برق الشمري
17-09-2022 - 12:40 am
اسعد الله مساكم بكل خير.. اضع بين ايديكم جدول لشهر عسل 13 يوم ( 12 ليله) ويعتبر جدول مبدئي على حسب اراءكم وتوجيهاتكم
يومين سيلانجور ( فندق البراميد) على ما اظن اسمه كذا... وش رآيكم في هالفندق ..؟؟؟
يومين لنكآوي ( اتمنى منكم ترشحون لي فندق .. وانتم عارفين شهر عسل لابد من فندق 5 نجوم ^_^
خمسة ايام بينانج( الصرآحه وضعتها خمس ايآم لان الصراحه احب النشاطات البحريه والفعاليات فيها .. واحد زملائي نصحني ان اجلس فيها لانها ممتعه ولا راح تمل منها وخاصه في شهر العسل .. هل المده كافيه ام مبالغ فيها وكثير عليها 5 ايام .؟؟ واتمنى ترشحون لي فندق 5 نجوم
3 ايام كوالا ( برضوو ياليت فندق يكون قريب من اسواق وهادي جداً 5 نجووم
بانتظار ردودكم .. ولكم كل الود والمحبه
أسعد الله مساك بكل خير
والله جدولك ماهو اوكيه يبي له تعديل صحيح بينانق ممتازه ووناسه ولكن
اشوف 5 ليال كثيره خاصه معاريس ممكن لو عائله انسب بس معاريس 3 ليال كفايه
غير إن كوالالمبور قليل عليها 3 ليال ولنكاوي معاريس قليله جدا ليلتين واشوف افضل ترتيب هو
ليلتين سيلانقور -- 3 لنكاوي -- 3 بينانق -- 4 كوالالمبور -- آخر ليله بورت ديكسون
و إذا مره تحب النشاطات البحريه ممكن تحجز بالبلانجي بيتش بلنكاوي شاطئه فيه نشاطات بحريه
بالنسبه للفنادق انت اخترت بس البيراميد وهو ممتاز لكن اللي أفضل منه في سيلانقور هو
الصن واي لاقون نفس الشركه حق البيراميد بس البيراميد 4 نجوم والصن واي لاقون 5 نجوم فخم جدا
في لنكاوي الأفضل الويستن او ذا دانا وبعدهم لو تبي انشطه بحريه واكواخ عندك البلانجي بيتش بعد حلو
بالنسبه لبينانق عندك البارك رويال او القولدن ساندس كلهم علي نفس الشاطئ وكلهم ممتازين والبارك رويال اولا
بالنسبه لكوالالمبور إذا تبي قريب الأسواق والمطاعم وقريب شارع العرب فندق رويال شولان ممتاز وجديد
وفي بورت ديكسون عندك فندق قراند ليكزس كل غرفه ببركة سباحه خاصه داخلي الغرفه
يصلح كأخر ليله للراحه وبعدها للمطار
واهم شي في بينانق ولنكاوي تكون الإطلاله علي البحر
و انا اشوف مثل ماقلت لك الجدول اللي اعطيتك انسب شي ويجمع بين جميع الخيارات