وعليكم السلام
هل والله
والله ياخوي
اسئلتك كثبر مايجاوب علية الى حقين المكاتب
او واحد خبير
على العموم انا رابح 13 العيد دراسة
حجزت على الاتحاد بسعر 3000 وشوي مع الضرئب
بالسبة للحجز من العاصمة الى كيب تاون
خذ هذا الموقع بس لزم فيزا
http://www.kulula.com
طبعاً انا كلمت صاجب المكتب واعطني مكتب سياحي في كيب تاون صاحبها جنوب افريقي مسلم
وسلامتك

هلا بك أختي
ماشاء الله كل هذي أسئله
عموماً راح أجاوبك على اللي أعرفه
ونقطة نقطة بإذن الله
حتى بقية الأعضاء إن شاء الله يستفيدون من أسئلتك
فاصل .... يبيلي لي كوب شاهي
عشان أجاوب على هالإمتحان
أخوك عبدالله

1. وأنصح بإحدى الخطوط التالية :


2. والله ما سبق لي زيارته عشان كذا ما اقدر أحكم لكن شكله مش بطال

بسم الله نبدأ

أولاً / مخطط الرحلة :

يجب تحديد خطوط الطيران يعني تشيكين على مواقعهم (السعودية - الإماراتية - القطرية - الإتحاد ) عشان نعرف وين محطة الوصول لأنها راح تكون إما جوهانسبيرغ أو كيب تاون ومنها نبدأ بتوزيع الأيام ورسم المخطط

ثانياً / إستفساراتك الكريمة :

1- كل ماحجزنا بدري كان سعر التذكرة أرخص ...السؤال متى تفتح الرحلة ؟ متى أنسب وقت نحجز ؟
تقدرين تحجزين من اللحين أو قبل الرحله ب6 شهور (مش متأكد والله) :55654:عشان تحصلين أفضل سعر قارني الأسعار بين الإماراتيه والقطرية والإتحاد ولا تعتمدين على النت مروا مكاتبهم وأسألوا وقرروا وبعدها تقدرون تحددون جدولكم المناسب
وراح أحط لك جداول إفتراضيه لكل محطة وصول
أ - جدول محطة الوصول جوهانسبيرغ لمدة (17 يوماً )
o بعد الوصول بالسلامة إن شاء الله تحجزون رحلة داخلية على مدينة جورج ومنها تسكنون في أي مدينة (ولدرنس - نانايزا ) وهذي هي منطقة الجاردن روت وتقضون فيها مدة ( 3 ) أيام
o وتأخذون بعدها رحلة داخلية إلى كيب تاون وتقضون فيها مدة ( 10 ) أيام
o ومنها برحلة داخلية أيضاً إلى مطار جوهانسبيرغ ومن المطار سيارة إلى صن سيتي وتقضون فيها مدة ( 3 ) أيام
o وبعدها إلى مدينة جوهانسبيرغ وتقضون اليوم الأخير فيه
ب - جدول محطة الوصول كيب تاون لمدة (17 يوماً )
لن يختلف عن الجدول أعلاه إلا إختلاف بسيط
o بعد الوصول لكيب تاون قضاء فيها مدة (5) أيام
o ومنها إلى الجاردن روت برحلة داخلية إلى مطار مدينة جورج مدة (3) أيام
o ومنها إلى جوهانسبيرغ برحلة داخلية ومنها إلى صن سيتي بسيارة من المطار مدة (3) أيام
o وبعدها التوجه إلى مدينة جوهانسبيرغ بسيارة من صن سيتي إلى المطار ورحلة داخلية إلى كيب تاون مره أخرى
لأنك راح تكونين ملزومين بالعوده منها تقضون فيها مدة (5) أيام أخرى
طبعاً تلاحظين أني ماركزت على جوهانسبيرغ كثير لأنه بصراحه ما أحس أنه فيها شي يتحق المشاهده حسب وجهة نظري المتواضعه
2- حجز التذكرة الداخلية من جوهانسبرغ إلى كيب تاون من النت أرخص ...السؤال : أي خطوط تفضلون من خلال تجربتكم ؟
الأفضل يختلف عن الأرخص فالأفضل هي الخطوط الجنوب إفريقيه وهي تعتبر أغلاهم ,,,, ولكن أنصحك بإحدى الخطوط الإقتصادية نظراً لتعدد رحلاتكم الداخلية وهذا رابط فيه كل اللي تحتاجينه عن الخطوط الداخلية

