما بأن عندي يومين بس
2- انترلاكن صراحه حيرتني كثير وهي سبب كتابتي هالموضوع الصراحه المدينه هاذي على حسب ما قريت فيها الكثير من الاشياء اللي الواحد يقدر يسويها من زيارة قمم الجبال الى البحيرات الى الحدايق ... الخ
ابغي حد يريحني لو سمحتوا ويقترح علي جدول لل 3 ايام اللي باجلسها هناك بحيث نكون سوينا اهم شي الناس تسويه في انترلاكن
ملاحظه : المنتدى مليان تقارير والاخوان ما قصروا يعطيهم الف عافيه بس انا اللي خلاني اكتب هالموضوع اني محتار وين اروح في انترلاكن وجنيف
التعرف على االمدينه في اول يوم
اليو الثاني جوله في اليخت والذهاب الى منترو ولوسين والعوده الى جنيف
بالنسبه لانترلاكن رديت في تقريري على عضوه نفس استفسارك وهذا الجدول المضبوط
اليوم الاول
أنا أنصحك اول يوم يكون الوصول بدري جدا لانترلاكن
والذهاب الى محطة انترلاكن اوست والتوجه الى محطة الباخره بجوارها واخذ جوله بالباخره في بحيرة بيرنز وزيارة
شلال جيس باخ Giessbach والعوده الى انترلاكن واخذ راحه وباقي اليوم التجول في انترلاكن الحبيبه
اليوم الثاني
الذهاب الى القمه الثلجيه اللي قلتيهاSchilthorn وبعد النزول وزيارة قرية مورين Murrenوالتوجه بعدها الى لتربونLauterbrunnen والتجول فيها ومشاهدة الشلال العجيب
ملاحظه اليوم يبدءا من بدري للاستمتاع أكثر واخذ راحتكم
اليوم الثالث
التوجه الى قرية ونجن والتمشي في القريه وبعدها الذهاب الى القمه والاستمتاع فيها والعوده من الجه الاخر الى قرية جراند و اخذ باص والذهاب الى قرية جراند ولد الحالمه والممتعه والعوده الى انترلاكن
اتوقع كذا الجدول تمام وهذه الاماكن الحلوه ذات الطبيعه الجميله
الله يسعدكم ورحله باذن الله موفقه