نشر في بانكوك

جدولي لرحلة الصيف

راعية_بانكوك

25-06-2022 - 07:45 pm

مرحبا .
تعرفون بدأ الصيف ويالله ما شي وقت نبا نحجز بس قبل لازم اشاوركم في بعض الفنادق
لاني الصراحه ماجد رحت كرابي ... كوشانج ..كسموي ... ان شاء الله هالصيف بروحهن
شوفو جدولي وياريت تقولولي شو الناقص ولا انقص ولا أزيد ولا خيارات الفنادق ..
اول شي :-
بتايا ...3 ليالي في فندق المونتيان
كوشانج ... أول مره اروحها 3 ليالي في
Amari Emerald
أو
Panviman Resort
كسموي.....أول مره 3 ليالي Amari
كرابي .....أول مره 3 ليالي Thai Village Resort
بانكوك .... 4 ليالي Jw Mariot
بومبي ... 5 ليالي تاج محل ........
شو رايكم في الفنادق والترتيب ..... اغير شي ولا الغي شي ولا احط شي بدل شي ....؟

التعليقات (9)

أم شيخه

25-06-2022 - 11:18 pm

اتشرف اني أول وحده ارد على موضوعج ...
أشوفج كله مع أماري...
أنا شفت صور منتجعات وفنادق حلوة وايد في مواقع الانترنت في كاسموي وكوشانج غير الأماري
بس صدق روعة
شوفي هالموقع
http://www.sawasdee.com/
أقولج انتو بتطلعون من بانكوك على بومبي على طول؟؟

الهاجري

26-06-2022 - 12:19 am

مرحبا أختي راعية بانكوك
الجدول وايد حلو لأن من بتايا راح تنزلين إلى كوشانج وتنزلين إلى كسموي وتنزلين إلى كرابي
وبعدين إلى بانكوك المحطه الأخيره حلو إنك حطيتي الجدول بالترتيب للمناطق
والفنادق حلوه بعد

راعية_بانكوك

26-06-2022 - 01:20 am

أم شيخة .....
هيه ان شاء الله ..... انا حجزت على اساس هالموقع ...
الهاجري :-
بس الفنادق اوكيه ولا الغي كسموي وخلي بس كرابي و كوشانج وبتايا وبانكوك ؟

راعية_بانكوك

26-06-2022 - 02:21 am

متردده في كسموي شو تنصحوني ؟

yusf20

26-06-2022 - 03:22 am

اختي ماتصلح لج بتايا كله شباب ومضايقات
اخذي لج كم يوم بشنجماي ويقولون انه عايليه ومافيها خرابيط
اشرايج تجربين شيانج راي

راعية_بانكوك

26-06-2022 - 04:23 am

ادريبها بس انا احب بتايا يعني رايحتنها كم مره قبل عادي ... بالعكس احبها اكثر من شنغماي

أم شيخه

26-06-2022 - 05:24 am

أنا اشوف بس جزيرتين كفايه ....

Q8 Airbus

26-06-2022 - 06:25 am

السلام عليكم ,,,
والله تايلند كل مكان فيها حلو بستثناء بتايا
بالنسبه لجزيرة ساموي انا ما سبق رحت لها لكن ان شاء الله بتاريخ 1/6 رايح لها اذا الله سهل وحسب المعلومات اللي جمعتها لحد الحين الكل اتفق انه العرب فيها نادر تشوفينهم واغلب سياحها اوربيين وبخصوص الطيران في الشركة الوحيده الي تنقلج لي هناك اهي بانكوك ايرويز وسعر التذكره ما يزيد عن 3500 بات ون وي اذا بتروحين عن طريق بانكوك وتقل اذا بتروحين عن طريق بتايا او بوكيت , الجزيره صغيره ممكن تلفينها بيوم واحد ولكن فيها نشاطات سياحيه كثيره تنافس بوكيت على حد معلوماتي وفي ناس يقولون انها افضل من بوكيت على العموم ممكن اعطيج المعلومات بالتفصيل لما ارجع ان شاء الله ;) اما بالنسبه للسكن فشاطئ chaweng اهو المكان المفضل للشباب وشاطئ lamai اهو المكان المفضل للعائلات ومثل ما تعرفين افضل شي تحجزين الفنادق عن طريق المكاتب اللي بساموي ويرجع اختيار الفندق لذوقج واحتياجاتج وميزانيتج وعلى العموم في تايلاند الحياة سهله ومحد يتوه وموفقه خير والسلام ختام

أبو عزَام

26-06-2022 - 07:26 am

كلام الأخQ8 صحيح .... وكوه ساموي فيها الهدوء والراحة سوى بعض المناطق في الليل
في جزيرة قريبة من ساموي اسمها بانج نجان يجيها سواح من جميع أنحاء العالم في الليالي المقمرة من كل شهرللإشتراك بحفلة
full moon party
وهي جزيرة تناسب محبي الهدوء والراحة
أتمنالك رحلة سعيدة
وتردين بالسلامة ان شاءالله

بانكوك المسافرون العرب

جدولي لرحلة الصيف