وأنصح بإحدى الخطوط التالية :

كونهم الأرخص وهذا موقع يعمل لك مقارنة بين أسعار كافة شركات الطيران الداخلي ويختار لك الأرخص إضعطي هنا http://www.travelstart.co.za/index.jsp?view=air&_messageTitle=wrongInput&_message=homeLeave&_message=destLeave
3- وقبل كم من الوقت نحجز التذكرة الداخلية ؟
نصيحة أخ لكم إحجزوا أولاً التذاكر الدولية ورتبوا الفنادق ومن ثم إستخرجوا الفيزا قبل السفر بشهر أو شهرين وإذا طلعت الفيزا أبدئي بحجز الطيران الداخلي
4- وهل سعر تذكرة الأطفال نفس سعر تذكرة الكبار؟
طبعاً لا الصغار أرخص
5- كم المفروض نخلي من الوقت بين وصولنا وبين إقلاع طائرة كيب تاون ؟
من ساعتين إلى ثلاث وقت كافي إن شاء الله لإنهاء إجراءات العبور والجوازات
6- أفضل فندق في جوهانسبرغ في منطقة السانتدون غير مايكل أنجلو ؟
مايكل أنجلو أفضل فنادق جوهانسبيرغ على الإطلاق ويعيبه سعره المرتفع فقط وأنصحك تأذين شقه أو فيلا في نفس المنطقة وهذي كأمثله أخترتهم لك لأن المنطقة جيدة وقريبه من الخدمات :
1/ فله في السانتدون لأربعة أشخاص ب 825 ZAR /day
إضغطي هنا http://www.travel-library.com/apartments/africa/south_africa/johannesburg/villa_via_sandton.html
2/ جناح تنفيذي يبعد 1 كم عن السانتدون بسعر 825 ZAR /day
إضغطي هنا http://www.travel-library.com/apartments/africa/south_africa/johannesburg/77_grayston_executive_suites.html
7- إيش رأيكم في السكن هذا ؟

• وهذا أحسه حلو ؟! بس ما أدري عن الأمان !!!

كلهم حلوين وأسعارهم نوعاً ما جيده وتستحق وضعها في مخططك بس صدقيني أن البلد بإذن الله آمنه وماعندك أي مشكله في هالناحيه
8- أفضل الأماكن اللي ماتتفوت في جوهانسبرغ ؟
على الرغم من عدم إقتناعي بجوهانسبيرغ إلا أني راح أجاوبك :
منطقة الساندغون - ملاهي ومنجم قولد ريف
9- وش رأيكم بمركز التسوق هذا The Brightwater Commons ؟

والله ما سبق لي زيارته عشان كذا ما اقدر أحكم لكن شكله مش بطال

10- أفضل شقه ويكون فيها انترنت (ضروري جدا ) في كيب تاون وتكون في منطقه توسع الصدر؟
شقق كيب تاون تجدينها على هالرابط إضغطي هنا http://www.capetownmagazine.com/accommodation/Selfcatering-Apartements/Western-Cape/VaA-Waterfront-Apartment~103 وتقدرين تشوفين صور الشقق والخدمات ومن ضمنها الإنترنت بس أحرصي قد الإمكان تكون بمنطقة الووتر فرونت لأن أغلب الشقق هناك راقيه ونظيفه
11- وشاريكم في هالسكن في الجردن روت ( جورج ) ؟
بصراحة غالي غرفة Standard Twin ب :
2-85ريال لليلة

• وهذا في ولدرنس ؟ Milkwood House

شكله حلو وسعره معقول بس تأكدي أنه لازم يكون مطل على المحيط لأنه لو ماسكنتوا في سكن مطل على المحيط حرام يكون سعره كذا حاولت أشوف موقعه لكن ماظبط معاي

