- آيا صوفيا :
- منطقة The Basilica Cistern " خزان المياة " :
بسم الله الرحمن الرحيم ,,
أحب أن أقدم لكم تقرير البسيط ,, عن تركيا وبالأخص " إسطنبول "
وأحب أوضح بعض الأشياء لزوار أسطنبول :أولاً : منطقة " تكسيم "أو تقسيم اللي فيها أغلب الفنادق آمنة جداً جداً للعوائل والأطفال وفيها أمن من جميع الجهات وأي سيارة تدخل لها بس 10 دقايق واذا تأخر بوسط هالمنطقة يآخذون عليه مخالفة ,
وأخواني الصغار يتمشون ينزلون السوبرماركت بالليل لوحدهم والحمدلله الوضع آمن ..
وأيضاً الشعب نسبة كبيرة منهم طيبين ومتعاونين مع السياح ..
بالنسبة لأرتفاع الأسعار هي " بحدود المعقول " ماهي غالية جداً ولا رخيصة ..!!
مدينة آمنة جداً و فيه عندهم شرطة متخصصة للسياح تلقونهم بكل مكان ..
أما بالنسبة " للسواق مع سيارته " اول يوم آخذنا سائق تركي كان يوم سيء مقارنة بالسائق الثاني " يتكلم العربية بطلاقة " وكانت معه الرحلة رائعة جداً جداً
يعني احرصو انه يكون السائق يتكلم عربي ..
المطاعم عندهم ,, فيه غالية وفيه وسط " لأن فيه مطاعم حكومية على قولتهم رائعة واسعارهم وخدماتهم حلوة "
أما الحجاب عادي مافيه اي مشكلة نقاب وعباية والوضع جيد
لآحظت ببعض التقارير يشتكون من الفنادق عدم إدخال الأكل ، وكان فندقنا تعاملهم رائع وبالعكس مابقى وجبة مادخلناها ولاقالو شي ولا يسألون بشوشين ومعاملة رائعة
اجمل الأسواق بنظري كان " السوق المسقوف " اللي هو السوق الروسي رائع وفيه اشياء غريبة وجميلة
وبالنسبة للملابس النسائية وهي أهم شي كان شارع " عصمان بيك " قمة في الروعة ,,
أما عن الصور ....
أعلى قمة جبل في تركيا :مسجد السلطان أحمد :طبعآ هو من العهد العثماني الرابع عشر ويعتبر من اكبر جوامع اسطنبول وأجملها .. بدأ بناؤه 1609 وخلص1616
آيا صوفيا :
كان من اكبر الكنائس ..بناها الإمبراطور قسطنطين الأكبر.. بعد كذا تدمرت واحترقت .. وبعده قام الإمبراطور ثيودوسيوس الثاني ببنائها ..وتدمرت من جديد .. من بعده أعاد تشييدها الإمبراطور جوستنيان في القرن السادس..
بعد الفتح ..حولها العثمانيين الى جامع بدل ماكانت كنيسه..واضافوا لها المنارات والمنبر.. وزينوها بالنقوش الاسلاميه..وشالو الصليب من كل نواحي الكنيسه..لكن الزخارف والنقوش المسيحيه وصورة عيسى ومريم عليهما السلام ظلت موجوده الى اليوم بدون تغيير لكنهم غطوها بغطا بس هالغطا انشال من على الصور لما صارت متحف.. وظلت مسجد لفترة 481 سنة
لكنهم بعد ماراحت الخلافه العثمانيه تحولت الى متحف ..
ماعندي إلا صورة من الخارج للأسف
منطقة The Basilica Cistern " خزان المياة " :
طبعاً هذا من العصر البيزطي وبما أن منابع المياة ماكانت متوفرة داخل اسوار المدينة فكانو يجيبونها من بلغراد اللي تبعد عن المدينة 25 كيلو متر .. استعداد لأيام حصار العدو بنوه على أعمدة كبيرة جداً عشان يمدهم بالماء وقت الحصار ومايتوهقون ..!!
طولها 140 متر وعرضها 70 م وبين كل 4 امتار عمود ..ومساحة الخزان 10 الالاف م2
وفي نهاية هالاعمدة فيه رأس حرمة مقلوب " ويُقال أن هذي إمراءة كانت متآمرة مع الجيش بتقلب الحكم على زوجها فقتلها وعمل لها هالتمثال مقلوب رأسها منقهر منها :d
الآبار :وهذا رآسها منقلب ..
Miniaturk
هذي عباره عن حديقة فيها مجسمات لاهم المعالم بتركيا.. وتدخل فيه الكارد حق الدخول ويقول لك تاريخ المكان واسمه ومعلومات عنه..
طبعاً فيها مجسمات لتركيا الصغرى والجانب الأوروبي والجسر المعلق وهالشغلات ..
هذي كم صورة سريعة ..
تل العرائس :وهذا مكان يتباركون فيه .. كل شخص يتزوج لازم يزوره مع العروس بلباس العرس طبعاً
ويسوون حفلة ..
لقطة بالليل ..
سور القسطنطينية قديماً ( حدود المدينة ) :طوبقابي :كان مركز الرئاسة للامبراطورية العثمانية .. وسمو كذا بسبب المدفعيات اللي موجوده عند بابه ..
وموجود فيه ( عربات السلاطين .. ملابسهم .. حُليهم .. أوانيهم والمطابخ .. اسلحتهم ..وبعض الغرف ) كان جداً رائع وممتع ..
وفيه أيضاً " الأمانات المقدسة " ( أثر رجل الرسول صلى الله عليه وسلم ، وسنة ، وشعره من لحيته ، وختمه ) وسيوف بعض الصحابة ويد النبي يحيي عليه السلام
وجمجمته ..
التصوير كان ممنوع للأسف وهذي صورتين بس من الخارج :قصر دولما باهجة :بناه السلطان عبدالمجيد وتميز بالفخامة وكثرة الزخارف والبناء الأسطوري ، وسبب بناء هذا القصر فقر للشعب لان كل اموال خزينة الدولة كانت لبناء القصر
بنوه ب 13 سنة واستخدم اكثر شي للضيافة ..
صور مختلفة للقصر :ساعة القصر :من الخارج :من الداخل :غرفة أم السلطان :غرفة الأطفال :غرفة الزوجة:سرير أتاتورك اللي توفى عليه :مناظر من على خليج البسفور
منظر من البحر :أخيراً من تكسيم الشارع المجاور للفندق :كان بالليل هنا نقل تلفزيوني وحفلة غنائية لأشهر مطربينهم لذلك الإعلانات موجودة
وأنصح الجميع ب "مطعم الملك " .. وسموه كذا لأن صاحبه كان طباخ الملك فهد لحد ماتوفى الله يرحمه
مطعم مميز جداً ..
من الخارج بس :اعتذر لقلة الصور ، لأن أغلبها صور عائلية
لكل من مر ..
ودُمتمْ ..
ماشاالله رحله مبين عليها وايد حلوه وكلها ابداع
ياربيه شنو هالقصر الجنان واي قلبتي المواجع كان نفسي ادخل القصر في رحلتي لتركيا بس الله ماكتب
ادعي لي اسافر لتركيا معشوقتي
كملي ولا تطولين
سجليني متابعه