000
( )0

0
0
0
0

aldosee

( )0

الاخت ام المعتصم بالنسبة لاسطنبول فهي حارة جدا اما بورصة فجوها معتدل واذا مطرت صار الجو روعة

اختي ام امعتصم انا زيك سافرت لماليزيا قبل اربع سنوات طبعا مع اولادي وزوجي
ومن كثر ماقريت عنها اتخيلت انها اجمل بلاد صحيح الطبيعه جميله لكنها موبارده وفيها
شوية رطوبه وكمان اكلهم ماعجبني اللهم من بعض المطاعم ِِ
المهم السنه اللي فاتت قررنا نسافر لتركيا على فكره انا سافرت تركيا من قبل وبالضبط
بعد الزلزال بيوم بس كانت عبر شركات سياحيه وسكنت باستنبول ورحت لا نطاليا يمكن ثلاثة ايام
بس ماعجبتني لانها ماتصلح للعوائل وكمان حاره شويه وفيها رطوبه ورجعت كملت المده باستنبول
والشركات السياحيه التركيه هما اللي كانوا يجيبنوا ويودونا وكمان نصبوا علينا فكرهت تركيا وقررت
اني مارجع لها ابدا0
لكن بعدما سجلت بهذا المنتدى وبديت اقرا من الاعضاء عن تجاربهم في السفر وفين قضوا اجازتهم
لفت نظري وصفهم لتركيا 0
فقررنا انه نجرب مره ثانيه وصدقيني كانت احلى سفره لاني قبل ان اسافر اخذت معايا كل المعلومات او
معظها من هذا المنتدى واعضاءه الله يوفقهم ويبارك فيهم بصراحه كل كلمه كتبوها كانت صحيحه
والله رحت وانا مسجله دفتر كامل 0
استنبول ماطولنا فيها يمكن ثلاث ايام بعدين رحنا ليلوا بالحافله 4ساعات والعباره ساعتين والقارب45دقيقه طبعا اخذنا اسرع شي وصلنا ليلوا بس ماسكنا فيها رحنا لترمل وتبعد عن يلوا نصف ساعه
وبترمل في قريتين جوك شيدرا و ويس بنر وهما جنب بعض جوك شيدر مليانه خليج لكن ويس بنر اهدا
وصارت تنقلاتنا من ترمل نروح ليلوا من العصر نرجع 11الليل ونروح لبورصه من الصبح لان المسافه طويله اشوي يمكن ساعه اوساعه ونص والله نسيت وفي منطقه حلوه مره اسمها شنارجكلي كمان تبعد عن ترمل حوالي نص ساعه وعلى فكره الجو في ترمل يجنن خاصة بالليل والناس فيها يسهرون للفجر منطقه امنه جدا0 وترمل نفسها فيها الحمامات الطبيعيه
ومن قرية ويس بنر تروحين للشلال طبعا تتفقين مع السائق على السعر والمده انصحك لوعندك شوايه
تشوون هناك او تاخذون غداكم معكم مادري بس انا عجبني المكان مره0
على فكره احنا كنا ناوين بس نقعد يومين ثلاثه بترمل بس طولنا ولو كان معانا وقت كنا طولنا اكثر
وبأذن الله تعالى السنه هذه كمان ناوين نروح تركيا بس حابين نروح شمال شرق تركيا وطبعا من بعد وصف
الاخوه الافاضل لها ولو في وقت نروح كمان ترمال0
اتمنى لك اختي ولعائلتك رحله سعيده وارجو اني اكون افدتك ولو بالقليل
بس انصحك تقرين كل اللي انكتب على تركيا بهذا المنتدي والله العظيم انك راح تستفيدين مره0

:
.

=============== .
.
.
.

_______________________________________ ____________bagher