• وهذا ؟ http://www.gardenroute-direct.com/wilderness/dolphin-dunes

برضوه سعره معقول وشكله حلو والأحلى أنه Sea Views

• هذا سعره شي بس ماأدري وش رايكم ؟

http://www.gardenroute-direct.com/wilderness/strelitzia-cottage
نعم سعره رخيص بس تدرين ليش لأنه مطل على النهر مش على المحيط
12- الأماكن اللي ماتتفوت في كيب تاون ؟
أهمها بإختصار :
( الووتر فرونت - الكانال ووك - ملاهي الراتنجا
رحلة الهيلكوبتر - الغوص مع القرش - مشاهدة الحيتان - رحلة بقارب شراعي وقت الغروب )
13- إيش رأيكم في هالفندق في كيب تاون ؟Mandela Rhodes Place
حلو جداً من ناحية الموقع وكذلك السعر

• وهذي الشقة شكلها حلوه وسعرها أحلى :

http://www.travel-library.com/b&b/africa/south_africa/cape_town/bradclin_house.html
لكنها بعيدة عن أهم موقع في كيب تاون الووتر فرونت
خذت لك هالصورة من العم قوقل إيرث

1. 21- هل نقدر نروح بالسيارة جميع الأماكن السياحية وبدون مايضيع وقتنا ؟


2. نعم ,,,, إذا كان لديكم جهاز GPS البلد جداً منظمه ومتطوره

• وهذي الشقه :
http://www.travel-library.com/apartments/africa/south_africa/cape_town/atlantic_views_1_bedroom.html
جميلة ولكنها بعيدة أيضاً حسب ماهو مذكور أنها تأخذ من 5 - 10 دقائق بالسياره الى الووتر فرونت عموماً إذا كان معاكم سيارة فراح تكون خيار إقتصادي جيد
14- من أي موقع بالنت أحجز فندق الصن ستي ؟
أنصحك وبكل أمانه تجربين هالموقع
http://cybercapetown.com/SunCity/
لأني تعاملت معاه وكان تعاملهم إحترافي بس هذا ما يمنع إنك تتأكدي من مواقع ثانيه وتقارنين الأسعار
وهذي ثلاث مواقع جربيهم :
إضغطي هنا و هنا وكذلك هنا http://www.sa-venues.com/accommodation/suncity.php
15- شاريكم بهالفندق في منطقه قريبه من الصن ستي ...
ما أعتقد أنه خيار مناسب لأنه ماراح تقدرين تدخلين للصن سيتي إلا بدفع رسوم كل مره
16- أهم النشاطات اللي مانفوتها في الصن سيتي ؟
زيارة مجمع الأنترمنت - غابة الأسود - ركوب المنطاد الهوائي - الرياضات المائيه الموجود قرب البحيره الإصطناعيه
17- بكم سعر التاكسي من مطار جوهانسبرغ إلى الصن سيتي ؟ وهل فيه وسيلة أوفر ؟ مع الأخذ بعين الاعتبار وجود الشناط معنا .
أوفر فيه بس يعيبها التعب أنصحك بالتاكسي ويأخذ تقريباً من 1200 راند ولو كاسرتوه بتأخذونه أقل المسافه تقريباً ساعتين ونص بالسياره
18- ودنا نستأجر سياره طبعا بتكون في كيب تاون ...السؤال من وين نحجزها؟ وبكم يترواح سعر السياره 7 راكب مع جهاز الملاحة ؟
حجزها من أي موقع حجز على الأنترنت وكذلك سعرها وهذا رابط فصلت فيه إستئجار السيارات
إضغطي هنا https://artravelers.comوبتحصلين أسماء الشركات هناك إضغطي عليهم وتفتح لك مواقعهم
19- من الناحية العملية إيش الأوفر استئجار سياره أو الاتفاق مع سواق يوميا؟
من الناحية العملية إستئجار سياره أفضل
20- بكم سعر السيارة مع السائق في اليوم ؟
تأكدي من المواقع لشركات التأجير

