متى وصولكم ؟!
حطي في بالك انه فرساي مقفل الاثنين واللوفر مقفل الثلاثاء

بالنسبه لمتحف اللوفر انا من وجهة نظري ما يستاهل دخوله لانه ما راح يفيدك بشي انا اشوف تكتفين بالتصوير عند بوابته بس الحديقه الي امامه تستاهل حلوه وفيها نافوره كبيره في النص منظرها حلو

اجاابتك علي ام ريم. مهم جدا لتحديد اتاحه المواقع
الباص ساعتين وثلث بدون ما تنزلون اتوقع
كل الباصات توصل ايفل اذا قصدك حقت السباحي الحمراء او الخضراء
فيه موضوع مهم لمشرف الجزر الاخ f.h.a.d. بالقسم العام عن الباص السياحي

FANDA
وصولنا باريس الجمعه
يعني على حسب الجدول بتكون الزيارة السبت والأحد
جزيل الشكر أختي ع التنبيه
Turki Musa
فكرة والله اني ما أدخل خصوصا ان معي العيال, ف بناخذ بشورك و بنصور بس برع
أخوي فيصل
اي نعم قصدي كان الباص السياحي
كل الشكر على موضوع الباصات
شاكرة لكم جميعا, جزاكم الله كل الخير

فرساي مغلق الاثنين يعني لابد من تغيير الجدول
عطينا الاماكن اللي ترغبين بزيارتها بالضبط
الباص هل تبين بكل مكان تنزلين ام تكتفين بالباص داخل تتفرجين

انه بعد من رأيي تلغون اللوفر لانه ممل للأطفال واكتفوا بفرساي ممتع خصوصا التمشي في حدائقه وحول البحيره
لا تنسون يكون معاكم رخصه سياقه عشان تقدرون تتاجرون سياره الجولف الصغيره وتمشون فيها في الحديقة
اذا راح تخلين فرساي الأحد بدل الاثنين يعني يوم ويك اند وزحمه زحمه لازم تكونون متواجدين من وقت قبل لا يفتح
ساعه كم راح يكون وصولكم وبأي شهر السفره ؟!
لانه اذا وصلتون باريس العصر وعلى بال ما تروحون الفندق تنزلون العفش تريحون وتطلعون مره ثانيه ما بقى شي من اليوم خصوصا اذا رحلتكم في الشتا لانه النهار قصير والباص للساعه 7 أظن بس

السفر ان شاء الله في شهر ابريل
نطير 11 ابريل (يوم الجمعه) الفجر نوصل 1:30 الظهر
ضافيت يوم لباريس يعني صارت 4 ليالي بدل 3
يعني الجدول كالتالي:
اليوم الأول الجمعه من العصر: الباص المكشوف
اليوم الثاني السبت: متحف اللوفر + هضبة المونامرت + تمشي في الشانز
اليوم الثالث الأحد: قصر فرساي + شوبنج
اليوم الرابع الأثنين: ما عرف شنو اسوي، عطوني اقتراحاتكم
اليوم الرابع الثلثاء: التوجه الي ديزني
فيصل: الأماكن الي ذكرتها في الجدول هي الي ابي ازورها, بس اذا عندك أماكن غير تستحق الزيارة قولي عنها لو سمحت
بلنسبة للباص مب ضرروي انزل كل محل لأن الي قريته ان صعب احصل باص يوديني المزار الي بعده و احنا عددنا كبير تقريبا 12 ف ففكرنا نلف بالباص بس ننزل ايفل, والا اش رايك؟
fanda
ايصيير رخصة سوق بحرينية لو لازم دولية؟

تقدرون تركبون اي باص او تتوزعون عادي فيه فوق وهو اللي يفضله الناس كثيرا وفيه بالدور الارضي بالباص خصاه اذا فيه مطر او جو بارد
اليوم الأول الجمعه من العصر: الباص المكشوف
اليوم الثاني السبت: متحف اللوفر + هضبة المونامرت + تمشي في الشانز بعد اللوفر ساحه فاندوم
اليوم الثالث الأحد: قصر فرساي + شوبنج ( الشوبينج مغلق الا في الاوت لوت ولايدفانس يغلق ممكن 7 او 6) نستبدلها بالحي اللاتيني ونوتردام وجسر العشاق
اليوم الرابع الأثنين: ما عرف شنو اسوي، عطوني اقتراحاتكم افا ما فيه ايفل
ميدان كونكورد ثم القارب المائي من عنده الي ايفل وركوب برج ايفل ثم حدائق البرج ثم طلوعا بالدرج الي ساحه ترايكادور بتشوفونها بالباص اذا اعجبتكم زورها فيه عروض هناك وكذلك مقاهي حلوه ثم حديقه لوكسمبورغ
اليوم الرابع الثلثاء: التوجه الي ديزني
لعل تجمع من بين اراء الاعضاء افضل من تعتمد علي رأيي او رأي غيري
وبما انه فيه وقت تابع اي تقرير او تقريرين

فيصل
جزاك الله كل الخير ع ترتيب البرنامج
في ايفل في
انا قلت اني بانزله/ باروحله/ بازوره في اول يوم من وصولنا عن طريق الباص السياحي
سؤالي: ميدان كونكورد شنو فيه؟
حديقه لوكسمبورغ... ينراح لها مشي من ساحة ترايكادور؟ و شنو فيها الحديقة؟
كل الشكر