مشكلة مخططك العودة لنقطة البداية اذا امكن تعدلي جدولك يكون وصولك فيينا والعودة من ميونيخ مثلا يكون افضل واريح لكم
وبالنسبة للاستيكر يعتمد على اتفاقك مع المكتب مثلا انا اخذت سيارة معاها استيكر حسب طلبي بدون اضافة رسوم
وذهابكم لفينيسيا والعودة بنفس اليوم حقيقة جدا متعبة ومرهقة تقريبا 5 ساعات ذهاب ومثلها عودة وقد تزيد
وحقيقة تتعبو نفسكم وبالوقت نفسها تظلمو فينيسيا الرائعة
اي استفسار نحن بالخدمة
بالتوفيق

اخترنا العودة فيينا بسبب الطيران لأنو اذا العودة من ميونخ السعر أغلى
فينيسيا كثير ناس راحوا لها من زيلامسي واحنا حربين نزورها دام ان المسافه مش بعيده مرا

صباح الخير اخت شروق
انا باذن الله مسافر بتاريخ 25/8/2012
والعودة بإذن الله 8/9/2012
يعني بيوم ذهابج ههه
شنو تبين بالضبط اختي انا عندي جدول بسيط عندي وشنو تبين بالضبط
وقولي شنو تبين بالضبط وانا راح اضبطج بإذن الله
انا حاجز كله بكابرون ووالباقي كلها تجول
انا راح افيدج باذن الله واكتبي شنو طلباتج وباذن الله راح اكتب لج اول بأول

ماتقصر ابو عبدالله
يعني مارات الحق ع تقريرك

ام ودي بس بزيارتنا لفينيسيا كيف وكيف وكل ابو شي من الذهاب لها من كابرون الين العودة

وسمعت انو الفيزا ما يستخدمونها عند حجز السياره وهيك ويقولون اللي تمشي البطاقة الالكترونيه ايش يقصدون بهالبطاقه

ضروري رود علي
السياره أيهم ارخص لما اخذها من فيينا وأروح فيها لسالزبورغ وكابرون وارجع فيها لفيينا
أمم ان اروح بالقطار الى سالزبورغ وأخذ السياره من قرية فريلاسينج الألمانيه وارجع فيها لفيينا بعد ماخلص من كابرون وسالزبورغ
ضروري جزاكم الله خير

اختي بالنسبه للبرنامج ممتاز جدا
بس لو تستغنون عن الروحه الى فينيسيا لانها فعلا متعبه حتى لو سبق ناس راحو لها
انتي احسبيها ذهاب من 4الى5 ساعات ومثلها العوده يعني كم بقى ساعه من اليوم
بالنسبه للسياره الافضل مثل ماوضحتي استلامها في فينا من الغد وتسليمها الول ماتوصلون لفينا بنفس المكان
طبعا لازم يكون معكم فيزا او ماستر كارد العاديه وليست مسبقة الدفع
تحياتي *

هلا اختي بالنسبة للسيارة ارخص لك تاخذيها من فيينا وترجعيها مرة ثانية لفيينا او حتى باي مدينة نمساوية
اما اللي ياخذنوها من مدينة فريلاسينج الالمانية فهم بيرجعونها بميونيخ تفاديا لدفع ضريبة التسليم بدولة اخرى
الفيزا او الماستر كارد مهمة جدا في عملية استئجار السيارة حتى لو تم الدفع مقدما
يحتاجوها في حجز مبلغ تامين يرجع في حالة استلام السيارة كما هي علي وقت التسليم
اذا مصممين على زيارة فينيسيا والعودة بنفس اليوم الله يعينكم
الطريق ياخذ 5 ساعات بالذهاب .. وحقيقة الطريق روعة وخاصة داخل النمسا من كابرون الى الحدود الايطالية
اول ماتوصلون فينيسيا توقفو السيارة بالمواقف الخاصة وعليها رسوم لااذكر بالضبط كم
ومنها تنزلون بساحة روما والافضل تتمشو الى ان تصلو برج اسكالز بقرب محطة القطارات
عند البرج مكتب يبيع تذاكر الباصات المائية استخدموها للتنقل داخل فينيسيا
اهم مافيها برج ريالتو وساحة سان ماركو ومتعة ركوب الجندولا
وسعرها 80 يورو قبل الساعه 7 وبعد الساعه 7 يزيد السعر الى 100 يورو
بالنسبة ليا جلست بفينيسيا يومين استمتعت فيها بقوة
ودامكم راجعين لكابرون بنفس اليوم انصحكم تخرجو من الساعه 8 الصباح او قبل ان امكن
واذا تبو نصيحتي باتو فيها ليلة وارجعو لشقتكم بكابرون ثاني يوم منها تتجنبو الارهاق ومنها تعيشو جو فينيسيا بالليل
ترا مافرقت على 600 او 700 ريال زيادة عشان راحتكم
اي استفسار حاضر اختي
بالتوفيق