- وحينما نزلنا للمطار مرينا من التفتيش وعند دخولنا التفتيش حصلت مصيبه
- لازم نحطها اليوم ولا بكرا بالكثير
بسم الله الرحمن الرحيم
السلام عليكم ورحمة الله وبركاته وبعد....
في يوم الاربعاء الموافق 5/12/2007 وفي تمام الساعة التاسعة مساء
اتجهت انا واصحابي وعددنا 3 اشخاص الى مطار الملك خالد بالرياض لكي نغادر من الرياض الى دبي ومن دبي الى كولمبو ومن كولومبو الى سنغفورة ومن سنغفورة الى جاكرتا
على متن الخطوط الاماراتية فلقد اقلعنا من الرياض في تمام الساعة التاسعة مساء ووصلنا دبي الساعة 11.40 مساء
ورحلتنا من دبي الساعة 3.30 فجرآ الى جاكرتا
فقضينا هذه الفترة في التمشية بالسوق الحرة في مطار دبي
وبعد ذالك توجهنا الى بوابة 25 في الوقت المحدد لكي نطير الى جاكرتا
مرورآ بكولومبو وسنغفورة ترانزيت
المهم بصراحة كانت الرحلة ممتازة جدآ والي محليها الموظيفين بالأبتسامة والتنكيت
فوصلنا كولومبو وتوقفنا فيها لمدة ساعة ونحن بالطائرة وبعد ذالك اقلعنا الى سنغفورة ترانزيت لمدة ساعة لاكن اول ماوصلنا سنغغورة طلبو من جميع من كان بالطائرة النزول في المطار لمدة ساعة
وحينما نزلنا للمطار مرينا من التفتيش وعند دخولنا التفتيش حصلت مصيبه
فلقد قامو بفتح الشنط التي كانت معنا واخذ جميع الكريمات والشامبوات والعطورات والجل ومعجون الاسنان بحجة انها ممنوعة والله غريبة
المهم بعد تفتيشنا ركبنا الطائرة واقلعنا بالوقت المدد الى جاكرتا وحين وصولنا جاكرتا قمنا بالتفييز وبعد ذالك توجهنا الى كونتر تختيم الجواز وكنا في الطابور ننتظر دورنا وكان خلف هذه الكونترات يوجد شرطي بشنب كثيف ينظر فينا نظرات غريبة وبعدين يوم جاء دورنا جاء ابو شنب وقال هدية هدية وحنا طنشناه ولا لقينا له بال وقام يطلع من جيبه فلوس سعودية يورينا ويئشر عليهن المهم قام ابو شنب وجلس يتكلم مع الي يختم الجوازات وبعدين ناظر فينا وقال وين تذاكركم واعطيناه التذاكر وبعدين قال وش الي معكم في شناطكم وجلس يفتشها بس وضعنا كان سليم المهم ختم لنا جوازاتنا وطلعنا بسلام
واتجهنا لمكتب كاها الي في المطار وكان يوجد موظف حضرمي اسمه عاصم
وقالنا مافيه شي فاضي كل الفنادق فل >>> والله ورطة
المهم طلعنا برا المطار ولقينا صاحب تكسي فان واتفقنا معه اننا نروح ندور سكن المهم واخذنا نلفلف في جاكرتا من فندق لفندق ومن شارع لشارع ولا كن دون فايدة كل شي فل
المهم وقفنا اخر شي عند مكتب كاها الي في مطعم اميرة وحصلنا في فندق اكاسيا 3 غرف كل غرفة 420 الف روبية
المهم اخذناها لمدة يومين الي هي تكون لنا من الجمعة للسبت ومن السبت للأحد
ويوم الاحد قبل الظهر الساعة 11حصلت الكارثة المصيبة التي لن انساها :112::m12:
فبينما انا واخوياي خرجنا من فندق اكاسيا متجهين الى مكتب كاها الي في مطعم اميرة الي في ريدن صالح لكي نسئل عن شقق الألسون رستوم سعيد هل خرج احد ام لا وبينما نحن متجهين ونقطع الخط مر راعي دباب وكان وراه واحد متمسك بقوة المهم وسحب الشنطة الي كانت معي
والشنطة الي كانت معي فيها الفلوس5000 الآف دولار اضحك من القهر
ياسلام سلم تونا واصلين جاكرتا مالنا يومين وانسرقت فلوسنا
وش الحل عدل بدل
الحل مافيه الا اننا نقدم حجزنا عودة للسعودية بدال مو ان رجعتنا للسعودية بعد العيد28/12/2007
لازم نحطها اليوم ولا بكرا بالكثير
ونروح نظف العفش وعلى المطار لاكن الحمد لله حصلنا فلوس للتكسي تدرون من وين من فلوس التامين الي يأخذونها عندهم الفندق وكانت 500 روبية
ورحنا للمطار يوم الاحد الساعة 4 العصر وسئلنا عن مكتب الخطوط الاماراتية الي بالمطار قالو يفتح بكرا اليوم الاحد اجازة وجلسنا ونمنا في المطار وعينا من الله خير وجلسنا نتفرج على الي ريح والي جاي الى يوم الاربعاء 11/12/2007
واخيرآ حصلنا حجز لدبي يوم الاربعاء
يعني جلسنا في المطار الاحد والاثنين والثلاثاء والاربعاء في الليل اقلعنا في الساعة 10 مساء
لأننا ماحصلنا كراسي فاضيه في الطيارة الا هذا اليوم
واتجهنا الى دبي ووصلنا دبي الفجر وجلسنا من الفجر الى المغرب في المطار ننتظر رحلتنا للرياض الي كانت انتظار بعد لاكن الحمد لله حصلنا لنا مقاعد فاضية
واقول للي سرق فلوسنا حسبي الله عليك ونعم الوكيل ماخلانا نتهنا ولا اسبوع
واحب اشكر جميع الاعضاء والمشرفين على هذه البوابة فلقد استفدت من جميع المعلومات التي نقلتها
من هذا المنتدى عن جاكرتا
ولاكن ماحالفنا الحظ اننا نزورها او نتمتع فيها
وجزاكم الله خير
خيرها بغيرها......