جدولك اكثر من رائع ومنظم بطريقة جيدة ولو ان عندي تدخل بسيط ووجهة نظر لا اكثر
بالنسبة لليوم الثاني اشوف فيه نوع من الارهاق لكم لانه فاريا مشوارها طويل ومرات بالويكند يكون مزدحم
الا اذا شديتو نفسكم من الصباح الساعة 8 ةتقريبا وصولكم 10 تاخذ 3 ساعات او ساعتين على الاقل هناك
والنزول ساعتين وتوصل على حريصا وبعد ماتخلص من التلفريك بحاريصا وزيارة الكنيسة ترجع بيروت ترتاح من المشوار الطويل
وتنزل تسهر بعدها اذا حبيت
وبالنسبة لليوم الاول لو تستبدل مطعم ماونيلا بمطعم مخلوف بنفس الشارع
واليوم الثالث اذا حبيت تضيف متحف الصابون بصيدا واليوم الرابع رائع ومااقدر اقول شي
والشي المهم ان تلغي سوق معوض من القائمة اللي عندك ومانصحك فيه
بسبب ان المنطقة غير امنة في ظل الاحداث اللي نسمعها عن تلك المناطق
و ماتنسا تنزل اهم واشهر شارع في لبنان وهو شارع الحمرا وتاخذ كوفي بلحمرا كافي او ستاربكس
وبالتوفيق لكم

اوافق الاخ بنديرنو باقتراحه ....إلغي مطعم مانويلا لان صار فاشل ...استبدله بمطعم السلطان ابراهيم على الاوتوستراد لانه راح يكون على خط طريقك او مطعم مهنا ولاتنسى اطلب الهندبة احلى شيء في مطعم مهنا (بالنسبة لي ) ..وبعدها كمل على مغارة جعيتا ..وبعدين روح اتمشى على الروشة واجلس في جراند كافيه او بيتي كافيه...وبعدها ارجع الفندق.....
اذا فيكم حيل بهاليوم تقدر تخلي التلفريك وحريصه معه لان نفس طريق جعيتا وقريب من بعض مرةةة
اليوم الثاني كويس ..اذا فيكم حيل تروحونها كلها سوى ...راح تنبسطون في فرايا ....وبطريقكم بالرجعة وقفوا عند مطعم العرزال في منطقة حراجل على خط رجعتكم...مذكور في الموضوع المثبت للمطاعم المميزة ...وتقدر تكمل بعدها على حريصه والتلفريك وجونية والكسليك وبعدها تنزلوا عالفندق تريحوا وباليل السوليدير هذا لو بقى وقت بهاليوم ههه
اليوم الثالث والرابع كويس ... بالنسبة للسهره في مكان حلو اسمه zess اسهروا فيه ويناسب للعوائل مرة مرتب ..ابعد عن اوتار ...
مونرو والجميزا ..كله نايت كلوبز اذا انت تحب هذا النوع من الاماكن ..
وفي مطاعم حلو انك تزورها زي مطعم الفلمنكي بالاشرفية .... ام شريف بالاشرفية خلف الفلمنكي...وفي مطعم مكسيكي مرة حلو اسمه البلدار وكل سبت و احد بالليل في عندهم اغاني و كاريوكي نايت .....
المياس المطعم ارمني في الاشرفية ايضا"...
حاول كل هالاماكن اذا بتروح له تحجز من قبل ...في الموضوع المثبت فيه ارقام تلفوناتهم
سوق فرن الشباك ........لاتروح له مايسوى بهالكم يوم تروح له ...
سوق الكسليك والزلقا .....بعد لاتضيع وقتك فيه الا اذا انتو حابين سوق رخيص ف الزلقا....الكسليك فيه محلات مرتبة
سوق معوض.....لاتروح له
البايروت مول وال bhv بضبيه..........BHV داخل سيتي مول
مطعم بربر .....شغل سفري ....
ومطعم السلطان إبراهيم....روح له اول يوم
ومطعم كبابجي ....خطير واحلى فرع اللي عالاوتوستراد جنب السلطان ابراهيم ...وفرع مدخل جونية...اكله وسعره ممتاز ونظافة لا يعلى عليه
ومطعم البلد ....روح له اذا رحت السوليدير ....
ومطعمبرج الحمامبفندق الموفنبيك......كويس بس في احلى
مطعم الباي روك قعدتو حلوة مطلة على صخرةالروشة...........بالنسبة لي مو حلو ....جراند كافيه احسن منه
ومطعم الصياد بعين المريسة ببيروت...........ماقد زرته ...
مطعم منير ببرمانا.........كان كويس ......الان فاشل
مطعم عبد الوهاببالأشرفية...........كويس ومقابله محل برجر احلى برجر في لبنان ...واسمه brgr وجنبه مطعم اسمه جوليوس ايطالي كمان كويس
مطعم اوتار وانغام .............بالنسبة لي صار منحط وماينفع للعوائل نهائيا"
وعندك منطقة الجميزة كلهاللسهر او شارع مونو.........كلها نايت كلوبز

اوافق الاخ بندرينو والاخت dmq
مع تمنياتي لكم بسفرة ممتعة وتوقيتك
قد يكون مع تاريخ سفرتي نهاية مارس
والمصادف 21/03/2012 بداية إجازة السعوديين
منتصف الفصل الثاني الدراسي
هتكون بيروت زحمة شوي ..
تقديري للجميع

يعطيكم العافية
ياليت أخواني وأخواتي في الرد الأول والثاني يعدلون لي الجدول بعد إظافة المقترحات اللي لهم
علما بأني أبحث عن أسواق ذات اسعار معقولة للتسوق وكذلك مكان للسهرة يصلح للعوائل فقط
أنتظر منكم تدعيم الجدول ووضعه للمشي عليه ( وأتمنى يوضع الخيارات الانسب وليس بعدة خيارات ) يعني الإختيار بين عدة مطاعم صعب
انا جاي اربعة ايام للبنان وبدي استفيد أكثر استفادة من السياحة فيها

بالنسبة للسهره في مكان حلو اسمه zess اسهروا فيه ويناسب للعوائل مرة
ممكن تفاصيل أكثر عن هذا المكان

وأخيرا ابي اسماء مطاعم لثلاثة ايام مابين غدى وعشى ( يعني زحمة مطاعم ) ابي اشياء تجدوها الافضل وتستحق التجربة

ali_ksa33
وين الأخوان ماردوا علينا

??? وين الردود من المشرفين على أستفساراتي