ماشاء الله تبارك الله
سفره موفقه باذن الله
ميونخ------------ 3 ايام
زيلامسي3 ايام
انترلاكن 3 ايام
ميلان 3 ايام
زيورخ 2 يوم
ولكن عليك تحديد جدول رحلتك حول هذه المدن حسب ماهو مناسب لك
تحياتي وبالتوفيق

انا برايي
ميونخ------------ 3 ايام
واذهب الى يروب بارك ليوم
زيلامسي3 ايام
انترلاكن 3 ايام
ميلان 2 ايام
(فهي ممتعه في التسوق فقط)
زيورخ 2 يوم

كسرى العرب
هذا جدول مناسب
ولا تمر على ملاهي يوروب بارك لانها مسكرة بعد يبيلها شهر على ماتفتح
ورحله سعيده ان شاء الله

كسرى العرب
مشكور اخوي على مرورك وربعي خوفوني من الطقس هناك وقالولي ماراح تستانس شرايكم اخليها 10 ايام رحلتي واقعد في ميونخ 3 ايام وزلمسي 3 ايام وكابرون3 ايام لانهم قالولي ماراح تستانس ياليت تفيدني ياعزيزي

Noura86
اولا شي مشكوره اختي نوره على مرورج
ثانيا خوفوني من الجو الحين عشان جذي حبيت اقلل الرحله اخليها 10 ايام بين ميونخ وزلمسي وكابرون اتمنى تفيدوني الجو الحين اقدر استانس هناك او ماراح اتمتع بالرحله واذا عندج معلومات عن الجو الحين او لج تجربه ترى عادي اقدر ازيد الايام ارجو الرد بسرعه لان مابقى شي على الرحله بس اصدر تذاكري وامشي:36_1_22:

رحال_اوربا
السلام عليكم انا لسه راجع من ميونخ من 4 ايام الجو جميل وشاعري بالعكس البرودة تحت الصفر ولكم منظر الثلوج وتساقطها شي خرافه الله لايحرمنا هذا اذا كنت تحب هالمناظر يعني تفطر انت تطالع الثلج يسقط قطن في كل مكان البياض يكسو الشجر مع الخضرة التي بالكاد تظهر درجات اللوان الشتاء في كل مكان الاكواخ مغطاة بالثلوج ومداخنها تنفث الدخان ورائحة الحطب تفوح منها احس السفرة الشتوية لها متعتها الخاصه لابد لكل شخص يعشق السفر ان يجربها

أخوي ..!
لا تنسى ان الدنيا ثلوج يعني زيلامسي (تسيل ام زي ) وانترلاكن لا يوجد خضرة وطبيعة بل الثلوج فقط
يعني التنقلات ليس طعمها كالصيف ولك تحياتي

رحال_اوربا
والله للأسف انا سفراتي لأوروبا دايما تكون في الصيف بس في احد من اهلي توه راجع يقول ان اوروبا بالشتا غير لها طعم ثاني وعجبته وايد وترا الحين البروده خفت عن اول
وان شاءالله تستمتع بس اكيد كل مااجلت سفرتك واخرتها راح يكون الجو افضل وراح تستمتع اكثر
تحياتي لك
ورحله موفقه