saudturki2000
01-05-2022 - 04:03 pm
كل اللي يفكر يروح جزر الكناري... هذي نصيحتي
والله غلطة عمري اني رحت لها انا والمدام بشهر العسل لكن صارت مضيعة فلوس على الفاضي...
جزر صحراوية ولو كانت بالمحيط وزارعين فيها كم شجر على الشواطي ، والفنادق وان معظمها خمس واربع نجوم الا أنها قديمة ويبدو أنهم مو مهتمين بتطويرها في الفترة الآخيرة.
لا الجو زين ولا خدمات وأكبر سوق مثل ميني ماركت عندنا وأخوانا العرب بكل مكان حتى هناك يبيعوا بالأسواق.
مايجوها الا الأوروبيين وخصوصا الألمان اللي مايبون الا يتسدحوا على الشاطي ويتلون بشرتهم من صقعة الشمس، يعني جدول رحلتهم بدون مبالغة تسدح تحت الشمس طوال اليوم وفطور وعشا بمطعم الفندق وبس.
والأدهى والأمر كل السياح أو معظمهم من كبار السن يعني 47 وفوق...كنا أنا وزوجتي كاننا أطفال بينهم .
حتى اللغة فين وفين احد يتكلم انجليزي.
الموضوع سبق وطرحته باقتضاب في ركن أسبانيا.
بس ياليت أذا أحد من ألأخوان سبق أن زارها يعطينا رأية عشان يكون رأي جماعي و نشطبها من القائمة