- انا باكون بجنيف من 02.08. الى 05.08
السلام عليكم ..
وشرايكم بالموضوع تحسونه واحد يسولف مع نفسه والناس اللي تمر عليه تتحمد وتتشكر
الاستفسارات كثيرة ماشاء الله الصيف قرب والسفر حان طاريه ..
ان شالله اقدر اساعدكم باللي اقدر عليه واللي املكه من معلومات ..
بس انا اول شي عندي استفسار ( مو استفسار بالضبط يعني اخذ رأي) ..
انا باكون بجنيف من 02.08. الى 05.08
1) هل يصادف هالوقت بداية الكرنفال او نهايته وهل جنيف بهالوقت زحمة مرة لدرجة الملل ؟؟ :11ccer:
2) انا خططت اطلع لشامونيه ثاني يوم اجلس فيه ، وش رايكم تستاهل العنوة؟ وكم مشوارها بالباص السياحي ووين موقعه بجنيف ؟ انا بصراحة راعي مزاج في الاكل و شفت موضوع بو عزيز ومطعم كاليش والظاهر اني رايح جنيف بكبرها عشان هالمطعم ههه :36_11_13: ، الا بالمناسبة (لو بو عزيز دخل هالموضوع او أي احد جرب مطعم كاليش) وشلون تطلبون الصاج يعني فيه اكل جاهز هم يسوونه وفيه شي انت تسويه بنفسك يعني اختياري؟؟ وكيف اسعاره ؟ يبغى له حجز من متى ؟ ساعة ساعتين ثلاث اتصل عليهم قبلها بيوم ولا كيف؟
3) كثير اسمع عن جنيف والبحيرة والكرنفال وطبعا اهواء ومزاجيات لكن بدت تختلط علي الامور شوي ، يعني مثل المضايقات والشباب والبنات (الخليجيين) هل الامور مثل مانسمع عنها من قلة حياء ولا هناك تضخيم؟؟ :36_1_10:
4) الورويك وما ادراك ما الورويك ! كيف الفندق كويس ؟؟ كله خليجيين فعلا ؟ ما فيه ازعاج ؟
شاكر لكم قراءتكم للموضوع واللي يحب يعلق أكون له ممنون ..
تحياتي
1- راح تكون في وقت الكرنفال لكن للأسف ليس في افضل وقت له حيث افضل مافي الفيت هو الألعاب النارية و راح تكون الساعة 10 المسار يوم 9 أغسطس
2- ممكن تشوف الدليل السياحي ثم موضوع اقليم هو سافوي ثم حلقة شامونيه راح تجد بالضبط جواب مفصل لك
المطعم يحتاج للحجز المسبق بيوم واحد قبله ومشكلة اباصات انها ترجع بدري من شامونيه ولا بد من التأكد من موعددها حتى لا يتعارض مع موعد المطعم وفي هذي الحالة تخليها غداء بدل العشاء
اهم شيء دق عليهم وتأكد من مواعيد وجباتهم
و طلب الأكل على كيفيك تبي انت تشوي بنفسك او تجيجاهز و لايفوتك الهوت ستون ستيك واللي تقدم فيه قطعة اللحم على حجر ساخن
3- أكيد وقت الكرنفال وخاصة الجمعة السبت والأحد 8/9/10 اغسطس
يكون الوضع جدا سيء من ناحية الزحمة ومن ناحية المناظر والسلوكيات اللي ما تسر اي انسان يخاف على اهله وخاصة النساء و الأطفال
الواحد اذا دعت الضرورة القصوى للتواجد هناك بيكون مساء السبت لحضور الألعاب النارية
لأنه ممكن مشاهدة الفيت دو لاك (عيد البحيرة) الرائع في انيسي يوم 2 اغسطس (عرض خرافي)
باقي ايام الكرنفال واللي يبدأ من اول اغسطس يكون فيه الكثير من الألعاب والنشاطات والعروض ومقبول نوعا ما
4- الورويك وكل فنادق جنيف كأنك ماشي في الفيصلية ...تمشي وتسلم في اول اسبوعين من أغسطس
الفندق ممتاز للي ما معاه سيارة وجاي بالقطار لأنه امام المحطة مباشرة والبحيرة 600 -700 متر (5 دقائق مشي رجال و 10 نساء وأطفال
لاحظ محطة القطار على اليسار ومالفندق على اليمين واذا خليت الفندق على يسارك واتجهت الى يمين الصورة في اتجاه البحيرة 500 متر مواقف الباصات همن 100 متر للبرستول همن 50 متر للبحيرة
انا افضل عليه البريستول القريب من البجيرة وبينهم بالضبط موقف الباصات اللي تودي لشامونيه
لاحظ أن مواقف الباصات ومكتب الخطوط السعودية في اول الصورة على اليسار
الشيء الوحيد اللي راح يواجهك هو الحجز في هذين الفندقين بالذات
الله بيعين ويسهل دربك