21- هل نقدر نروح بالسيارة جميع الأماكن السياحية وبدون مايضيع وقتنا ؟

نعم ,,,, إذا كان لديكم جهاز GPS البلد جداً منظمه ومتطوره

22- عملت حجز وهمي في أغسطس الجاي ومالقيت سياره 7 ركاب هذا أولا ,,, ثانيا السعر أشوفه غالي لمدة 10 أيام – سياره 5 راكب مع GPS ب 7570راند !!!! والأميال محددة ب 200 كيلو في اليوم !!! وهذا الرابط يمكن اني مافهمت :
بينما هذا الموقع عطاني سعر أفضل بس ماذكر شي عن ال GPS ولا الأميال :
بالنسبة لمواقع إستئجار السيارات بحاول أدور لكم سيارة لعدد 7 أشخاص بجهاز GPS وبسعر معقول بإذن الله بس يبيلي شوي وقت أدور وأبحث
23- متى يبتدأ يومهم ومتى تنتهي النشاطات ليلاُ؟
يبدأ من شروق الشمس وينتهي عند مغيبها والشروق والمغيب نفس أوقاتنا تقريباً يعني ما فيه فرق الأسواق أو محلات الترفيه أغلبها تفتح من التاسعه صباحاً وأماكن الأكل والمطاعم والكوفي شوبز من الثامنه والله أعلم
24- كم متوسط سعر الوجبات ؟علما إن حنا ماناكل إلا من ماكدونالدز وجبة السمك (الله يعز النعمه ) أو مطاعم حلال أو بيتزا خضروات وهالأشياء .
أرخص ما في البلد الأكل فمطعم معقول مثل أوشن باسكت طبق المأكولات البحريه لشخصين بحدود 80 راند يعني تقريباً 50 ريال سعودي
25- البلد يعتبر رخيص ولا غالي ؟ يعني مثل أوروبا ندخل السوبرماركت نشتري خرابيط ب 300 ريال والمويه ب يورو و80 سنت ولا يورو ونص ويوم توفقنا لقيناه ب 80 سنت اليورو السنة كان 6 ريال تقريبا !!!
البلد مقارنةً مع أوروبا أرخص بالتأكيد
26- أخيرا هل تعتقدون إن 30000 يورو احم احم أقصد ريال سعودي >>> ياشين خفة الدم شاملة تذاكرنا وإقامتنا وتنقلاتنا وأكلنا وشربنا كافيه ولا لا ؟ ( من غير تسوق )
بإذن الله كافيه
27- اللي لاحظته ولا أدري أنا صح ولا خطأ إن خدمة الانترنت مو متوفره في كل الشقق والفنادق ؟؟!!! صحيح ولا لا لأن النت بالنسبة لنا مهم جدا
نعم ملاحظتك صحيحه
28- طيب بالنسبة للملاهي ... بس مافيه إلا جولد ريف في جوهانسبرغ وملاهي كيب تاون ...بس !!؟؟؟
على حد علمي المتواضع ,,,, نعم هاتان فقط
بالنسبة للأماكن اللي ماتتفوت في كل مدينة بس ذكرولي إياها بدون تفاصيل الله يعافيكم.
جاوبتك فوق عليهاأتمنى أكون قدمت لك ِ وللأعضاء الكرام وللزوار شيئاً مفيداً ولو كان عندك أي سؤال أو أي أمر آخر أنتِ أو غيرك من الأعضاء الآخرين فأتشرف بالرد عليه
وكل عام وأنتم بألف خير يارب
أخوكم عبدالله

