اذا ما خاب عدي 15 يوم راح اعطيك ترتيب بالمدن اللي قلتيها و زياده بينانج:
سيلانجور 2 ليالي امباير
لنكاوي 3 موتيارا كبينتين
بينانج 2 هوليداين
كاميرون 2 ليك هاوس
جنتنج 1 لازم فرست وورلد والغرفه اكيد وورلد كلوب
كوالا 4 دورست رجنسي او كوراس او تريدرز
بورت ديكسون 2 افاليون

طريقة التنقل من سيلانجور للنكاوي طياره ومن لنكاوي لبينانج فيري ومن بينانج لكاميرون فان عائلي ومن كاميرون الى جنتنج فان ومن جنتنج الى كوالا ايضا فان ومن كوالا الى بورت ديكسون فان

ابو محمد الشمري
مشكور اخوي ماقصرت بس ياليت تكتب اسعار الفنادق زي ماقتلك اخوي مابيها غاليه ان كثرت كلها بحدود 400
اولا احنا قاعدين 13 يوم صعب الترحال كثير بين المدن راح ياخذ مبلغ كثير لاتنسى اخوي عدد الاشخاص كثير ماشاء الله يعني شنورايك نقعد في كوالالمبور 4 ايام اول ماننزل نروح منها الى سلاينجور بالسيار سمعت انها قريبه بدون مانام فيها بعدين نروج جنتنق لاند نقعد يوم بفندق راقي شوي وبعدين نروح الكاميرون قريبه من جنتنق ونقعد فيها يومين بعدين ننزل كوالالمبور يوم ونروح لنكاوي بالسفينه ونقعد يومين فيها وبعدين ترجع لكوالا بس اخوي نقدر نسافر بالقطار من كوالا الى سنغافورة
شنورايك هل الميزانيه مناسبه
ياليت تدلني على المطاعم الحلوة واسعاره وياليت تكتب اسعار الفنادق
اعتذر على ازعاجك بس ان شائ الله ماجور

عليكم السلام
مرحبا بالاخت سارة
بومحمد ما قصر على وضع التصور لبرامج رحلتكم الميمونة باذن الله الى ماليزيا
عندكم عدد ايام برامج رحلتكم 14 يوم ( 13 ليلة ) انصحكم بالاقتصار على زيارة احد هذه المرتفعات اما الكاميرون او جنتق و ارشح لكم الثانية بسبب قربها من العاصمة كوالالمبور و و استبعد الاولى لطول طريقها المتعب و كثرة التعرجات الجبلية فيها و اخيرا قد يكون عامل الوقت او فترة مكوثكم لا تناسب زيارة كل هذه المناطق ...
نعود لبرامج رحلتكم المقترح مع الاخذ بالحسبان عن اضافة الفنادق الاقتصادية التى تناسب عددكم و طريقة التنقلات مع المواصلات ....
2 ليلة سيلانجور فندق امباير صوباج القريب من الصنواى لاقون 8 دقائق بالسيارة سعر الغرفة الليلة تقريبا 350 ريال
بعدها الانتقال الى لنكاوى بالطائرة المسافة 55 دقيقة
3 ليلة لنكاوى فندق متيارا 2 كاتينة ستديو تقريبا الليلة 600 ريال ( تأكد من موقع الحجوزات عن السعر ) بعدها بالعبارة الى بينانج سعر التذكرة للبالع 60 ريجنت
4 ليال بينانج فندق فلامنجو ديلوكس الليلة حوالى 300 ريال بعدها العودة الى العاصمة كوالالمبور 4 ساعات
4 ليال كوالالمبور فندق دورست ريجنسى غرفة ديلوكس الليلة 350 ريال
الذهاب الى جنتق صباحا و العودة مساء
اتمنى لكم رحلة سعيدة

اشكرك على الاجابه الوافيه واعتقد اختي جاوب على كل استفساراتك الله يوفقه
وارجومنك زيارة هذا الرابط لانه راح يفيدك مو بخصوص استفساراتك لازيادة المعرفه لماليزيا
https://artravelers.com/p/re/608678

لوسمحت اخوي اقدر اسافر بالسفينه من كوالا الى لنكاوي
اسعار الفنادق وايد غاليه انا ابي 3 غرف او غرفيتين كلها ب400

الأخت الكريمة / سارة
إقتراح حبيبنا الأسفار متعتي ممتاز أبعدي عن كثرت التنقلات وخاصة إنكم عائلة كبيرة
وبالنسبة للأسعار حاولي تدخلين بوكينج وتشوفين الأسعار بنفسك وراح تصير عندك خيارات متعدده من ناحية الفنادق
والأسعار ولكن قبل الحجز في الفنادق أطرحي اسمائها حتى يفيدونك عن مدى مستوى الراحة والأمان
ووجهة نظري ماليزيا حلوه وخاصة للعوائل الخليجية ^ ^

اسف على تاخيري برد لكن راح تلقي التنقلات في موضوعي الجديد رابطه في التوقيع تحت

من بعد اذن الاخوان بالنسبه للفنادق في فلاش ع موقع بوكننق يتضمن عروض وخصومات ماعليك سوى التسجيل بالموقع وكل يوم او يومين تصلك ع ايميلك هذي العروض