1. صحيح أن أنا حجزت التذاكر ولمن اقدر الغيها


2. طبعاً الجدول بكون في شهر 6

السلام عليكم
الى جميع الأعضاء الي يقدروا يفيدوني هذا جدولي وتقدروا تغيروا فيه لو حبيتوا ...

صحيح أن أنا حجزت التذاكر ولمن اقدر الغيها

طبعاً الجدول بكون في شهر 6

1) الوصول الى جاكرتا في تاريخ 4/6 والجلوس الى تاريخ 8/6 وابغا من عندكم الفندق .. طبعاً انا دورت كثير ومقتنع بالثلاثه الي اقترحهم اخوي جاكرتاوي 999 .. وهو الكازابلانكا والبتافيا واستون راسونا .... أنا حاب اسكن في شقق من غرفتين
ولكن ابغا رايكم شنو تفضلوا من هذول الثلاثه ..لان اسعارهم كلهم متقاربه جداً .. ولكن انا حسيت ان البتافيا اقل فخامه
وهل يوجد مطبخ بفرن في الثلاثه او لا ؟؟؟ ايه ورانا كبسات وما نستغني عن المطبخ
وللي بيقترح فندق اخر .. ابغاه في هذي المنطقه (( المنطقه المركزيه ))
2) الذهاب الى بونشاك من تاريخ 8/6 والسكن في احدى الفلل الى تاريخ 14/6 والي يعرف اي فلل يمكن حجزها من هنا او على الأقل اسماء فلل حجمها صغير ومناسب لنا .... الأفضل تكون غرفتين لان أحنا بنكون اثنين شباب
3) الذهاب الى بانودنق من تاريخ 14/6 الى 16/6 ... وهنا دورت شقق الين مليت وما لقيت وسلمت امري لله وقلت ابسكن في النوفتيل وحجزته ولكن بامكاني الغاء الحجز
4) الذهاب الى جاكرتا والسكن لمدة يوم واحد والاقلاع الى بالي في تاريخ 17/6
5) الوصول الى جاكرتا في تاريخ 17/6 والاستمتاع في معالمها الى تاريخ 22/6 وستكون رحلتي باذن الله مباشره من بالي الى الدوحه وهنا بعد للحين ما عرفت وين اسكن
يلا يا شباب طالبنكم المساعده
واتمنى من الي بيختار الي فنادق ان حاب السكن يكون في شقق من غرفتين او غرفه واحده (( الأهم ما يكون غرف ابد )) ... واهتم الى توفر الفرن في المطبخ (( مو ضروري 100% ولكن يفضل ))
وبالنسبه للي سكن في البتافيا او كازابلانكا او اسون راسونا .... يعطيني رايه فيها
وكيف كان مطبخها ... واقدر اشيش في الشقه او لا ...
ترا الشيشه عندي شي ضروري جداً جداً جداً