1. قالت : خلاص,,

يا أختيكثير من أسئلتك وزيادة عليها راح تلاقين الإجابة عليها إما في موسوعة عبدالله بن محمد أو بمواضيع دوراك أوتقارير الأعضاء الوافية, بس أنت عطيها من وقتك شوي , وما شاء الله عندك وقت مرة طويل لغاية السفرة , يعني يمديك تحفظين تقارير الأعضاء حفظ وعن ظهر قلب بعد,
وما شاء الله على مشرفنا عبدالله بن محمد هالحين ما قصر ورد على كل أسئلتك ....(الله يحفظه ويبارك فيه)
وأنا راح أجاوبك على سؤالين بخصوص السكن لأني سكنت فيهم الصيف هذا ((قبل شهرين)) :

• مانديلا روديز في كيب تاون(فيه نت)
• ميلك وود هاوس في وايلدرنس(مافيه نت)

ومن غير تفكير أقولك : لا تفوتينهم وعلى ضمانتي وخصوصاً الهاوس اللي في وايلدرنس,عبارة عن كوخ من دورين على الطراز الأوروبي , غرفتين نوم ودورتين مياه وصالة رايقة معها ركن مطخ خدمة مناسب وحديقة جانبية فيها ركن شواء ,و..........و..............والدور العلوي مفتوح وفيه سريرين وزاوية فيها كنبة طويلة , تطلع عليهاالشمس فكانت مشراق مناسب ومكان للقرآءة والبيت عموماً شكله تماماً نفس اللي بالموقع , وأنا أبحث في النت حصلته في موقع (جاردن روت دايركت وسعره 450 راند فأرسلت لهم إيميل وردوا علي إنه متوفر وبسعر 500 راند وأنا بصراحة من شفت السعر قلت شكله أي كلام بس الصور كانت مرة رائعة ,فتشاورت أنا وزوجي وقررنا إننا نروح ونشوف وإذا عجبنا كان بها وإذا ما عجبنا دورنا غيره لأن المراسلات والإيميلات في هذا الموقع ماتلزمك بالدفع المباشر بالكريدت كارد , مجرد ححز وبعدين تدفع, وكانت هذي ميزة, وتوكلنا على الله وسافرنا بالسيارة وحرصنا إننا نوصل في وقت مبكر عشان إذا ما عجبنا يكون معنا وقت ندور غيره, المهم بعد ماوصلنا دقيت عليها واستقبلتني بمدخل القرية ورحنا نشوف البيت ويا سلالالالالالالالالالالالالام على ذاك البيت,والله ما أبالغ إذا قلت إنه كان أحسن مكان أسكنه بكل سفراتي, عجبني نظامه مرة وحتى عيالي استانسوا فيه ع الآخر, بيت كامل ولك لحالك بعكس الفنادق والشقق الفندقية( أدوار ومصاعد وناس تطلع وناس تنزل)
حبيبتي إذا كنت تحبين الإستقلالية والهدوءءءءءءءءءءءءءء فلا يفوتك أما إذا كنت تحبين الهيصة وجمعة الناس فأعتقد ماراح يعجبك موقعه بالذات ,لأن القرية أصلاً هادية وهو بأهدى مكان فيها(قمة الروقان والإسترخاء,, أقول : يا بختك فيه )
وأزيدك من الشعر بيت يوم شفناه وعجبنا قلت لها : 450 راند على أساس السعر اللي بالموقع (مع إنها بالإيميل قالت 500 راند)

قالت : خلاص,,

أنا قلت في نفسي : ليش ما أكاسرها (مع إني عمري ما سويتها,لأن بكل سفراتنا نكون حاجزين ودافعين ومافيه مجال)
المهم قلت لها : آخر سعر؟؟ ردت بعد تفكير : 400, وبسرعة أنا قلت : اصبري أبشاور زوجي (قسم كأني بمحل جملة )ورحت لزوجي وأنا أضحك وأقوله : تقول 400, وهي طبعاً معنا وماتدري وش نقول , وعيالي يقولون : رخيص , وزوجي يضحك : معقولة , ألتفت عليها وقلت لها: زوجي يقول :مايصير , ما حنا في موسم و...........و.........وهي تبتسم, يا حليلها ويازين نفسها(الله يهديها للإسلام) بعدين قالت : خلاص وآخر سعر 350 راند ,,
سعر خيالي لمنزل على الطراز الأجنبي اللي ما تعودنا عليه وفي مكان من أكثر الأماكن هدوءاً في العالم,,,ولك أن تتخيلي.
والخلاصة ياعزيزتي : إذا الله يسر عليكم وكنا من الحيين أنصحك في هذين السكنين من واقع تجربتي...
بس حبيت أقولك : إنه مو مباشرة على المحيط, بينه وبين المحيط الطريق الرئيسي, تطلعين من البيت وتروحين المحيط من تحت كبري صغير موجود في المحطة المقابلة,,

