شهاق
ورى ما تشرب مويه .............امزح بس اسمك غريب
اول شي يبيلك تقراء تقارير الاعضاء لانها مفيدة جدا
بخصوص استخراج الفيزاء يفضل انك تحجز موعد عن طريق السفارة على عنوان http://www.visa4uk.fco.gov.uk/
تجيب تعريف من العمل+كشف حساب اخر 6 شهور وصوره اتوقع 4*6 خلفيه بيضاء وتحضرون في موقعهم اللي في السليمانيه للتبصيم.
بخصوص المصاريف على حسب
يعني فيه ناس تصرف في مقاهي ومطاعم ضربه وفي ناس ماتصرف باليوم ولا 150 ريال انت وش هدفك تقدر تحدد
وبخصوص هل ننصح انك تاخذ زوجتك انا انصحك وبقوه اول شي توسع صدرك وهي تشوف الديره وتكسب فيها معروف مشيتها
وشي عادي هناك الحجاب وحتى النقاب بعد
وبخصوص الفنادق انصحك انك تبحث في هذا الموقع
افضل موقع للبحث عن الفنادق على الاطلاق http://www.hotelscombined.com/
مريح جدا ورخيص
الله يوفقك وييسر امرك

بخصوص الفنادق ان شاء الله الاخوان يفيدونك
بس نصيحه اخوي حاول اليوم تروح تخلص امور الفيزه لاني انا ظليت شهر ونص وفالاخير طلعت فالفيزا
مادري يمكن انا حظي نحس لوول
ان شاء الله امورك تتيسر
"
بخصوص الصرفيه
السكن يوميا نفرض راح يكون 150 باوند ( سكن 5 نجوم )
المصاريف اليوميه ( اذا بدلع نفسك وزوجتك ) انقول 150 باوند
اربع ايام انقول مصروف راح يكون 600 باوند + مصاريف السكن
يعني بالكثير بالكثير 1500 باوند لهالرحله
"
وزوجتك ابدا ماراح تواجه مشاكل بالحجاب بالعكس في بعضهم منقبات ومافيه اي مضايقات
الاماكن السياحيه :
الهايد بارك
اكسفورد ستريت
باكديلي
( كلهن جنب بعض وشارع العرب اجوردرود بعد جنب هالاماكن الذي ذكرتهم فوق )
انصحك تروح منطقه لندن آي وساعه بق بن ( جنب بعض )
فيه عروض جميله فكل ويكند في هالمنطقه
بخصوص المواصلات بما انك جاي فتره قصيره استعمل التاكسي احسن
اقل رحله راح تكلفك من 8 الى 10 باوند
عموما المشي جميل في لندن
واذا حبيت مطاعم عربيه محلات حلال عندك شارع اجورد رود ( فيه فنادق 2,3,4 نجووم )
"
تقدر تزور متحب مدام تسوود ( متحف الشمع )
موفق اخوي

موفق خير ان شالله يا رب

الاخوان ماقصرو
وان كان لي اضافه هي الاسراع بالفيزاء تحسباً لاي طارئ
السكن ممكن يكون لك احد خيارين
الاول : يكون بالسكن قرب موقع الدوره و هذا يوفر لك الوقت و الجهد في برنامجك اليومي الوضيفي
الثاني : تسكن بالقرب من الاكسفورد و الاجول رود والهايدبارك او حتى النايت برجاو مايفر وهذا يوفر تمشية المدام معك بالاسواق وقت الدوام
الامان بأذن الله ماعليك و عليها خلاف البلد دوم مليانه وكلن بحاله حتى الساعه 7 مساء و بعد هذه الساعه انت بتكون وياهم
السكن مناسب شقق او فنادق 4 نجوم اسعارها معقوله و الاخ المزعج له مواضيع في هذا المجال او تستطيع تطلب ايميله وتراسله بالنسبه للسكن و راح يكون مسرور بالخدمه ، كما يمكنك زيارخ موقع https://www.booking.com حيث فيه العروض وجميع المعلومات عن الفنادق خاصه .
انصح بشده لمرافقه الاهل منها تمشيه و تغيير جو
الجو ممتاز يميل الى البروده خاصه بالليل
رحله سعيده واي خدمه نحن بالخدمه

زيزو
ناصر
كويتي
نوف
تسلمون لي جميعا ويعطيكم الف عافية ........... ولو اني خايف من مسألة الفيزا
ممكن تعلموني وين موقعهم في الرياض ودوامهم متى ؟
آسف على الاستمرار في السؤال
شكرا لكم

شهاق
هلا والله
شف موقعهم في السليمانية شفت اسواق السدحان الجديده هم عندهم
وانت جاي من طريق الملك عبدالعزيز تدخل شارع السليمانية ووجهك غرب تمشي الين يصير الشارع اتجاه واحد راح يجيك المجمع على يسارك والماريه ان بنك الراجحي يكون بالزاويه على يسارك انت لف قبل بنك الراجحي وخله على يمينك ووجهك جنوب اول لفه على اليسار السدحان راح يكون على يمينك هم في العمارة اتوقع رقم 2 الدور الثاني تبي تشوف هناك حراسه اسالهم
اتمنى ان الوصف يكون واضح

تسلم لي يا بعدهم كلهم يا زيزو
واحد حقنة

رسمياً ممنوع لكن لا ارى اي تدقيق على تفتشه خاصه اذا كان بالعفش لن يئسل عنه

انا زيك ويندوز مو اصلي باخذ الابتوب معي وبحطة بالعفش وعادي وبتوكل على الله واذا خذوة الله يعوضني بس اهم شي توكل على الله حق توكلة وخلاص
انا عندي سؤال لك
لية اسمك شهاق ؟؟
ههه
قلي سارق هاه سارق