الأخ الكريم
آهات
^^^^^^
الأخ الفاضل
عبدالله بن محمد
^^^^^^^^^
الأخت العزيزة
نوف
^^^^^^^^^^^^^^^
أدعو الله في هذا اليوم المبارك من هذا الشهر الفضيل بأن
يبارك لكم في أعماركم
ويرزقكم صحة في الجسد
وسعة في الرزق
وعفوا عند الحساب
وأمانا من العذاب
ونصيبا من الجنة
اللهم آمين
من جد ماتوقعت أحد يرد علي بها السرعة
أخوي آهات :
الله يوفقك وسعر التذكره أحسه حلو ..تروح وتجي بالسلامة
الله يعطيك العافيه .
#####
أخوي عبدالله بن محمد :
إجاباتك واضحة جدا الله يبارك فيك .... وشرحك وافي ومافيه قصور ...
بس إذا اعتمدنا المخطط الأول وهو الوصول إلى جوهانسبرغ والذهاب مباشرة إلى مطار جورج ..هل نقدر
نستأجر السياره من مطار جورج ونسلمها في مطار كيب تاون ؟؟؟
لإن بحول الله بنستأجر سياره مافيها كلام ..
عاجزة عن شكرك وإيفائك حقك .
#######
أختي نوف :
أموت في التفصيل
ومن جد بردتي خاطري والأجواء اللي ذكرتيها بالهاوس مطابقة للأجواء اللي نحبها تماماً...
بس النت مهممم ...طيب وش الحل للتغلب على هالمشكلة هل فيه محل كبائن تيلفون قريب ؟؟
أو انترنت كافيه ؟؟ لأن حنا نتواصل مع الأهل يومياً بالنت ...والله قهرررر . الحلو مايكملش
عموماً مداخلتك رستني على البر ...وريحتني الله يبارك فيك وويحفظك في حلك وترحالك .
بس عندي مشكلة يا أخوي عبدالله أن مشاركاتي ماتطلع بشكل فوري ...يقول لا بد من عرضها
على المشرفين ولا عندي خاصية الرسائل الخاصه ؟؟؟ ليه ووش المشكله ؟؟؟

Exit@sa
بالبداية جزاك الله ألف خير على هالدعاء الطيب والله يكتب لك الأجر
المخطط الأول هو نفس المخطط اللي أتبعته في رحلتي تقدرين تمرين تقريري وتشوفين المخطط والأسعار
بالنسبة للسيارة نعم تقدرون ,,, وها الشي أفضل للتمتع بالمناظر وأوفر أيضاً
المسافة تقريباً 436 كم بس الطريق من جد ممتع وسهل ومريح بإذن الله
ولاداعي للشكر فكلنا أخوه هنا ونخدم بعضنا بما نستطيع
بس عندي مشكلة يا أخوي عبدالله أن مشاركاتي ماتطلع بشكل فوري ...يقول لا بد من عرضها
على المشرفين ولا عندي خاصية الرسائل الخاصه ؟؟؟ ليه ووش المشكله ؟؟؟
لابد من أن تعرض مشاركات العضو الجديد على الإدارة والمشرفين قبل إعتمادها هذه هي سياسةالمنتدى
وبالنسبة للرسائل الخاصه فلا تمنح إلا بعد تجاوز المشاركات عدداً معيناً

Al salam 3lykom
shokrkan kther 3ala alm3lomat kanat wajed mofeeda
bss b'3ait as2lkom 3n the best hotels u would recomend in sun city and cape town ??
o marrah thanya shokran